香港巴士路線編號好大問題

053h4 發表於 2021-3-26 14:41
港島最少有一半唔過海路線會消失, 而開番? 我就睇唔到有發展支持, 政府為免增加港島車流, 西港島線同華富 ...

我諗7號相對冇咁高危，係上面呢幾個條路線之中唯一有獨市位嘅路線，就算日後有鐵都唔會掘個出口去石排灣邨，即使漁光村拆都唔點影響石排灣嘅客量，仲有中環碼頭遠離港鐵，同東區2A情況類似(日後會展站通車後另計)，頭尾獨市

Man@MFHK 發表於 2021-3-27 22:12
假設老九字頭係U
68 > U068
68A > U68

欣賞版友嘅思路，不過可惜巴士路線號碼並唔係填數字遊戲，唔係話求其塞個英文子母唔撞就得

U068同U68爭個0字，你想睇死個客隻眼? 兩條線完全唔關事過喎

U68M同U68W都係駁鐵路線，點解一個要叫M一個要叫W? W唔係代表膠鐵路線咩?

U268、U68、U068三條線毫無關系但係共用68字尾，反而同樣服務元朗至油尖旺嘅68x同268x就變咗完全唔關系嘅U68x同U268，同樣係朗屏開嘅68A、268A就變咗唔相關嘅U68同U68A

ky26042008 發表於 2021-3-27 22:10
「重組後，容許城新甚至嶼巴競投九龍新界線，路線編號可用單雙位數(已有20,22開頭)，只要唔同厹現有既重 ...

個人其實冇所謂，最重要係統一路線編號不再有重覆，分唔分公司，真係相當次要可有可無。
只係有另一版友，一時堅持要用路線編號區分營運公司，一時又話冇咩所謂一般乘客對邊間公司做冇興趣，都唔知佢想點！我就提出晒兩個可行做法而矣。

如果唔需要區分公司，咁屎水20、22就唔使改，日後開九龍新界新線，不論厹定屎水，都係1-99、2xx、3xx(現7xx)都用得；

如果需要區分公司，咁屎水20、22就要改為320、322，日後開九龍新界新線，屎水一定要用3xx，厹一定要用1-99或2xx。

就係咁簡單。至於邊個做法好，個人不評論，有興趣既歡迎討論。

至於點解屎水九龍新界線要用3xx，唔係因為唔同公司問題，只係因為現時7xx九龍新界有用，港島又有用，統一編號時，7xx供港島專用，咁九龍新界既7xx自然要改，個人建議改3xx。其實改1-99、2xx都得架！例798>298，不過驚同現有既撞到十彩，至提議另一字頭。或者，九龍新界既7xx唔改，港島用5xx、大嶼山用3xx亦得。不過可能有人話唔公平，點解九龍新界唔使改，所以至每度都改一D。


唔知有冇人知：80年代同之前，香港固網電話號碼，都係分港島、九龍、新界各自獨立，一個號碼全港最多有三度用緊，結果都喺89年尾統一左。點解巴士路線號碼又唔可以？

ky26042008 發表於 2021-3-27 22:42
欣賞版友嘅思路，不過可惜巴士路線號碼並唔係填數字遊戲，唔係話求其塞個英文子母唔撞就得

U068同U68爭 ...

有M字尾，就盡量唔好整個W字尾喇！睇死人咩？

K同X尾已經夠睇死人，仲整多過？

mckhgc 發表於 2021-3-27 22:53
個人其實冇所謂，最重要係統一路線編號不再有重覆，分唔分公司，真係相當次要可有可無。
只係有另一版友 ...

改動最少嘅做法就係港島2位數路線改5字頭（重複咗嘅路線，例如90，就加A字尾改做590A），大嶼山路線改S字頭（當中1就改做S10，以免同現有S1重複，其餘都無需要改，1R同時服務九龍所以可以繼續叫1R），咁已經即刻無重複啦。


之後重有唔規則嘅等路線改動先算。

Man@MFHK 發表於 2021-3-27 22:39
紅磡直通車只有一個結局，就係摺埋。
到時全中國坐鐵路落黎香港既人都係去西九龍站，你個問題再唔存在。
...

紅磡直通車幾時摺？我想聽日....呀唔係，係下一秒就永遠摺！

九鐵九龍站改名紅磡，係1998年既事，嚴格來說早在1996年已含糊地慢慢改，當時北方某國搭鐵來港，只有現紅磡站，邊個估到個渡船角會有高鐵？你思維冇錯，但走得太前，莫說1996/1998年，甚至紅磡直通車仍然未摺既今日，你呢個講法都係未適用。只要直通車一日未摺，紅磡站仍然係城際站，較適合用較大既市級地名命名。

紅磡有直通車、九龍有機場鐵路，應該紅磡保留「九龍」，機場鐵路那個叫「九龍西」或「西九龍」，咁就最合理最兩全其美。但有如鐵路界亞視既九鐵：明明係前輩，但偏偏成世二奶命，都係咁樣讓左個名畀人。咁講返正題：要擺明係後輩兼唔係大台既屎水(嶼巴更唔使講)，讓出為數相對不多既港島線單雙位數，真係唔可能？

ky26042008 發表於 2021-3-27 22:42
欣賞版友嘅思路，不過可惜巴士路線號碼並唔係填數字遊戲，唔係話求其塞個英文子母唔撞就得

U068同U68爭 ...

U068，本身係諗叫U68Q，不過諗諗吓其實順便將所有循環線加「0」係公司字頭之後現有號碼之前都係一個可行方案。
U68M同U68W都係駁鐵路線，前者去荃灣站，是為地鐵接駁，跟返自古以來以M跟尾既原則，而U68W即現今268M，去荃灣西站，是為西鐵接駁，加上荃灣西之「西」一般換成英文簡寫係「W」，亦剛好係「M」反轉寫法，非常容易理解。真正高鐵線正如我前面所講無需要改因為全部都係W字頭。講開又講，我覺得高鐵線應該以G字頭更合適，諗W字頭果條友真係唔識㗎喎
現今整個68系都係由元朗出發既線，點會係無關係？U068上面已解釋左，將68A改成U68而非U68A，係為左想依據返(相對)短途線盡量簡化編號結構既傳統，你睇返市區老線一般都係1、2、5咁樣，副線先會加A之類既尾字母。當然U68A叫U68D都得，咁268P就可以轉成U68P。長途線U268、U68X就係基於現有編號去改，只係因為268X本身已經四位數，反正2字頭本身都係特快意思，後面有無X根本唔重要。

上面成班人簡單複雜化
港島啲區內路線都唔會出去九龍新界
九龍新界啲區內路線亦唔會出去新界
河水不犯井水
都唔明點解要阿茂整餅要建議改編號
搵自己煩之餘
仲打搞晒市民要重新適應

mckhgc 發表於 2021-3-27 22:53
個人其實冇所謂，最重要係統一路線編號不再有重覆，分唔分公司，真係相當次要可有可無。
只係有另一版友 ...

上回已經解釋過，客係對邊條線邊間公司做無興趣，但要解決撞號碼問題，以公司字頭分返開大部份路線既編號總比以地區黎分簡單，我都只係提議。
而且，以地區黎劃分字頭，又如何解決將軍澳既問題？

UO068，係咪香港快運的新航線？😂