[舊瓶新酒]建議中葵涌連同荔景來往西九龍路線重組#5 update

384047x 發表於 2021-2-22 00:50
荔景山需求的確不大，45所謂最繁忙一小時載客率的確唔係荔景山，好大機會係旺角去何文田甚至九龍城，所以 ...

首先，荔景山問題真係唔掂。無理由要叫唔關事嘅地區攞咁多車出嚟，換來嘅其實可以稱得上比現有服務更差嘅嘢。
尤其你話要吸地鐵客回流，但半個鐘一班？真心咩？
現時三個字一班車上落荔景山似乎九巴同地區都可以接受，你認為你嘅新46走線好嘅不妨加到15分一班，又或者開條電梯線上落荔景山，喺我個人嚟睇荔景山保到三個字一班車係合理。

其二，237方面，我嘅版本係採用緊兩條走線。
順葵涌通勤方向經大窩口道、三幹、廣東道、紅磡道同紅磡灣，而順九龍通勤方就經葵興路、西廊同馬頭圍道，無疑都係覆蓋返由一邊嘅住宅區去另一邊嘅商業區。（初初plan嗰陣係兩繁對開四班）
全日嘅話，作為紅磡居民，跟8P+115行法我唔係咁睇好，始終紅土唔少住宅區如果跟你咁行係覆蓋唔到。（etc寶其利街／家維／鶴園）
我會建議行康莊道、cut入紅磡之後轉入馬頭圍道，黃埔方面加返237轉8P優惠了事。

另一方面，向九龍方向由旺角開始碌，你預條線唔會有好多人搭到入紅磡，應該只會變另一條30X咁嘅款。
去程都還好，佐敦上三幹，但佐敦嘅交通狀況...
我自己嘅版本，即使順葵涌通勤方都諗住行廣東道，一嚟唔太想受quota限制，二嚟我主打紅土，尖沙咀只係搭單做埋，喺咁嘅情況下即使全日要經尖沙咀，我亦會揀條相對嚟講順暢少少嘅九龍公園徑／廣東道嚟行。
當然，你期望條線行彌敦道嘅我亦未必實牙實齒反對，某程度上係基於你想條線主打紅土定尖沙咀，而我認為即使你想做尖沙咀，去程都應該考慮三幹+柯士甸道出，而唔係西廊旺角落橋。

其三、改202去殺6F係一段時間之前提出，我個人認為算係效益高嘅方法，202食返富昌－QE呢個位，做油佐版701，其他嘢掟比6C，慳車5部，交數亦可，但我比較想用呢個方法去換條荃葵線比何紅土。

荔景山唔係人人都好接近地鐵站
所以根本無理由要佢地成全重組

除非你捉42 上祖堯同麗瑤補返位
但就會到青衣班客出聲

S3BL100 發表於 2021-2-22 00:33
好簡單一個原則性問題：點解荔景山有義務要為左成全其他區重組，13 部車變 4 部車，15 分一班變 30 分， ...

深水埗我cut 1個站喎

連同其他版友對荔景山大幅cut車一次過覆
首先46單憑客量而已cut走2部單層相信夠做

其次45主要客源係長沙灣去何文田九龍城一帶，我用37做埋可以係唔加車情況下做兩水客

更何況荔景去深長荔有鐵係度，我最想46飛埋深長荔淨做油尖旺，搶到幾多得幾多黨鐵客，不過如版友所言，30分鐘一班的確太疏，好彩成個重組有車多可以
1.加2車至20分鐘一班
2.再加2車至15/20分鐘一班，中港碼頭至麗瑤

至於區域性重組呢個問題，其實我只係想搞中葵涌(as topic ) ，奈何冇足夠車輛同配額先要用多餘資源既45同35a轉35x去開237
rpp模式可以因客量偏低取消45，37改入何文田，旺角由38a補位
然後46改快
另外開237,33a改循環
另類重組類似今年rpp減269b班加開269x，只係一次過放落一個post，其實係可以逐年出又得，一次過出哂又得，而且我冇搞過32,36abx,31b呢組線，小型一啲既重組只要利民，有盈利相信九巴運吉區會都想做

ATSE40 發表於 2021-2-22 01:31
喺隔離帖講完句嘢呢度又用到：
荔景貴咗疏咗仲要無咁方便我都想知點解要益其他區喎。而家除非兩條線二合一 ...

