未見過咁碌既司機

原帖由 psc999 於 2006-7-20 23:41 發表


有人係架巴士上面見到個靚女乘客走去摸佢r
係唔係其他人跟住走去摸佢, 呢個行為就係岩先?

唔係多個一個人做同一樣野就等於果樣野係岩

我諗係「你無搭係唔知」呢一點比較重要。

而且你個比喻有 D 過份。

原帖由 psc999 於 2006-7-20 23:34 發表


估唔到你讀咁多書, 都做D咁唔尊重車長既行為。
估唔到你讀咁多書, 都唔知乜野係本末倒置。
「塞住條路，仲有機會令到後面 D 車撞埋來」咁既野你都講得出?
後面D車撞埋黎一定係你架車既車長開得慢既錯?
你咁唔客觀, 我諗唔到有乜理由可以企係你果邊

我諗一樣野，撞埋來果個自己唔小心固然係錯，
但特登渣慢架車去增加人地唔小心既機會你有
無計落去？

情況就同成班人係地鐵站通道入面行，
有個人行得慢頂住後面一樣。

P.S.
你都幾過份，一連十篇係咁轟我。
而家第一件事，我唔係要佢無左份工先。
我只係俾佢職員編號既第一個位。
你想我點？

你唔係企係果架車度捱慢車，你係唔會明架。
我唔投訴已經係將佢應得既俾左佢。

至於你叫我搭其他車...
你知唔知搭 238M 轉地鐵仲慢過等下班 238P？
X 同 P 同價我點解要揀架慢既來搭？
況且搭 A 或者小巴轉地鐵係比 X 快既。
你而家好似講到我一唔妥個司機行為就係野蠻乘客喎...

[ 本帖最後由 238X 於 2006-7-21 00:38 編輯 ]

原帖由 238X 於 2006-7-20 12:14 發表
我係指佢關完門先開始鬆手掣。
關完門先踩油呢個係常識，我都知。

關完門先鬆hand迫力，教車師傅都係咁教個bor
有乜問題?

原帖由 ksmbh 於 2006-7-20 19:36 發表
快d返站頭休息下唔好咩,
點解而家開越來越多碌車車長既?

如果你渣過車就會明白，架車越開得快
就會越傷神，因為你要同一時間顧及路面好多情況。

渣慢d當然係輕鬆好多啦，而且偉大的九龍公司
知道你日日都踩快d返站頭休息的話，就會cut時
來令你到站連小便都冇時間。

原帖由 fokck 於 2006-7-20 12:21 發表
慢左幾分鐘好似唔係乜野問題，但對於一架好似 238P
行高速公路既巴士咁，七八分鐘？夠我由屯門坐車行
屯門公路差唔多出到深井喇。乘客沒有責任因為車長
既駕駛態度去額外預算更多行車時間。

咁我坐6號，6號A等等由尖沙咀碼頭七八分鐘先去到
柯士甸道咪好多車長都要豉椒炒魷?

乘客係冇責任要額外為車長預時間，但塞車呢?
地鐵廣告都有講啦，早D起身預多小小時間係唔會死的。

原帖由 psc999 於 2006-7-20 23:40 發表
我想知慢兩個字對樓主有幾大影響

D巴士迷上車個個上車連秒數都計埋o架啦，
而家遲七八分鐘就要打電話投訴，遲下慢十秒鐘
話唔定都要生要死