善巴能否推出月票，以挽救乘客

kay 發表於 2021-3-18 16:12
唔過海搭700蚊車有難度

260搭60程都唔過
33X又唔係每日有……
除非一天需搭三程或更多

要分清佢堆962，969減班係因為失業率，wfh,其他疫情因素 定係九巴月票而城巴冇  先可以下定論喎

好奇師兄嘅本地線$690/月嘅收費係點計出嚟
假設一個月用盡31日，每日只係來回各一程，每程都要搭足$11.2個客先回到本
兩巴除咗33X、49X、260之外，好似已經無路線貴得過呢個價
假設兩巴車費嘅中位數係約$8.3，以呢個基數去計每日兩程31日，總數都係$515，仲要如果真係攞呢個數出嚟畀人買，都未必吸引到多數嘅搭客

九巴做到月票，最主要係佢多新市鎮嘅長途線，搭呢堆線每程講緊都要11蚊起跳，仲要好多都收緊$14、$15呢個價
用九巴$780/月嘅計法，除開31日每日一個來回，每程都係$12.6，比唔買月票平，呢個咪就係佢地會買月票嘅動力
而九巴又會去計，平均返工日只有約23日，唔洗返工就可能唔出街，或者去得近搭得平，佢就有機會賺咗呢幾日嘅差價

點解新城做唔到？咪就係佢D線貴極有限
月票呢樣嘢，係要用喺D價錢相對高嘅羣組，先會做到自己有得賺時人地又覺得抵咗而去買月票

當返工日用嘅車費同放假用嘅車費相約，姐係話兩巴已經唔太可能食到假日車票嘅差價
然後set月票價錢果陣，又要考慮埋本地線車費差距，咁佢到底用咩收費基準去出月票？
用區內線去計，就會太平完全無肉食
用中位數去計，區內線客仔買嘅意欲會好低
姐係無論點set個價，本地線搞月票都會蝕，或者用家唔多，呢點亦都反映咗點解九巴出月票果陣根本無理過九龍果堆路線

====================
至於全港版$820/月，又係另一個問題
首先要諗下呢個全港版月票係咩對象，可以話埋你聽就係新界西城巴過海客
相信呢班客大部份都係住屯門天水圍出港島返工嘅朋友，姐係話應該用23日去計佢地將來車資
假定969加價後嘅收費係$25.5，唔計可能出現嘅無轉乘第二程巴士，一個月工作日來回車費本身係$1173，收$820一個月對客仔嚟講簡直係發達啦
但，有無諗過對巴士公司嚟講，直情係蝕到入肉嘅收費？

至於新界東嘅新巴城巴搭客，首先大部份用得著呢個月票嘅路線都係聯營線（應該得682同694唔係），佢地有一半嘅機率係搭緊九巴班次，加埋日常生活都係以九巴路線為主，咁佢地又點會買新城全港月票，而唔買九巴月票？

====================

最後，可以細心諗下，點解九巴出咗月票3年，而且都算係幾成功，但係新城都仲係無呢個計劃
相信新城唔係無研究過月票，亦都做過曬風險評估
但喺商業角度睇，相信佢地已經蝕到傻，仲有咩可能為自己加多幾筆紅字落去？

回數劵已經幫到手

原則上不反對城巴新巴推出月票，但是本人先前已在另帖中提出類似方案，每個月$300/$150，當時已經有網友嫌貴，更何況樓主提議的月票價格是本人計劃的起碼兩倍，顯然過份昂貴。
至於城巴新巴大幅加價，會否將乘客推至港鐵、電車的問題，首先要看港鐵八折優惠屆滿之時港鐵的新票價，最終有可能喺港島，是大巴、地鐵一齊推客畀電車，催化電車加價。再加上，路線走近的九龍/將軍澳/過海路線中，明顯係城新平過九巴嘅：

路程	城新	九巴
啟德↔油麻地/旺角	20 ($4.9)	24 ($5.1)
將軍澳↔尖沙咀	796P ($7.9)	296D ($9.4)

城新加價大於九巴，我一啲都唔覺得奇，還掂無論加幾多都一定畀人彈嘅啦。

BUSMAN伯輋雯 發表於 2021-3-18 18:41
好奇師兄嘅本地線$690/月嘅收費係點計出嚟
假設一個月用盡31日，每日只係來回各一程，每程都要搭足$11.2個 ...

完全同意師兄睇法所以我話叫新城出月票嘅人係想佢死快啲

一係用類似城巴A線來回車飛嗰款方式，一買就買某個次數嘅車程
但始終吸引力唔夠九巴咁大
因為城巴獨營長途線實在太少，地區亦分散
（大西北，馬鞍山，將軍澳各自一堆，但各地區又冇串連性）
變咗除非日日都坐到長途線，或者十八區遊走
否則綁死自己隨時蝕番畀新城

九巴月票，全月通，都會票
呢幾款香港common嘅discount飛全部都係coverage夠闊
呢樣係新城完全做唔到嘅economics of scale

當年新巴在將軍澳線出回程八折優惠。當年新巴做野積極，今日就淪落到減班加價趕客。

KG1428 發表於 2021-3-18 20:25
當年新巴在將軍澳線出回程八折優惠。當年新巴做野積極，今日就淪落到減班加價趕客。 ...

印象中當年九新城都一樣有喎？

新城短途線多
長途線主要得一堆過海同埋機場線

月票設定得太平
對港島人有著數
但長途線對公司嚟講會好蝕

如果月票設定得太貴
港島人一定唔會用／用唔到