其實237a價格黎，我冇特別收貴

另外上個回文打漏左，45荔景山載客率一直低，目測坐滿窗口位，又有42,46競爭，而麗瑤部分居民會寧願去青公坐31b,35x,32，獨市位只有祖堯，老實講同鐵打唔贏基本上唔駛做

為免大家有所質疑荔景山既客量，搵日有空上去數一數繁忙時間客量，我深信由13部cut剩6,7部一定夠做

天空之神 發表於 2021-2-22 10:52
荔景山唔係人人都好接近地鐵站
所以根本無理由要佢地成全重組

捉42上去其實諗得過，車程只係慢5分鐘，而且青衣客坐42只限去荔景一帶，去西九龍基本上坐番42a/44，去新浦崗四順更是少數，唔少客寧願42c再轉(除非42唔兜荔景)

而且老實講除左祖堯麗堯同更美孚新邨堆私樓之外，一係巴士做唔到，一係啲客去哂地底，所以佢地班區議員攬32h,30,46x呢啲線多，反而46只會反對轉單層係驚老人家下層唔夠位坐，咁倒不如直接殺線迫班客坐46去九龍，又可以唔洗轉單層，又可以節省資源

xdxd 發表於 2021-2-22 09:40
首先，荔景山問題真係唔掂。無理由要叫唔關事嘅地區攞咁多車出嚟，換來嘅其實可以稱得上比現有服務更差嘅 ...

三幹+柯士甸道出呢個的確最穩陣，亦係唔少版友咁樣做，但新版本33a幫手做左油麻地去葵涌特快，但逆向除非唔介意88x模式咁做33a，否則有啲難抽走237，因為份建議我幾大貪，又想做旺角特快又想做佐敦黃埔特快，但只用2條做

當然如果你既方案3運吉會肯既再拆旺角特快好做好多，但正如100兄講咁樣既大型區域性重組而家唔會做，用現有資源拆到咁散，分分鐘受班次影響可能冇淨係拆條旺角特快既客量高，要記住葵涌唔同大西北，資源缺乏下又要同鐵打，班次疏唔會吸到客

384047x 發表於 2021-2-24 20:32
三幹+柯士甸道出呢個的確最穩陣，亦係唔少版友咁樣做，但新版本33a幫手做左油麻地去葵涌特快，但逆向除非 ...

33A／37／237我個人傾向定位係咁：
33A 油旺特快
37 長深荔流水+何文田
237 尖沙咀特快+紅土半特快
你彌敦道南行已經有33A，咁點解237南行仲要陪碌彌敦道？咁搞法提速效果根本唔明顯，尖沙咀紅土巴士優勢依然欠奉。
三幹+柯士甸道起碼一嘢skip晒旺長深荔，唔講實際車程，觀感都好。
唔係嘅，掉返轉33A係行彌敦道北行，咁條237行晒成條南行都好似合理少少。
（雖則我個人認為，33A應該行西廊、渡船街、佐敦道，彌敦道北行，匯豐左轉，其餘谷哂上37，分工進一步明確少少）

237，我唔堅持要分兩種行法，全日尖沙咀+紅土亦無問題，但正如上面所講，唔應該再攞佢行埋旺角。

仲有，荔景山依然係問題。
先前研究41／45／46呢組，45最應該留，無他，何文田同荔景山佢食晒，想抽走最多車嘅死淨45似乎易搞啲。
同時荔景山係咪差成咁？
先前厹想縮45去荔枝角，但46仍然保到15分鐘一班，我又覺得唔係真係差到話淨低一條疏車線。
取消41+46，45用多4－5部車開15，過一兩部比青衣打仗（41A／42A／44），一嘢拎走7、8架車，似厹會做得出嘅嘢。
講返呢度，條X46依然未言吸引，我覺得20應該係一條同鐵打嘅線班次下限。

xdxd 發表於 2021-2-24 21:13
33A／37／237我個人傾向定位係咁：
33A 油旺特快
37 長深荔流水+何文田

南行我想貪埋旺角特快
假如唔贊成33a轉88x模式，旺角特快就只有單向，而我既237/33a就係同鐵打，所以最理想同你所諗一樣，但旺角只有單向特快應該區會唔肯，不過今年rpp930單向擦邊入銅記又刷新我三觀，所以唔排除237改落公路停匯翔道都ok

至於荔景山，其實本身需求低又有鐵，所以善用資源既話大可以cut其中一條都夠載

cut 45原因除左揾37做埋何文田返工客，仲因為45所謂獨市位都係住宅區，何文田要既唔係去荔景既線，而係葵興芳既工商廈，荔景要既係尖咀一帶既商廈線，唔係要補位，我直接拉46上公路直達尖沙咀，用6部車只做佐尖循環，12分鐘一班同鐵鬥，反正深長荔只有$2客九巴根本唔想做，倒不如飛哂佢直達佐尖同鐵鬥過

呢份建議最大難度係我真心想做埋葵涌通勤客既雙向客源，提高更大誘因比中葵33a,37,237線透過荔景達到所謂加車，荔景山只有祖堯唔方便，但人口又有幾多？麗堯一早上哂青公坐35a，所以可以既我想再cut多啲46長沙灣道既站，專心做好佐尖，萬一真係好客，再諗旺角特快(但半直通長沙灣道，佐尖線再提速)

最後夾埋41重組，老實講，一早有諗過，但當2組線連埋只係提供車源都比版友覺得rpp唔會出，相信再拉41,6f,30x都無用，因為而家既rpp只會減班，取消，同招標新線，重組？食得架？