離島區議員提出動議，要求青馬豁免收費後巴士線減價

https://www.districtcouncils.gov ... 8/TTC_2021_8_TC.pdf

雖然現在會議延期，但估計新城也是以疫情下客量下降，經營困難等理由拒絕。

一程車慳左三十，當坐滿一百人，唔通每人減三毫乜?! 何況每日有幾可坐到一百人

象徵式減一毫一陣又話冇誠意，減兩毫分分鐘都會嘔突

東涌嘅車費已經有全港各區市民搭貴價A線補貼而好平，靠東涌基本上無可能有咁平咁好服務。啲區佬仲貪得無厭

按里程計，E線真係平過其他區線。政府補貼咗隧道錢，其他區都未減價，東涌真係好難出聲

Quanta 發表於 2021-1-18 21:09
東涌嘅車費已經有全港各區市民搭貴價A線補貼而好平，靠東涌基本上無可能有咁平咁好服務。啲區佬仲貪得無厭 ...

即係東涌車費係唔係貴呢個問題，係今時今日咁既物價水平相比之下都仲有小小討論空間。但你話「好平」就真係癡線兼離地萬丈——東涌堆E線車費拍得住其他新市鎮，你夠唔夠膽走入去天水圍同嗰度既居民講「你地既車費其實都算平」？

AVBWU291 發表於 2021-1-18 21:28
按里程計，E線真係平過其他區線。政府補貼咗隧道錢，其他區都未減價，東涌真係好難出聲 ...

唔好唔記得E線里程長其中一個原因係佢地要係後勤區不斷繞路？難道呢段路程都要東涌居民找數？城巴咪儘管試下跟足收費表限制收費——E21、E22、E23全部收23蚊，你睇下會有咩後果

E21A 發表於 2021-1-18 22:03
唔好唔記得E線里程長其中一個原因係佢地要係後勤區不斷繞路？難道呢段路程都要東涌居民找數？城巴咪儘管 ...

就算撇除後勤區嗰段路，成個收費依然係較低，好過大西北。

KV8948 發表於 2021-1-18 20:55
一程車慳左三十，當坐滿一百人，唔通每人減三毫乜?! 何況每日有幾可坐到一百人

象徵式減一毫一陣又話冇誠 ...

九巴對上一次（2013）年加價，平均加4.9%,，超過7成既乘客每程車費加幅唔多於4毫子。
雖然2020年既物價水平同2013年應該有差距，不過下次加價時你可以同乘客講「其實三毫子都唔算得係啲咩」

AVBWU291 發表於 2021-1-18 22:09
就算撇除後勤區嗰段路，成個收費依然係較低，好過大西北。

講黎講去咪又係只係平過天水圍少少。但係估唔到今時今日平既標準居然係同天水圍做比較，可能天水圍近幾年少咗負面新聞。