海之戀大帝疑似擺款趕絕巴士

053h4 發表於 2021-1-29 11:08
咁搞清楚，而家係居民要巴士服務而巴士擺係荃灣西。

同杏花村居民普遍認為巴士可有可無而私牌車唔比行杏 ...

港島無得做架啦，交牌啦
條 590 係咪九巴肯做姐？ 私家路Wor

tkglobe 發表於 2021-1-29 10:18
佢哋要保障自己嘅權益有咩問題，巴士公司係咪肯俾錢維修條路？

地契寫明條路係要開放比公眾使用，呢個係批地條款黎，宜家咁樣使橫手唔比巴士行即係違反批地條款，理論上政府係可以釘契甚至收返撻地（當然政府唔會亦唔敢）

呢單野就好似早幾年私人物業入面嘅公共空間咁，地契規定該空間要向公眾開放，業主係冇權限制咩人先可以進入該公共空間，唔通又話「我地要保障自己嘅權益有咩問題，你地係咪肯俾錢維修?」呢個係你用呢塊地嘅條件黎，你唔鐘意呢D條件係可以唔買呢到

另外究竟政府有冇責任確保巴士公司有足夠土地停泊巴士? 今次風波緣於九巴過夜泊位不足，導致大量巴士需擺街過夜，造成深夜大量噪音引起不滿，九巴唔同新城，早更冇站頭報到機制，全世界都係返屬廠派更報到再搭工程車出站頭，原則上係冇誘因泊街過夜，泊街重會增加巴士被破壞甚至被偷車嘅風險，如果有足夠泊位，相信九巴會好樂意全部車泊廠過夜

ATSE40 發表於 2021-1-29 10:59
搵返運輸署通告，佢而家係講緊「荃灣路西行支路通往海之戀未命名通路的支路」先係劃做 11 米以上禁區咋喎： ...

即係而家係講緊呢度左邊個灣位唔比11米以上車入 而右邊個入口位照可以比大巴入?

另外之前唔係話唔再用呢個位入巴士係因為海之戀長期有大量私家車要入停車場 條路塞死晒所以先唔用咩?

ATSE40 發表於 2021-1-29 10:59
搵返運輸署通告，佢而家係講緊「荃灣路西行支路通往海之戀未命名通路的支路」先係劃做 11 米以上禁區咋喎： ...

根據九巴通告「 荃灣路支路及經大涌道迴旋處往荃灣西站入口之標示現已更新為只限11米以下車輛駛入，各出廠車或私牌車請注意上述更改，請改用大河道出入口進出荃灣西站巴士總站」（原文節錄）

似乎表示包括34途經往荃西巴總嘅海興路支路亦屬於11米禁區範圍

poondriver 發表於 2021-1-29 12:47
即係而家係講緊呢度左邊個灣位唔比11米以上車入 而右邊個入口位照可以比大巴入?

另外之前唔係話唔再用呢 ...

本身荃西隻後門係得34會正常途經，除咗34得私牌車會用，正常私牌車入得荃西一係早更出廠，一係夜更收工泊街，正常呢兩個時間都唔會有塞車問題

至於過鐘踢車因唔屬正常車務運作，故不在此作討論，相信車長會因應路面情況選擇最佳路線

ky26042008 發表於 2021-1-29 12:38
地契寫明條路係要開放比公眾使用，呢個係批地條款黎，宜家咁樣使橫手唔比巴士行即係違反批地條款，理論上 ...

講違反批地條款

攞政府平價地比你用黎泊車砌車
你用黎起樓cap完水

重夠膽話無地再R地比你泊車

如果認真去補返地價

九巴上下㒰人賣埋兩邊腎都唔夠錢補返個價

面皮厚極都有個譜

GA6072 發表於 2021-1-29 13:14
講違反批地條款

攞政府平價地比你用黎泊車砌車

舊茘廠（現曼克頓山）舊觀塘廠（現創紀之城）甚至舊深水埗廠（現美居中心/ 鴻裕大廈一帶）都係市區核心範圍，經過周圍發展，本身已經唔適合再做車廠（噪音問題/ 舊廠設計過時/ 交通擠塞問題）舊茘廠未搬果時美孚新邨一直有對巴士廠嘅噪音投訴，如果堅持九巴要將舊茘廠繼續做車廠用途，第一個跳出黎反對嘅應該美孚新邨嘅居民

而且舊地契批地條款一向寬鬆，九巴舊廠更改土地用途亦須經城規會批准，部份古早地契甚至冇任何批地條款，而古老工業用地發展為住宅區一向有先例可循（太古城/ 舊太古船塢）（黃埔花園/ 舊黃埔船塢）（美孚新邨/ 舊美孚油庫）等，呢D土地經多年發展已經唔適合再作原有工業用途

但係新地契嘅批地條款一定會寫清寫楚，除非政府批准改地契，否則指明公眾用得嘅道路係唔應該用任何方法限制通行（除非道路有安全問題）

今日啱啱至經過嗰頭，我就唔覺34入去條路有幢路牌
會唔會係九巴高層get錯咋，班人做野有幾掂大家都心知肚明