22/2 起 16x 加班及增設回程班次

dennis28a 發表於 2021-2-7 05:22
咁我又無咁悲觀既，安達臣公屋區私家車增長又無將軍澳咁誇張，將藍開一開點會紓緩到既。
不過只係去返 5-6 ...

安達臣除非由東隧過嚟啫，否則應該行彩虹上快過將軍澳道上？

EX-TL 發表於 2021-2-7 01:26
用google map present塞車情況我一向唔buy.

圖中啓田道深紅色一段係基孝中學巴士站, 前面紅色係啓田商場 ...

正常睇 google map 就係睇佢果邊係咪多到塞，如果交通正常，果邊都唔會瘀紅，而且現今科技都唔會做到好準確嘅塞車位置報告，用家都唔會預期 google map 做到，但係見到紅色慢車就基本正確

KC6831 發表於 2021-2-7 17:11
正常睇 google map 就係睇佢果邊係咪多到塞，如果交通正常，果邊都唔會瘀紅，而且現今科技都唔會做到好準 ...

Google map 係睇有幾多 device o係o個個位置移速，一般長期有車等既燈位就好易紅甚至瘀紅，但唔等於塞車
但將軍澳道無燈，紅色既將軍澳道一定比瘀紅既啟田道災難

不過觀塘繞道依家塞車既次數都好頻密
尤其是返將軍澳方向，塞到九龍灣都已經好常見，其實 16x 隨時係行新清 > 順利邨道 > 秀茂坪道 > 連德道先係最快

3ASV174 發表於 2021-2-7 17:23
Google map 係睇有幾多 device o係o個個位置移速，一般長期有車等既燈位就好易紅甚至瘀紅，但唔等於塞車
...

但我成日見到太子道東成日排到去彩虹邨巴士站, 果個位塞到密唔密? 要塞會塞幾耐先過到枝燈?

EX-TL 發表於 2021-2-7 01:35
正常團年塞車係夜晚九點後入將軍澳會塞, 因為後生喺市區家人屋企返入去.

引伸到如果係因為團年而塞車,  ...

將軍澳o的人已經當九龍住，所以塞車方向唔係同其他新界位咁一樣可以係塞入去將軍澳團年，變相塞車時間長好多

基本上呢兩三年大時大節前一個月將軍澳道延伸去周邊道路入將軍澳都係會咁塞法，要清泉就跟 290 行

ATS131@45 發表於 2021-2-7 17:26
但我成日見到太子道東成日排到去彩虹邨巴士站, 果個位塞到密唔密? 要塞會塞幾耐先過到枝燈?
...

果個位日日都會塞，10min 左右，呢個位塞完燈過左清 8 上橋位就塞完
觀繞落橋依家其實都長期塞到麗港城，問題係三不五時龍尾就隊到去 Megabox 甚至九展，咁就要塞半個鐘以上

基本上除非你龍翔道過黎，如果唔係太子道過東九上將軍澳道下繁就一定要塞
只係差邊個位

ATS131@45 發表於 2021-2-7 17:26
但我成日見到太子道東成日排到去彩虹邨巴士站, 果個位塞到密唔密? 要塞會塞幾耐先過到枝燈?
...

呢度塞得都密, 主因行車線少, 但流量大, 未有安達臣前已經塞緊, 而家閒日未到繁時, 間唔中會塞到彩虹邨郵政局, 繁時慘塞番近采頤係家常便飯, 亦影響埋所有停彩虹邨去觀塘嘅巴士.

3ASV174 發表於 2021-2-7 17:30
果個位日日都會塞，10min 左右，呢個位塞完燈過左清 8 上橋位就塞完
觀繞落橋依家其實都長期塞到麗港城， ...

倒頭來繁時最快上到山係行彩雲道 彩霞道 振華道 康寧道 協和街 秀茂坪道 連德道.

EX-TL 發表於 2021-2-7 17:39
倒頭來繁時最快上到山係行彩雲道 彩霞道 振華道 康寧道 協和街 秀茂坪道 連德道.
...

依點真，不過觀塘道例行爆炸都會影響到觀塘道轉入彩雲道，可能彩石里上會更花算。

EX-TL 發表於 2021-2-7 17:39
倒頭來繁時最快上到山係行彩雲道 彩霞道 振華道 康寧道 協和街 秀茂坪道 連德道.
...

淘大個邊塞起上黎好恐怖，遲下年三十又要重演牛頭角總站等5次燈都未上振華道
最穩都係碧雲道+連德道