九巴近年減班減到巴士頂晒閘，等收投訴啦！

今日我約人去離島，行黃石碼頭出入，來回啲巴士都頂閘！已經向TCU投訴咗。

首先係朝早搭94入碼頭，而家平日40分鐘一班，我約咗朋友搭10:00嗰班車去碼頭搭10:35班街渡，佢上咗車先，我打算之後上，結果部巴士停都唔停，重要打埋客滿燈！嗰個站除咗我之外亦都有另外兩個人等車，於是即刻夾的士入去，好彩好快截到部入面返出來嘅綠的，趕到班船。

94呢條線，以前30分鐘一班嗰陣頂閘都唔係新鮮事啦（講緊星期一至五），而家重要減到40分鐘一班！呢條線係配合船期嘅，上唔到車就可能導致駁唔到街渡，要2個鐘之後先搭到去離島！人哋荔廠都識得放部後備車喺荃灣西站隨時支援51啦，九廠居然唔識咁做？！根本呢啲路線應該放定部後備車同埋司機，當總站太多人上嗰陣就兩部一齊開。呢啲都唔係新鮮事啦，14D都係九廠喎，佢又識咁做？！

另外問埋，嶼巴1有無加班車長期放大澳，喺太多人搭嗰陣隨時開去梅窩俾人搭船？

到回程嗰陣，我返到沙田第一城要搭43X去城隧，嘩，又爆！不過今次個司機好人，強行開上車門俾人盡量逼上車，否則下班要十幾分鐘。43X以往係同43P行聯合班次嘅，大約6分鐘就有一班車到沙田第一城，而家無咗43P，喺沙田第一城嘅清客能力即刻減咗半，變成11-14分鐘一班，唔爆至奇！九巴修改43P路線本來係好事，但係完全無考慮過無咗43P之後，沙田第一城43X嘅承載能力，等同變相減班！

九巴近年不斷為旗下路線減班，無論大線、頹線、市區線、郊區線、特快線、獨市線、社會責任線，無論有客無客通通一律減班，結果稍為有客嘅路線都通通頂閘！龍運都一樣呀，次次繁忙時間喺東涌見啲E34A同E34B，開成十幾分鐘一班，重要用埋晒啲豪華車，結果班班車企到門口，E33都唔好得去邊，載通唔想做就好心交牌啦！

九巴94平日都應該整多部加班STANDBY....另外,嶼巴1現時冇加班車,但11就長期都有,亦有車長期大澳STANDBY做11或21

當年有43P個陣,就減夠15甚至20分鐘一班
逼人照上40X

投訴? Who care!

rusf101001 發表於 2021-3-10 00:04
當年有43P個陣,就減夠15甚至20分鐘一班
逼人照上40X

咁本來死等 43X 就無乜 so，尤其繁忙時間大埔公路禾輋段咁塞
40X 有位坐無人上，43X 企到出門口就死等，推人上 40X 都係正路做法

今次應該係巨準第 N 次話去投訴
唔知之前咁多次有乜嘢回覆咗？

btw 樓主，係你會咁死心塌地咁中意係麥邊轉車啫
明知成日都會飛站都堅持係麥邊等車
明知船期唔甩得唔搵個保險做法
九巴真係無責任處理中途站上唔到嘅乘客架喎，更何況只係得 3 個上唔到

cky 發表於 2021-3-10 00:36
今次應該係巨準第 N 次話去投訴
唔知之前咁多次有乜嘢回覆咗？

睇怕都係錄音機

投訴有用咩? 巴士公司唔care 架喎

樓主做乜唔截停架94，再胸壓上車？