本帖最後由 leochill 於 2021-3-29 17:01 編輯
誰主兩位數?
其實我覺得理論上改號碼最大爭拗點(如果出到街比市民諮詢的話) 就係由九龍新界定港島保留一/兩位數號碼,
大家成日都話九龍新界保留1-99/ 200-299, 港島要加5字頭做500-599,
好唔好掉返轉, 九龍新界嘅兩位數加個2字頭到200-299, 而港島保留1-99?
意思即係港島所有2,3,5,7字頭號碼都要刪走百位數, 變成兩位數, 如260 > 60X, 788 > 88X (現88X改為83X/86X/88P...乜都得), 592 > 92A之類,
而九龍新界都有一大堆重疊嘅問題, 但大家都會有計, 不贅啦,
理據係, 九龍新界人雖然人數較多, 但都慣左有一大埋2字頭, 將所有線變成2字頭應該最易適應,
而以保留號碼作招徠, 港島人較易贊成。
利申: 新界居民
(後補: 發現其實港島區都有不少兩位號碼好少用, 如 50-59 直頭無用過, 20-39/ 60-69 用嘅頻率亦唔高,
好唔好呢啲號碼都放返畀九龍新界用, 港島線就改一改去其他兩位數,
如6字頭赤柱線改為16-17系, 23 > 3, 25>11A, 37>45, 38>46等等,
如此一來, 九龍一半加新界西北都唔使改了)
過海有需要4個百位編號?
我明白係用來區分三條隧道, 但真係有需要嗎? 我見到好多板友都只講到將300系號碼改走, 但其實好似沙田/大埔/北區其好多過海線行東/中/西隧都唔係絕對, 如307C>907C, 681P>981P, 改行邊條隧道又要改號碼, 不如全部隧道線用晒100-199?
OK, 我知會有好多重疊, 如101/301/601, 171/671/971之類, 但100-199 中除左101-122外其實仲有好多號碼無用過, 點解唔可以用呢?
小巴一樣可以改
好啦, "小巴同大巴係兩回事", 呢種思維真係香港獨有, 小巴又加到19座, 點解由客嘅角度一定要將佢分開來睇?
我上面已經將3,5,6,7,9字頭收返左, 加上好多板友講嘅由馬場線抽走8字頭, 就算派返一個字頭畀大嶼山, 其實仲有5個百位數可用, 仲未計死都唔用嘅4字頭, 咁小巴我建議咁改:
港島小巴: 現有號碼加3字頭
九龍小巴: 現有號碼加5字頭
新界小巴: 現有兩位數號碼加6字頭, 現有三位數號碼壓縮做兩位後加7字頭, 如401>741, 102B>712B, 616S>N766
咁淨低仲有4, 8字未用, 9字畀大嶼山用
|
樓主