點解屎水公司學九巴做野,大家鬧屎水同九巴個力度完全唔同

如題啦,我舉一d例子

1. 大規模收車:屎水2021年1月24收一日,地獄級 VS 九巴2020成個三月隨心式開車,大把人幫九巴辯護,咩保留實力,咩動態調節班次

2. 冇客減班: 九巴太多不能盡錄VS 962系,九巴個d冇乜人理,962減班變成"大西北cover港島成本",大家鬧一大輪, 但61X 少左車冇人覺得九龍城好慘

我就真心唔明啦,係咪九巴有錢d PR自然做好d?

先利申番,我覺得2間都係垃圾。

善巴近期青出於藍啦，之前大幅減班當打和，而家無WFH都減班連帶加價，觀感差好正常

上年3月個疫情氣氛比較緊張，出面又真係比而家靜好多。嗰陣講在家抗疫，大家又真係在家抗疫嘛(主流氣氛係)。到而家，基本上都無乜公司wfh，大家又出去玩，自然收車影響大囉！

喺我認知一般巴迷唔係都覺得屎水有heart啲既咩？
同埋我見呢度不嬲鬧開九巴多架，舊年大把人鬧佢減班啦
定樓主都係選擇性睇嘢咋？

或者咁講, 城新路線少, 一條線唔掂被人鬧已經佔咗好大百分比, 所以有人隔離板掟巴士公司評分出嚟講, 九巴得分較高, 完全係意料中事, 分析時只著重分數高低亦非恰當, 就好似以前亞視收視一向低過無線, 但從來冇人否定過亞視節目質素, 鬧嘅人有幾多睇過亞視呢, 又係一大疑問, 臨摺前幾年由外到內的腐敗, 才是導致亞視失去牌照的主因. 另外, 一沉百踩, 跟風的風氣在港非常流行, 討論區更加不費任何氣力, 講完幾乎沒有手尾跟, 個個屎水前屎水後, 如果唔係成日上嚟, 基本上唔會知道屎水原來形容緊城新, 所以呢啲嘢莫太認真, 到城新質素真係大倒退到同中巴睇齊, 自然有事發生.

以樓主嘅反應就係典型城巴新巴有問題唔鬧得攞九巴出嚟遮醜，九巴差係一件事，城巴新巴易手之後比以前差咗好多又係一件事

厹係italk唔係畀人由年頭鬧到年尾架咩
收車減班抗肺炎已經係厹既營運指標

厹收車已經唔係新聞 鬧到無哂感覺 鬧到悶
今舖屎水收車炒人抬厹出黎都無用

樓主可能係平行世界睇到其他情況 上年各種梗圖串九巴收車 咁都叫撐九 呵呵