網傳有鐵路迷去羅湖被職員責罵和被拘留

kei_hk 發表於 2021-3-22 14:29
我只會講﹐無去仔細check﹐就當係邊境禁區就無錯。
這就係我所講的common sense。

以我所知東鐵就算開放俾羅湖居民
但目前仍然係顯示上水做終點站
羅湖居民班次並非人人都知
我只可以講
從common sense嘅角度
上水清客係因為羅湖封關
一般乘客搭咗羅湖居民班次都未必知架車有羅湖居民客繼續去羅湖
除非羅湖居民班次係上水首站開出而上水站顯示屏有顯示架車去羅湖囉

再講埋羅湖居民班次安排就睇怕已經唔係common sense 嘅層面
同樣掃墓安排亦都離開咗common sense 層面
以前冇R 車都唔冇呢啲嚴重問題
一有R 車同羅湖正式班次就大亂
就只可以話你嘅common sense 同鐵膠嘅common sense 唔同

我自己嚟講形容佢哋做鐵膠已經足夠
指出佢哋行為有何不當即可
講人冇common sense就只變咗對人不對事
對於部分鐵膠可能會令佢哋自己更封閉
對於改善鐵膠問題冇乜幫助

eternalflame 發表於 2021-3-22 13:45
Common sense is not common
但有人講左亦有人提左就已經係common
我唔覺得用common sense有何不妥

有人被督爆冇common sense
老羞成怒，咪格硬話呢啲叫鐵膠common sense
思想咁uncommon，叫人點繼續講然後呢？

053h4 發表於 2021-3-22 14:36
提醒你一點, 人車直達不意味唔係禁區.

同港珠澳大橋香港口岸一樣, 明確介定左禁區範圍, 你落車個一刻唔係 ...

https://www.info.gov.hk/gia/general/201109/01/P201109010246.htm

//什麼是人車直達的安排呢？換句話說，是在往後的香園圍口岸，除了在口岸內有一般的公共運輸交匯處外，我們會增加私家車上落客的停車處，亦會有公眾停車場，以及行人隧道設施，以方便旅客更直接和有效率地來往港深兩地。這公眾停車場總共可以提供四百個停車位，亦有可以最多容納十五架私家車同時上落客的停車處，以方便市民駕駛私家車直達口岸。換句話說，市民可以自駕往口岸，停泊在停車場，並步行至口岸大樓，外國稱為park and ride。亦可以由親友載到口岸，然後步行進入聯檢大樓。//

//第二方面是禁區。現在其他的口岸是有禁區的範圍，使人車不能直達，但在新的香園圍口岸，禁區只是限於聯檢大樓和貨檢區，其他如上落客貨區、公眾停車場等也並非禁區範圍內，所以能夠做到直達。//

個官點判啲鐵膠入禁區我唔太concern
佢唔知就要為佢嘅唔知付出代價也是合理
鐵膠求情話龜鐵冇清晰資訊導致佢誤墮法網而令法官減刑就只不過係鐵膠嘅本事
減完刑龜鐵不服亦可上訴
掉返轉冇得減刑鐵膠都可以上訴
但法官又會唔會話被告犯法係冇common sense 呢？

有人講78K做例子
我順便回應埋就係
如果九巴負責管制沙頭角禁區道路出入
九巴的確有責任告示冇禁區紙乘客要禁區前落車
如果九巴唔係負責管制沙頭角禁區道路出入
無禁區紙入咗沙頭角總站當然係貴客自理

正如無禁區紙又唔係過關嘅乘客去咗羅湖站一樣係貴客自理
沙頭角禁區站崗入都有告示入禁區前要出示身份證及禁區紙
唔通啲人去到禁區站崗唔知要禁區紙
差佬又會話啲人冇common sense?

