建議更改新巴18非繁服務

neoplan720p 發表於 2021-2-1 14:36
教訓：
送左俾黨鐵既客，好難返轉頭。
除左18，720系都係一個例子。

呢樣真...本身港島東西距離唔係想像中咁遠
趕走咗去黨鐵真係好再撈番上嚟
當年18取消前明明有客，倒走咗幾年
新習慣已經養成，你再開番意義其實唔大
（更莫講只係開番日間非繁）

Busmtr 發表於 2021-2-1 18:45
咁搞法北炮冇快車出上環，堅尼地城又要再兜中上環，只會兩邊都反枱，邊有你諗得咁簡單。

我會咁睇，
非繁北炮去上環真係會坐18嘅人有幾多先？
而且2號行法除咗多咗個大坑同金鐘果段仔，唔係真係話慢到好誇張，反而18中段咁嘅貓樣，做又唔係唔做又唔係。

反而東行2號上環去北炮真係慢過18一大截就真。

其實如果有方法拼返一條本質唔係壞事，尤其你18P東行咁行根本係應該要重整。

就算還原水街年代行法，中段都係無得救。

JX9097 發表於 2021-2-1 18:56
呢樣真...本身港島東西距離唔係想像中咁遠
趕走咗去黨鐵真係好再撈番上嚟
當年18取消前明明有客，倒走咗 ...

西灣河計搭地鐵去中環，車程都係廿分前後。
更加唔好講北角，當年倒走咗想要返係好困難。
好彩兩繁18叫做保得住兩繁基本盤叫做無跌。

brianso198 發表於 2021-2-1 19:00
西灣河計搭地鐵去中環，車程都係廿分前後。
更加唔好講北角，當年倒走咗想要返係好困難。
好彩兩繁18叫做 ...

咁認真，復辦後我都有坐過幾次18
大會堂上車，順順利利的話堅快到炮台山
就算北角都唔比黨鐵輸蝕
只係有次試過金鐘（電車路）唔知咩事倒灌去中上環
結果用咗成粒鐘都未到北角站真係吹漲
（過力寶之後冇塞車...）

brianso198 發表於 2021-2-1 19:00
西灣河計搭地鐵去中環，車程都係廿分前後。
更加唔好講北角，當年倒走咗想要返係好困難。
好彩兩繁18叫做 ...

點解趕客容易搶客難？

JX9097 發表於 2021-2-1 19:13
咁認真，復辦後我都有坐過幾次18
大會堂上車，順順利利的話堅快到炮台山
就算北角都唔比黨鐵輸蝕

快都無用,
架車無左成三年之後好低調咁復辦,
當年18做到咁大好大程度上新巴落左好多工夫,
而家根本無呢回事...

不過就算做左宣傳都無用,
而家905做左西營盤>灣仔北呢段,
18P就做埋反方向,
注定無運行...

中段以前18成堆中環<>灣北客, 而家唔見哂...

brianso198 發表於 2021-2-1 18:58
我會咁睇，
非繁北炮去上環真係會坐18嘅人有幾多先？
而且2號行法除咗多咗個大坑同金鐘果段仔，唔係真係 ...

其實搭18去上環倒不如搭18P係中環落，或者619上環落，除咗港澳碼頭之外，其餘18P落車行前唔算太過份，基本上18變咗18P加班車，特別係18半全日時18P無減到班，再加上去西環嘅需求少咗，18P又少咗人，仲有18X北角直達中環特快
2號其實唔係快，大坑起碼慢咗5分鐘，內告士打道唔算快，不過好在中上環係內街落，好似好少少，但其實唔可以話快，619／18／P都比佢快，係25比佢慢

