[走火入魔] 建議重組 37 37M 分拆油尖旺特快 37X 及 237E

tonychow 發表於 2021-1-20 10:37
無錯我真係無㩒入去，因為我一路都覺得係上年 8 月 cast 師兄提出逆走方案之後，你 link 出來討論嘅反建議 ...

咁其實我既立場一路都好清楚，資源、配額、收費問題三重夾擊下，一條做太子旺角特快、一條深水步止步，已經係比較貼近現實同可行、對現有乘客影響最少既做法。就算你地話太子旺角覆蓋太窄都好，33A 37 旺角上車站位奇差，站位改靚左加改快始終都會做多左客

另外，唔似其他版友，出自我手筆既建議，我係一定會嚴謹計算行車時間

今次既 37 同 37X，按九巴官網 ETA 相同/相似路段計算，一轉分別約 63 同 52 分，所以非繁分別畀 90 同 70 分鐘一轉連休，兩線互跳飛機，八部車夠跑；下繁就出多第九部車，37 最繁忙一小時有需要做返 15 分一班，畢竟而家深長荔客多過旺角

237E 一轉淨行車時間需時約 88 分，我估你意思係 43 減出來既果部車唔擺落 33A，改為擺落 237E 度；但呢個行車時間，就算加到五部車，都做唔到廿分班，只能做 25 分，我不如 30 分一班就算

況且 43 同 33A 荃灣至葵芳一段近似，由 43 減一部車落 33A 拆線，不論客量定營收都有 strong case 支持；43 減完後下繁會由最密 8 分變 10 分一班，尚可接受，但減得一部唔代表可以減第二部。但 237E 同 43 近似程度差太遠，理據比較薄弱。真係想之後進一步抽車為呢條尖咀特快 237E 加班既，我既首選會係同樣以葵涌邨作總站既 44M，但現階段真係落左地先

至於 33A 同 33X，我計到一轉分別需要 64 同 73 分，所以分別畀 4 部同 5 部車行，各自做廿分班；下繁再各自加多部柯打（而家 33A 下繁都有兩部柯打）去維持班次，同埋畀 33X 最繁忙一小時加到 15 分班。如果只係得 8 部車，33A 無法拆線，只能維持現狀，唔會比起拆得快效果理想

S3V1742C 發表於 2021-1-20 16:59
真係好笑 原來做人唔洗睇價錢牌
同埋 你成日以為自己既方案就係最完美
完全唔吸收其他人既重組建議

配額限制同資源局限，唔係你話無就無。當然我明白好多人因為對現實唔高興，所以要千方百計否認現實既存在同局限，活在自己既平行宇宙入面


但咁唔代表你可以改變到現實，唔代表你可以爭取到你想要既野返來

為左橫過亞皆老街而走去行上海街/新填地，你可以去到幾盡？我幾肯定到頭來執到既客會少過旺角道先達 loop，兩條路交通狀況亦唔見得好過旺角道亞皆老街

收費問題你亦一而再、再而三搞錯重點。旺角特快收 $8.9 去埋油佐尖係咪合理係一件事，可唔可以無任何其他直車替代下將原有乘客一次過加兩級 $6.4 變 $8.9 先係問題所在，呢兩個問題要分開，而「原有乘客」係關鍵！旺角特快收 $8.9 合理並唔代表原有乘客接受得到畀人加兩級，後者先係決定過唔過到既重點


而我條快線已經做埋太子，並唔存在大窩口無車落太子既問題。你堅持慢線做埋太子既話，快慢兩條線都只能夠做 30 分一班，你又制唔制？其他現有乘客又制唔制？到時就真係留名睇日日旺角塞車塞到慢線脫晒班，你望下隔離 272E 拉落柏景灣條 thread 有幾多人反對


不過你制唔制都唔係重點，重點係你唔係唯一持份者，貴區其他居民、其他受影響路線現有乘客都係持份者。地球唔係圍住你一個轉，學 Ricky403 師兄話齋，我既方案唔係只用來滿足你一個人，滿足到你但其他人反對既話都無用，你都係得唔到你想要既野

咁堅持旺角特快做橫過亞皆老街既話，點都做左 33X 旺角循環先，之後等到彌敦道有配額、有新增資源，又真係萬一 33X 唔夠客，先再延長條線落佐敦加價，咁就唔使一次加兩級。一次加價兩級一步到位係一定撞版，但分階段做，陰D陰D加價都仲有可能最終可以做到。但我個建議入面佐敦仲有條 237E 同 234E，只要落實得到，33X 再拉長佐敦既實際作用有幾大都係問題

S3V1742C 發表於 2021-1-20 16:59
真係好笑 原來做人唔洗睇價錢牌
同埋 你成日以為自己既方案就係最完美
完全唔吸收其他人既重組建議

咁你慢慢反對啦 大窩口嘅巴士服務繼續原地踏步啦

S3BL100 發表於 2021-1-20 23:37
咁其實我既立場一路都好清楚，資源、配額、收費問題三重夾擊下，一條做太子旺角特快、一條深水步止步，已 ...

