嶼巴大嶼山收費問題

嶼巴現時只有1同4設有完整雙向分段收費，其餘大嶼山內長途路線都設有單向分段收費，只有少數雙向分段。以下係一啲關於呢啲路線分段嘅問題：

1. 請問1983年以前，係唔係1-6全部路線都有完整雙向分段收費，而且價錢一樣？
2. 1983年2-6取消哂大部分雙向分段之後，得返1仍然有完整雙向分段。咁2由昂平落羗山同3由東涌落長沙嘅分段係唔係由當年一直保留到而家？
3. 往梅窩嘅路線之中，2-5以及8同1、7相比都無咗南山往梅窩嘅分段。巴典寫1嘅南山分段係1980年先開始有嘅，請問其餘路線係唔係從來都無南山分段？
4. 4嘅雙向分段收費後來重設返，巴典上寫2013年嗰陣又取消過雙向分段收費，請問呢個屬實嗎？
5. 點解21無昂平落羗山嘅分段，但係23又有？23嘅呢個分段係唔係一開線就有？
6. 請問長沙消防局呢個站以前係咩路線嘅分段位？而家好似已經劃一哂，去梅窩方向喺蝶崗開始做長沙村分段。喺東涌道改道前後，長沙一帶嘅分段點有邊啲？東涌道未改道之前，3M嘅短途分段終點係唔係一路去到長沙消防局？如果屬實，咁改做11服務長沙之後，去長沙消防局同長沙大橋之間咪要俾貴好多？！
7. 11嘅長沙兌換券同車票有無分平日假日？同埋係唔係同時適用11A？

1. 1982 年 1 至 6 號都有分段收費，梅窩 - 大澳沿線收費一樣。
2. 1983 年起的 2 收費結構好像兩段票，一段由梅窩到羗山道口，另一段由羗山道到昂坪，兩段加起來與全程收費同。3 東涌往長沙大橋 = 長沙大橋往梅窩，分兩段坐更便宜。
3. 1982 年 1 至 5 都有南山分段，五毫。

1. 1974年或之前, 因為每條線分段收費不同, 引起當地村民不滿, 所以在1974年11月開始, 重整所有路線收費, 保證每條線的分段收費一樣, 直到1983年一人操作模式實施
2. 係, 兩條線的分段都係由當時開始保留到現在
3. 1-5由80年開始加南山分段
4. 4的雙向分段在2013年冇取消過, 只係乳豬紙冇顯示
當時我打去嶼巴索取傳真資料時, 4仍然有雙向分段
5. 青嶼幹線通車前, 23沒有昂平往羗山的分段.
反而我奇怪係點解後來23會加"昂平往石壁"的雙向分段? 2到現在都冇呢個分段
6. 在收費表內, 我見過有關長沙的分段有"長沙村", "長沙海灘", "長沙大橋", "嶼南醫院/長沙醫院"
7. 根據通告, 11A應該唔用得, 不過真係想知的話, 可致電29849848查詢

追加問題（關於東涌道）：

8. 請問1997年青嶼幹線通車嗰陣，東涌道仍然未斷開兩截。當年係唔係全條東涌道去到東涌總站都屬大嶼山封閉道路？

9. 大嶼山封閉道路閘口而家喺石門甲，但之前係再北啲嘅。請問係喺幾時搬過？34取消假日收費，由「南北大嶼山路線」改為「北大嶼山路線」，同埋34完全撤出封閉道路範圍3者係唔係同步進行？

我再翻查舊帖，發現2008年嗰陣4嘅雙向分段同1一樣，但而家張表無咗幾個分段點（例如南山）；而N1嘅雙向分段亦喺嶼巴網站搵唔返。請問呢兩條線係唔係取消咗分段？

miklcct 發表於 2021-1-30 16:57
追加問題（關於東涌道）：

8. 請問1997年青嶼幹線通車嗰陣，東涌道仍然未斷開兩截。當年係唔係全條東涌道 ...

應該係逸東入伙後，東涌道先縮禁區到石門甲
之前係響裕東路/松逸路路口大約位置

miklcct 發表於 2021-2-15 21:09
我再翻查舊帖，發現2008年嗰陣4嘅雙向分段同1一樣，但而家張表無咗幾個分段點（例如南山）；而N1嘅雙向分段 ...

