沙田區議員要求改善落禾沙交通服務及對798服務提出查詢

如果810A能夠全日，睇怕86K都有麻煩；而家85K已經俾810打到死……

tszhinchan3 發表於 2021-1-10 15:22
做錦英唔係唔得，但要經源禾送40X上公路

今時今日40X仲要經源和路，原因唔單單係非繁由利安錦英去源和路獨市，仲有就係九記未必肯去程位位收少$3(全價$9.1、沙田區內無分段，雖然咁搭得既客多數都係硬食)、回程收少$0.3(分段價$6.4)。呢個亦係40X改唔到快、甚至是拆線的難度很高的原因。(P.S.40S只係比40X行多一個泥涌而已)
其實呢度過往都有唔少版友提出過86K改經源和路、改到好似83K咁行既循環線、86S全日與86K開聯合班次等建議，目的係比40X撤出源和路。不過咁，就算建議做得幾好都好，九巴唔想改我地都做唔到d乜，除非九巴肯放棄位位收多$0.3或$3。

kaiyip24 發表於 2021-1-11 10:36
如果810A能夠全日，睇怕86K都有麻煩；而家85K已經俾810打到死……

恆安和頌安係810飛站的黑點，加上唔入欣安和富安總站，85K又真係收得平($5.1 vs $6.5)，去程85K先叫做勉強做得住。至於回程，810係禾輋邨的分段收$5.4，比85K貴幾毫子，呢個位連85K收得平既優勢都無埋，始終香港地裡面一個幾毫都要計住搭車既人唔算話佔絕大多數。

810A全日，影響唔止86K，仲有40X既區內客呢？當然對85K都有影響。無他，810系係時間上屈哂機，比85K快一倍時間去沙中，有得揀都會揀架快。

AVW28 發表於 2021-1-11 11:44
今時今日40X仲要經源和路，原因唔單單係非繁由利安錦英去源和路獨市，仲有就係九記未必肯去程位位收少$3( ...

當86C可以飛走大圍既時候，客量更大既40X點解飛唔到？
以前86C都係因為想做馬鞍山至大圍客，所以就算馬鐵通車都寧願殺86A都唔改快條86C！

我同意九巴唔想位位收少$3，但近幾年統一區內分段，元朗雙向分段收費都搞得成既話，我覺得只要大家夠聲音，其實唔係冇可能。

其實坊間提過唔少錦英路全日去源禾方案，都避免唔到三個問題，就係做唔到85K個班次，同埋沙田職訓局班學生多數係行去禾輋邨個站搭40X，如果40X唔經源禾路，佢地要行多幾步去總站搭48X。最後亦都係最核心問題，就係源禾自此失去全日唔經沙市既城隧線！

tszhinchan3 發表於 2021-1-11 14:29
當86C可以飛走大圍既時候，客量更大既40X點解飛唔到？
以前86C都係因為想做馬鞍山至大圍客，所以就算馬鐵 ...

煽情到呢
好似無左40X經源禾路
I大班學生就會晴天霹靂一樣

eternalflame 發表於 2021-1-11 23:20
煽情到呢
好似無左40X經源禾路
I大班學生就會晴天霹靂一樣

可能佢就係沙 I 學生

不過 40X 源禾路收視冇佢想像中咁多 ...
以前朝朝搭 40X 返學 兩個站落車嘅客十條友加埋都冇
甚至見過有鄰近學校嘅同學喺葵興上 40X
去到城隧落車轉 48X 返禾輋
就算係我放學 我都唔會行出運動場上 40X
寧願喺總站上 48X 去城隧轉車 甚至行/坐車出沙中轉車

起碼我望到架車幾時開先

tszhinchan3 發表於 2021-1-11 14:29
當86C可以飛走大圍既時候，客量更大既40X點解飛唔到？
以前86C都係因為想做馬鞍山至大圍客，所以就算馬鐵 ...

86C飛得走，係因為大圍去深長荔一帶有替代(86A和286X，87B經石硤尾和南昌街都當係)，而且大圍返馬鞍山有大大條馬鐵係度。當時用86C做埋大圍，馬鞍山出發搭去邊都係要比全價，有熱狗年代黎熱狗就話，黎冷馬既，價錢係比馬鐵貴(去沙田圍和車公廟兩站既價錢差距更明顯)。根本馬鞍山去大圍，巴士係完全唔夠鐵打，價錢、時間和班次都輸比人。
雖然86C行大圍的年代，大圍去深長荔係可以見車就上，但大圍一帶受唔受呢？佢個case唔同81C，81C係287X未開辦前去油佐尖一帶唔計鐵係獨市生意(難聽d講係焗搭，回程焗比馬鞍山價)。好明顯，如果當初86A取消到，我估86C到今日都仲係經大圍咋！九巴呢個如意算盤係打唔響。咁點解286C又做得到呢？286C個性價比真係高，站位又靚86C咁多。

40X撤出源和路既難度係比86C大好多，除左你講源和路直去城隧、替代路線的班次問題，講黎講去就係源和路往返利安錦英的問題，有唔少住果幾個屋邨屋苑既學生係源和路返學。



不過我唯一諗到就係同40S和將會開辦既40E執過佢，但詳細點執就要再想想。

AVW28 發表於 2021-1-12 08:38
86C飛得走，係因為大圍去深長荔一帶有替代(86A和286X，87B經石硤尾和南昌街都當係)，而且大圍返馬鞍山有 ...

E同S暫時係繁忙時間限定，可以搵早繁試水溫，睇睇咩反應。既然將來山上同烏溪沙有E車去城隧， S車就冇必要再由泥涌開經烏溪沙錦英先碌到落市中心恒康街同富安。如果要執到40X唔經源禾路，前提係要先打86P全日經源禾路主意，同埋拆得掂86K個pool唔夠車比86P全日嘅問題。

61233 發表於 2021-1-11 23:54
86s全日佢

價錢牌問題，40X馬鞍山去源禾$9.1
86S收唔返同樣價錢

(除非拆到條位位$12.7嘅特快版40X)