下午西貢出市區交通真係好有問題

起鐵入西貢
到時西貢度度都起晒高樓
到時受苦又係西貢居民

每條線比100部車你都無用，都係塞死晒
根本個道路網就應付唔到咁多遊客入去

唯有諗辦法有疏導，唔好開咁多94/ 96R，開多幾班289R
塔門馬料水船又開多幾班
盡量減少入西貢市中心既人流
另外，停車場full晒就唔好再比私家車入

條路本身容納唔到更多車,
一係就整闊哂條路再整條假日專用巴士線, 一係就禁止非居民私家車入西貢
再唔係就叫地鐵將軍澳線延長去西貢, 唔係既話你塞哂全九巴 3000 幾架車落去都係會大排長龍

西貢多人去係因為佢係郊野，如果起地鐵起樓，咁就無哂生態價值，去將軍澳咪得囉

跟本d路起幾闊都無用
區外人個個揸車入黎
唔塞就奇

Lelouch 發表於 2021-2-18 00:49
每條線比100部車你都無用，都係塞死晒
根本個道路網就應付唔到咁多遊客入去

我都想呀。假日既日間西沙路出入既九巴線改往北潭涌或者入禁區內為總站，
西貢公路出入既九新線除96R改往康健路為總站，
西貢公路出入既紅綠頂改往鄰近既山區為總站，
西貢區內短途小巴暫停。
西貢市中心劃出方圈公里計既步行區範圍打散人潮。

Lelouch 發表於 2021-2-18 00:49
每條線比100部車你都無用，都係塞死晒
根本個道路網就應付唔到咁多遊客入去

你都講得岩，但問題係點解d人會集中哂落西貢市中心？呢個除左係習慣外，就係補給、配套和所去目的地的問題。
遊客入西貢市中心，就係為左轉車、等人、補給物資，一個西貢市中心已經搞掂哂所有野。
當然你話彩虹、將軍澳、沙田市中心、馬鞍山都一樣做到，但我只能話各有比西貢好或唔好既地方。
講真，入得西貢郊遊既，還掂都係要轉車，點解入索性入到西貢市中心先做呢？
係！西貢去市區既道路網負荷唔到咁多遊客入去，但呢兩年香港人想出國都出唔到，咪焗住困獸鬥。
你講既建議唔係唔可行，係客觀上除左去西貢的離島外，搭船亦不比搭車方便。
再者，係邊度集合，就係要睇目的地。
例如：去塔門/東平洲/鴨洲，係大學站較多；去西貢東/西郊野公園，係沙田、西貢市中心、馬鞍山、將軍澳、鑽石山或彩虹都有；
去清水灣，係鑽石山或彩虹較多等等。

仲有一點都要講，假期揸私家車入去西貢都唔少。