油尖旺區議會交運會就交通服務的數個訴求

kay 發表於 2021-3-16 22:32
20A油尖旺反對姐
其餘區係咪都會反對先

https://www.hkitalk.net/HKiTalk2/thread-1199091-1-1.html

根據其他版友post，九龍城那邊議員更想20A在非繁忙時間有服務。

說真，啟德一直反映巴士線不足，多點服務他們怎會拒絕呢？

053h4 發表於 2021-3-16 20:41
講真，當日根本就唔應該拉5A, 而係比城巴開新線。
啟德又唔係無經過招標程序。

係囉
邊夠城巴做得咁好
投標返嚟嘅20 22 就平一平
轉個頭返嚟開條20A就博懵收到$5.8
比啟德一開始得兩條屋邨就已經喺度嘅24收貴成級

你咁鍾意招標
咪再招過標囉
好肯定最後支標
邊個投到都唔會收$5.8呢個價

053h4 發表於 2021-3-16 22:52
望下1A幾錢先好無？咪又係5.8

1A幾時入咗啟德？
講貴你唔好拎297嚟講？

leslie 發表於 2021-3-16 19:34
舊年強行取消W1, 914港島方向唔加返高鐵柯士甸站，那管只是早上繁時一至兩班914X/P,仲想減973班，此其一。  ...

W1算鬼數啦400個客都冇替代品又多
由頭到尾W線根本係一個政治而生既怪物

20A行車時間問題
我自己經驗係一般係google map用既時間
乘以1.3就類近巴士行車時間
大概又真係差唔多時間
行車時間反正又唔包休息時間
當然我同意如果可以唔使係西九站做總站既
就唔使兜兩轉廣東道

無站長所以要ban係咩理由?
好多站頭都無站長咁又點算?

20延長入九龍灣
問下老九同運吉先?
又望下未有20前老九有無興趣開條24A做大角咀<>九龍灣?
叫你搭16咪算囉
唔係屎水攞到條20佢會話有興趣?

總結
其實係唔係私人恩怨而令大眾無車搭?
我唔介意邊間巴士公司做
但20A走既位皆大歡喜
咁都要成條ban走?

無人唔比城巴改善啟德服務，但唔係日日廣東道落尖沙咀、佐敦道、旺角彌敦道塞到吐血仲亂開新線入去。
成條線有 9 成範圍同九巴重疊，咁都比開線？
仲要行兩轉廣東道兜落旺角先返啟德，咁叫做改善啟德服務？

20A 目標係比咩野人搭？如果啟德想要旺角線，咪去開條 20P 旺角是但搵位掉頭。
你話啟德要佐敦線，咪將 20 系一拆二，一條經旺角直插奧海城，另一條咪窩打老道直插高鐵站。
再唔係咪開 20X 高速去尖沙咀。
依個世界有大把選擇，點都唔係要支持運輸署就叫好，人地區提出合理質疑就叫盲反。

運輸署就係識得聯同建制派做埋晒埋政積工程，
你比條線比啟德一定要嫁，最後開得成咪放長雙眼睇下有無人搭？
班新移民落尖沙咀、高鐵站一定話 20A 太慢，落去搭港鐵。

議員板友入到嚟, 我都想直接問下兩件事:

1. 旺角滙豐轉角位, 十九幾條路線等轉彎, 同時又係九龍路線停站, 今年再整多啲路線, 有冇親自落場感受過, 有冇其他可行方案唔再畀新線咁行, 或者舊線改路避開?

2. 城巴開20A服務啓德, 九巴24經旺角, 都係油尖旺一員, 好似唔多覺你哋班議員有放24在眼內, 由得佢柄埋一二邊發霉頹做, 幾年前加經啓德, 出入九龍灣唔再受偉業街天橋影響, 理論上客量唔會差得去邊, 什麼九龍灣特車, 兜到天昏地暗, 班次亂晒大籠, 旺角站位差勁, 唔係講臨時站, 唔係話價錢平就可以求其做, 收貴啲又走去嘈人, 一陣又話46中滙街滿座, 24唔係好好清客工具麼, 咁嘅死款油尖旺都有責任, 可唔可以解釋下!

dennis28a 發表於 2021-3-17 01:36
無人唔比城巴改善啟德服務，但唔係日日廣東道落尖沙咀、佐敦道、旺角彌敦道塞到吐血仲亂開新線入去。
成條 ...

20A好明顯就唔係做全程客啦

啟德有車去太子道西？冇
啟德有車去旺角太子嗰一段彌敦道？冇
太子道西同彌敦道有車去廣東道？得垃圾到喊嘅3C擦邊去港澳碼頭同埋單向281A

呢啲位冇客？唔係喎，但當九巴當班客冇到而善水想提供服務，點解都要嘈呢？

利申：支持開20X來往大角咀同埋九龍灣

dennis28a 發表於 2021-3-17 01:36
無人唔比城巴改善啟德服務，但唔係日日廣東道落尖沙咀、佐敦道、旺角彌敦道塞到吐血仲亂開新線入去。
成條 ...

20A明顯係target做幾段客啦
尖咀<>啟德絕對唔關事啦係咪...
如果重疊晒既點會有得批
個窿既然老九唔願做
有人肯做又有咩所謂?

dennis28a 發表於 2021-3-17 01:36
無人唔比城巴改善啟德服務，但唔係日日廣東道落尖沙咀、佐敦道、旺角彌敦道塞到吐血仲亂開新線入去。
成條 ...

你話啟德要佐敦線，咪將 20 系一拆二，一條經旺角直插奧海城，另一條咪窩打老道直插高鐵站

20 做緊大角咀往來油麻地、廣華、旺角東區內流水功能，我相信議員版友都唔會同意咁搞