建議將軍澳隧道轉車站啟用後 調整690分段收費

還有要考慮未來690有機會改經將軍澳藍田隧道往返港島

本人反而覺得690會改經將藍隧、尚德，補回尚德未能乘坐巴士直達過海的不義，並提供尚德往康盛的服務，以取締296M；藍田過海會由619X提供全日服務取代；藍田來往將軍澳可改乘694及綠小17；當然如果有需要嘅話690P可以留喺將軍澳隧道。
690喺將軍澳隧道嘅優惠整嚟嘥氣。

eric278 發表於 2021-3-24 10:24
還有要考慮未來690有機會改經將軍澳藍田隧道往返港島

但效率較低、反對聲音較高，因為全個藍田/觀塘區有站變無站，而轉車站(興田/秀茂坪/寶達)亦然，而景林站位亦會變差，偏離原有客源

如果day1打算行將藍，點解無轉乘優惠都要停轉車站？
290X係正正係個反例，一開始已經plan定上安秀道，於是寶達都唔停

Justshamxx 發表於 2021-3-24 10:42
本人反而覺得690會改經將藍隧、尚德，補回尚德未能乘坐巴士直達過海的不義，並提供尚德往康盛的服務，以取 ...

但咁樣改動 會令原有藍田/觀塘/景林/新都城一帶乘客 站位變得非常差，甚至有站變無站，偏離原有客源

而且，如果692取消至今 巴士公司有意為尚德 繼續提供直出港島服務，就算行將隧 其實一樣可以做到，但巴士公司並非咁樣選擇

JX9097 發表於 2021-3-23 23:48
尚德跌客，除咗步程係可接受之外（仲要係平路）
最重要係尚德擺咗部兩蚊機喺度
當年黨鐵收緊$12樓下，計 ...

講起電梯，隨口講講，其實係咪只得康盛可以起電梯(lift)呢？翠林有無得研究起escalator？
畢竟而家17M已經「訓練」咗一班居民出來，坐其他車/步行，如果有escalator落鐵未必無吸引力

價錢方面，如果情況類似今年，巴士公司減班會直接流失客源，但鐵路減班最多只會變迫，
可見若發生類似情況，未來巴士公司一樣會加價，而鐵路受可加可減影響不能加，差距可能更大，
尤其690本身有部分學生客坐，佢地$13.4果陣都已經諗諗，若果加到$15~16好可能直接流失

690拉直相當同意，去程咁Z字型兜路，真係幾花時間，不過都係果句，希望寶順路可以一併劃專線減塞車
至於692/692P，個人認為機會不大，不過整個炮北分段，或者開條分支690B又無妨嘅（吸得一個客得一個）

eric278 發表於 2021-3-24 10:24
還有要考慮未來690有機會改經將軍澳藍田隧道往返港島

690改行將藍=自殺
因為即使行將藍，將南段都冇位設站
即係將軍澳區內coverage不變
（同時亦唔見得因為改行將藍而特別吸引將北客回流）

但係行將南就變相放棄啟田道
啟田對690而言係相當重要
（講緊每班車嘔到10個客左右）

以690平均做緊唔夠100人過海嘅時候
10個客嘅比率係好高

ViviTse 發表於 2021-3-24 23:26
講起電梯，隨口講講，其實係咪只得康盛可以起電梯(lift)呢？翠林有無得研究起escalator？
畢竟而家17M已 ...

就算翠林整電梯落山，落腳點只會比康盛更差可以預見個落腳點會喺基德小學隔離
（直線距離最近，而且避開到山下建築群）
嗰個位要去黨鐵站，一樣要行番去怡心園先入到去寶林區
即係話落山後步行距離比起吹咗十年嘅康盛電梯更遠
試問咁又點可能吸到客用？

至於690B，喺隔離帖回咗

ViviTse 發表於 2021-3-24 23:16
但咁樣改動 會令原有藍田/觀塘/景林/新都城一帶乘客 站位變得非常差，甚至有站變無站，偏離原有客源

而 ...

尚德有直出港島嘅服務啊，一直都冇取消到啊，咪694囉！

690尚未改經尚德，只可能是因為將藍隧尚未通車，要兜埋尚德會令康盛過海變得特別慢而已。
借用一位在Facebook認識，居於將軍澳的業餘巴士研究友人，在2019年時向巴士公司提出的建議，見附圖；當時他已提出：「已經寫得比較保守，如果唔受就唯有等將藍隧
」

原有藍田站位變差？我將690改入將藍隧嘅同時，會同時將619X提升至全日服務，並在擴展服務後的班次加停啟田各站。
你講得出仲有邊啲客流失，我逐一同你講補救。

Justshamxx 發表於 2021-3-25 10:59
尚德有直出港島嘅服務啊，一直都冇取消到啊，咪694囉！

690尚未改經尚德，只可能是因為將藍隧尚未通車， ...

去程拖長山上車程（寶林總站仲要自轉）此消彼長下，整體客量隨時都係打個和

回程只係將坑口客倒走，變做尚德客
（你唔係覺得坑口客會喺景林邨個站行番去下話？
至於將軍澳游泳池，住得將軍澳嘅都知呢個站根本唔會有人上落）


反而來回統一走線可以縮短山上車程嘅同時
又可以做到厚德/ 頌明客

尚德依家出門口都有三條邨巴線
出觀塘又快又平，轉車直頭唔使點補錢
過條馬路直頭多間新巴畀你揀
想坐鐵咩？要平可以買都會票
坐唔到咁多程車咩？擺埋部兩蚊機畀你拍

對比將北，尚德根本就身在福中不知福

至於改行將藍，個人係唔贊成
理由已經重複咗好多次

JX9097 發表於 2021-3-25 12:43
去程拖長山上車程（寶林總站仲要自轉）此消彼長下，整體客量隨時都係打個和

回程只係將坑口客倒走，變做 ...

友人當初乃見將藍隧尚未通車之時，盡量爭取690線服務將南，以償將南未能直達港島西之不義。
將藍隧通車後，既有機會690改經尚德、將藍隧，更有機會復辦692，可能性無限，尚待巴士公司發掘。

「住得將軍澳嘅都知呢個站(寶順路將軍澳游泳池)根本唔會有人上落」：唔使我住將軍澳，都知寶康公園根本唔會有人上落啦，唔見巴士線取消嗰個站，茵怡花園直入將隧？

「來回統一走線」？點統一法？690出將軍澳行寶康，返將軍澳行寶順路停景榕樓，已經唔統一啦，要統一嘅話，回程停茵怡花園、寶儉樓、欣景路南行先至返英明苑囉！

「對比將北，尚德根本就身在福中不知福」？你眼中尚德邨可能只係得唐明街沿途嘅樓宇，冇「廣明苑」、「寶明苑」嘅概念……