或者我講得有少少唔清楚。
43 減 1 車嘅話，我唔會用來加班，而係葵涌邨開，經大窩口站、德士古道、大窩口道兜一圈，用返你條路線行
當然呢種走線會比較核突，而且實際運作上會有問題（例如排隊等等），但係如果唔夠車考慮，呢種行法就可以令大窩口道一段都有尖沙咀線又唔使抽 33A 車（又或者 33A 之後再同其他線拆都好都可以係後話）
另外好似你咁拆線嘅話，南昌街至太子一段就會變咗真空，而呢個問題喺返新界方向會嚴重咗，因為欽州街開車嘅話會搞到呢段嘅乘客行去深水埗站會快過去搭 33A。其實我之前拆 234X 都有呢個問題，但因為用咗南昌街做循環點，所以觀感上勉強解決咗。所以從大窩口新區考慮，拆完未必好得過 33A 由頭行到尾

加上 33A 同 43 走線重覆更加係抽車藉口，因為補位易咗，返新區有 34，楊屋道有 33A，葵芳仲有條 30
單純從覆蓋計，呢種走線大窩口唔知收唔收貨，但最起碼唔係叫人行上葵涌邨搭先

tonychow 發表於 2021-1-21 10:42
或者我講得有少少唔清楚。
43 減 1 車嘅話，我唔會用來加班，而係葵涌邨開，經大窩口站、德士古道、大窩 ...

如果純粹係大窩口唔鍾意回程要畀深井價返歸，237E 都可以考慮回程咁樣兜大窩口一圈，都仲可以做到一轉連休 120 分；但來回都兜就做唔到

不過我相信九巴角度會寧願唔搞咁多野，237E 做葵涌邨葵盛加葵芳算數


而南昌街至太子一段真空，暫時無其他解決方法，鬼叫大窩口無合適位置做總站，畀短線四部車 80 分一轉（下繁加一部柯打 100 分一轉）行完，否則我都會用類似今次 37 既走線去解決，畢竟荔枝角道其中一個方向都值得做，況且見到九巴同運輸署都死唔到條心，想減長沙灣道流量

不過問題係 33A 深水步區計，北河街上車人數遠多於汝州街其餘兩個站。北河街行去欽州街總站上車係合理，而其餘兩個站受影響人數幾肯定仲少過 33X 停旺中執到既客。再者 33X 做太子旺角循環前提下，太子則可以鴉蘭街上車。成件事係無可避免有取捨，但望返而家 33A 旺角站位奇差趕客（37 都係），仲要大角咀開出來已經因為一條新填地街搞到脫班。拆兩條後旺角站位靚左又快咁多，大半個深長荔班次又穩定唔少，個人認為係利大於弊，果兩個細站係值得考慮用來交換

望返 B2 版討論 272E 個帖，延長方案劣評如潮，好多版友都寧願唔做太子同南昌街之間，都要做到穩定班次，專心做好深長荔客

S3V1742C 發表於 2021-1-28 20:17
真係好笑 平行宇宙果個會唔會係離地既你呢
已經唔係我一個人講 只做旺角特快巴士線係唔work
引用Tony兄之 ...

我要再強調一次，我同你討論緊既，唔係整體規劃應該點做，唔係逐條線應該點行，而係咩係現實入面做到與做唔到

你淨係捉住自己想要乜乜乜一點來講，完全唔理現實有咩限制，當正成個網絡可以推倒重來，你先係平行宇宙同離地

坊間見到既其他建議，絕大多數喺派車數目、配額、收費、影響其他地區既得利益者幾方面，至少其中一樣出問題。呢幾點其中一方面出問題，成個方案已經唔會落實得到，甚至連擺上 RPP 既機會都唔會有

咁一個擺唔上 RPP、現實入面無法落實既建議，建議完之後你地又得到D咩呢？

就算只論客量，亦唔見得你既建議有幾貼地

為左做「旺角以南」而走入新填地街上海街，試問下旺油佐客有咩理由為左要坐呢條線而行入去夜䦨人靜既新填地同上海街？服務範圍唔係更接近紅小站頭？新填地街上海街人流有無我個旺角道亞皆老街圈既三分之一？我好肯定真係咁行既話，條線會死得好慘。你先係離地萬丈

走上愛民？旺角上落站位選擇少左，回程做唔到太子，加上全線條最塞車係窩打老道到洗衣街之間一段，班次穩定性會仲衰過旺角循環。再者要加多兩部車邊度搵？定係你為左去愛民而寧願跌落 30 分一班？你簡直係搵緊自己笨

我從來唔認為只做旺角會唔 work，其他區一樣有只做旺角而成功既例子，例如 27 213D。就算畀你拉去佐敦，旺角都會佔全線客量七成以上，拉長段既客量根本未必抵銷得到用多左既車同成本。資源得咁多就唔該睇餸食飯，反正巴士公司會睇既，唔係成條線有幾多客，而係有幾多利潤或者蝕幾多，只要成績好過而家已經交到功課。掟額外資源落去根本未必有著數，更何況呢D額外資源同配額根本唔存在，你點嘈都無用，反正現實入面根本做唔到

S3V1742C 發表於 2021-1-28 20:18
其實你又唔係住呢區
你肯定呢個重組係居民想要既重組咩
已經講左好多次

老實講 我就唔係外區人 過條馬路就到大窩口邨 其實大家都知大窩口邨人口老化得嚴重 啲巴士又係唔合理嘅(厹冇心做) 但係當巴士公司唔想做呢區嘅時候 就冇得要求太多 有進步已經唔錯 起碼遲啲都可以攞多啲資源 最終達到你嘅理想巴士服務

S3V1742C 發表於 2021-1-28 20:18
其實你又唔係住呢區
你肯定呢個重組係居民想要既重組咩
已經講左好多次

我都支持大窩口邨攞返多啲巴士服務返嚟 的確個巴士服務係垃圾 但係問題就係你一次過攞太多嘢 好似有啲離譜咗啲 如果現實少少 我覺得有進步已經唔錯(除咗流水外，應該點都好過33A，33A真係慢到嘔)