2008年的舊文我有睇過, 但2009年我再向嶼巴索取收費資料時, 4更新了分段收費, 沒有了南山分段, 但實施日期不變
至於N1的雙向分段, 我只確定直至2017年3月1日, schedule of service都仲有列出

miklcct 發表於 2021-1-30 16:57
追加問題（關於東涌道）：

8. 請問1997年青嶼幹線通車嗰陣，東涌道仍然未斷開兩截。當年係唔係全條東涌道 ...

8. 唔係，青嶼幹線興建之前，並冇所謂大嶼山封閉道路，任何人都可以揸車進入大嶼山，只要你有本事運到架車入去

青嶼幹線建成之前，車輛從港九各區進入大嶼山唯一方法係坐汽車渡輪去梅窩，海呢個天然屏障自然隔絕大部份外來車輛

直到1991年玫瑰園計劃，為開發東涌新市鎮，東涌通先開始係日間限制車輛進出，範圍係全條東涌道

青嶼幹線建成之後，為免外來車輛經青嶼幹線同東涌道進入南大嶼增加交通負荷，先設立大嶼山封閉道路以隔絕外界車輛進入嶼南

同埋由於東涌道原本只係一條類似深屈道嘅單線雙程道路，原為建造黃龍坑至石壁水塘嘅輸水隧道而興建，而原本嘅東涌村亦只係一條小漁村，除咗村民只有零星行山客會經過，但係青嶼幹線建成之後，狹窄崎嶇嘅舊東涌道成為南大嶼對外嘅交通要道，使政府必須嚴格管制進入東涌道嘅交通，以確保安全

9. 根據資料，因東涌道路面改善工程完成，大嶼山封閉道路起點於2007年由東涌道近松仁路及黃龍坑道移至石門甲迴旋處

2010年新東涌道通車之前，舊東涌道除咗係大嶼山封閉道路，亦係東涌道禁區範圍，當時行走東涌道嘅車輛，除咗須領有大嶼山封閉道路通行許可證，亦須領有東涌道禁區許可證

ky26042008 發表於 2021-2-16 05:10
8. 唔係，青嶼幹線興建之前，並冇所謂大嶼山封閉道路，任何人都可以揸車進入大嶼山，只要你有本事運到架車 ...

這個封閉道路的介紹一定是錯，因為封閉道路路牌，係1973年左右開始有的。當年有汽車渡輪由中環去梅窩，1973年大嶼山巴士開了之後，就要申請才可以通行。未有青嶼幹線前，封閉道路的路牌設在往梅窩入銀灣邨大排檔入口，嶼南路匯豐銀行，大澳近現時公屋路口和東涌道東涌碼頭位置。即是說梅窩的超市區和巴士廠，現時你有辦法去到，都可以隨時駕車前往，大澳巴士總站都係架。只不過現時冇辦法者。

嶼南路以前是兩行石屎，中間種草的路黎。昂坪路到90年代初都仲係呢個設計添。

cx838 發表於 2021-2-16 08:38
這個封閉道路的介紹一定是錯，因為封閉道路路牌，係1973年左右開始有的。當年有汽車渡輪由中環去梅窩，19 ...

本回帖討論的前設 : 我根據google map街景圖作討論﹐我好耐無去過梅窩。

唔知你所講梅窩的超市區有幾大﹐但係那處的 "封閉道路" 牌又有點古怪的。
汽車碼頭落船位的一段路﹐係無 "封閉道路" 牌的﹐但去到此段路的尾﹐就有 "封閉道路" 牌。
即係﹐落船後來來去去都只係這一段路仔﹐一個街口的範圍。

相信﹐這個安排係方便市區危險區車在此落船﹐再將危險區 "過車" 去島內的危險品車﹐繼續運送去大嶼山其他區域。


古怪地方就係﹐這一段路係接駁梅窩碼頭路。
而梅窩的迴旋處﹐有4個出口。分別係大澳方向﹑梅窩舊墟(市政街市)﹑巴士總站﹐以及梅窩碼頭路(即你形容的超市區域)。

前2個出口﹐明確有"封閉道路" 牌﹐巴士總站就無明確的"封閉道路" 牌﹐但深入少少就會中伏﹐因為後係有牌的。

得番梅窩碼頭路係無"封閉道路" 牌的﹐古怪就在這處了。
汽車碼頭出來就有牌﹐迴旋處進入就無牌﹐即係這一部份的路是否屬 "封閉道路"?