龜鐵有權責管理羅湖站月台但喺掃墓班次安排嘅告示提都唔提非掃墓人士不可前往羅湖站
咁法庭的確有得拗
但我唔建議搞到上法庭咁啫

Anyway 我都係回應板友講嘅圈子文化
係唔係common sense 其實見仁見智
再講我怕OT
就不回應了

ryandroid 發表於 2021-3-22 14:55
以我所知東鐵就算開放俾羅湖居民
但目前仍然係顯示上水做終點站
羅湖居民班次並非人人都知

我講的common sense 只講邊境禁區﹐胡亂進入禁區﹐就會有後果﹐有懷疑就應該當係禁區。

唔好放大去講所有野都係common sense。
上面回帖﹐己經刻意分開引文去講。



一直開放給羅湖居民用﹐並不是common sense之內。
我亦無講這個安排係common sense。



部車目的地顯示羅湖又如何? 就代表任何人都可以入羅湖?

上面已經有人講﹐有職員上車問晒你們去羅湖的原因﹐唔係掃墓就要落車。
即係在上水站已經同你講﹐羅湖唔係任何人可以去的﹐唔合乎資格就要落車﹐MTR 仲有野做唔足?




至於點解有R車入羅湖才有人疑似被職員扣查。
其實都好易理解﹐今次係R車首次載客入羅湖。
在封左關的情況下﹐成個站幾乎無人﹐無情情幾個人遊來遊去影相拍片﹐自然好易察覺到﹐繼而作出跟進。

所以﹐你引我的文最尾都講左﹐今次真係渣正去做﹐扣查相關人﹐唔排除係去年有人玩寸左party。



我相信大部份的鐵膠係知羅湖站係禁區﹐唔可以亂入。
只不過﹐他們太過自以為是﹐以為以往無問題﹐就以後都唔會有事。
仲要自己認叻﹐以為可以 "拋窒" 職員可以橫行無忌﹐結果今次就衰左。

kei_hk 發表於 2021-3-22 15:51
我講的common sense 只講邊境禁區﹐胡亂進入禁區﹐就會有後果﹐有懷疑就應該當係禁區。

唔好放大去講所有 ...

其實非掃墓人士或羅湖居民明知羅湖站係禁區而刻意入羅湖站
即係你同佢都有一樣有呢個common sense
個問題就係佢哋唔係冇你講嘅common sense
只不過佢哋係知法犯法
衰啲講可以話佢哋抵俾人捉

但我開初原意係唔明點解有唔少人會強調佢哋冇common sense
而唔係強調知法犯法
一兩句都只係事實陳述
多人跟住講common sense 就已經唔只係羅湖站係禁區嘅陳述層面

就好似某板友對一個搭咗幾十年東鐵一早知道羅湖站係禁區嘅人
自以為是地不停譏笑佢冇common sense 唔知羅湖站係禁區
而呢個情況其實就部分反映咗呢度嘅文化
亦即係我開初回另一個板友貼文嘅原意

053h4 發表於 2021-3-22 16:23
唔該啦, 唔好死撐話羅湖唔係禁區啦

咩叫COMMON SENSE, 正常合理的人係正常途徑已得知呢件事, 反水貨客報導 ...

有啲人明明冇common sense
或者以為鐵膠sense就係common sense
話幾句就扯開話題去乜野呢度文化
真係貽笑大方
覺得呢度文化唔適合大可以離開
呢啲真係唔駛common sense都答到

ryandroid 發表於 2021-3-22 12:29
香園圍口岸係邊境附近地方
但出入口唔係禁區
人車可直達口岸毋須禁區紙

即係咁，你冇常識一件事，唔代表冇常識大晒囉
尤其是法律嘅嘢，條法律唔係啲幾十年冇人提過嘅過時嘢，
你同個法官講唔知有條咁嘅法，直頭連做求情理由都唔會接受啦
問啲蠢問題膠問題被人話就係人之常情嚟，教師逗份糧都就話唔應該唔答啫

#48 唔係全部倒頭車既站都係犯法架,西鐵/東鐵紅磡/屯馬線/東涌線/荃灣線中環/觀塘線黃埔/將軍澳線寶林/康城/港島線柴灣係唔受呢個限制

Kj2052 發表於 2021-3-22 14:05
今日fb 群組為咗呢個話題真係不堪入目

求其喺網上噏啲嘢，就自然有人同你加鹽加醋
跟住老屎忽有老屎忽鬧，班新一代唔聽就繼續唔聽
結果大家只會越走越遠，成個圈子只會更為畸形
當然有啲人就樂於見到大家一拍兩散既