18而家維一價值係東行去北角，但唔夠宣傳，同埋回程尾車無拉遲少少

如果拉18去西營盤又要搵位泊，同埋行車時間唔短，同埋高樂花園都有18P，行去海味街唔算遠，回程有正街出，基本上已經cover成個西營盤，拉去西營盤意義唔大

要執18／P，就幾乎要連埋2，5x執，之前都寫過但比好多版友話唔掂，要再諗諗，個問題係留2仔係不智，因為會downgrade咗好多客，但同時鰂魚涌好靠2仔做水泡，當係2A（出銅鑼灣）同722（灣仔返鰂魚涌）咁搭，自己有諗過將2仔改為灣碼－嘉亨灣，太古到灣碼同2A同路，唔入大坑，用8H／81做，但2A都唔會加車落去救命時，再加條2仔落去似乎更加冇可能，車都慳唔到幾多

brianso198 發表於 2021-2-1 19:00
西灣河計搭地鐵去中環，車程都係廿分前後。
更加唔好講北角，當年倒走咗想要返係好困難。
好彩兩繁18叫做 ...

港島地鐵有個劣勢係個個站都好深，行上行落時間係番到，贏嘅係穩定車程

18載空仲有係因為18P都跌咗西環客，18+P根本冇以前咁多客，一個鐘頭9班車係太多

brianso198 發表於 2021-2-1 18:58
我會咁睇，
非繁北炮去上環真係會坐18嘅人有幾多先？
而且2號行法除咗多咗個大坑同金鐘果段仔，唔係真係 ...

除咗睇車程要幾耐，本身班次都唔可以忽略。


北炮出上環，比較正常嘅選擇得返2號同619，問題係兩條線都唔係話好密嗰隻，而且本身車程都慢，同地鐵畀肯定輸蝕。


而家18其一最大嘅意義，就係北角炮台山終於有架正常車出上環。如果你要人中環行返去上環，或者嗌“你搭地鐵啦”，咁其實講嚟有咩意思啫...


其實坐2號本身就係一種賭博，唔塞咪差唔多，最多咪慢18P幾分鐘，但係一塞起上嚟，真係可以好中伏，啲客一中伏就唔會同你玩第二次。所以點解咁多18客倉去搭地鐵唔係冇原因。亦都係點解我一直提倡2號金鐘止步，比中上環客分流去其他主流特快線。


其實最簡單嘅方法，就係取消18P非繁，18全日化，時光倒流二十年。全世界都慢咗，但係係唯一用最少資源補曬位嘅方法。


問題係畀咗去嘅點會咁容易收返，北炮有快車出中上環唔會放，西區有快車出灣仔北都唔會放。尤其係呢幾年，西區同炮台山一直都畀RPP搵緊笨...


所以其實除非有290 692翻版比西區或者炮台山一換一， 或者新巴肯的起心肝拉埋2號25堆線大重組，否則18同18P都會一直存在...

boco1211 發表於 2021-2-1 21:08
其實搭18去上環倒不如搭18P係中環落，或者619上環落，除咗港澳碼頭之外，其餘18P落車行前唔算太過份，基 ...

本身復辦18非繁，定位已經錯咗。根本北炮出灣仔北有18P已經好夠，唔洗18做埋同一樣嘢浪費時間。如果18做到北炮直去中上環，其實成件事係好吸引。


連720 722非繁去上環嘅客都唔少嘅時候，我唔覺得北炮咁成熟嘅社區，會做唔出類此甚至更好嘅成績。


正如我上面都有講，18拉去西營盤，喺西行唔再經灣仔北嘅前提下，可以直接轉循環，直頭唔使搵位停車。兼且海味街一帶係西營盤比較旺嘅位，搶埋10 905客，重可以令18P嘉安街走人， 其實係有戰略意義，總好過拉去堅尼地城同18P爭飯食，或者維持現況18東行繼續載空氣。


2號縮去灣仔碼頭，要補曬重要位相當困難，而且灣北太唔穩定。到時只會整咗另一條18出嚟，學你所言就係變咗2A嘅加班車。我會金鐘止步，諗少好多補位問題。