當年告別hkbdb

還有一位板友經常標榜其與巴士公司高層的「密切」關係（由BDB年代到iTalk亦然），上網放料扮先知，一樣係虛榮心作祟，從來冇改變。

原帖由 cx1 於 2006-8-10 11:33 AM 發表


純粹係虛榮心作祟掛…
冰封三千尺，肯定非一日之寒囉…

其實一個人要咁多虛榮都冇乜作為咖，反正人死都帶佢唔走…

算把啦~~
佢唔舉多d例子，
點證明到佢較早前佢形容自己
「學識豐富、理性討論」。

不過我都係第一次見人面皮咁厚咁形容自己囉..

小弟正式加入 BDB 大家庭既日子，都唔好記得囉，大約係 1999 年掛，
係用學校俾每個學生既 email account 登記既。

係加入 BDB 之前，只係識拎住部傻瓜機，落屋企樓下影相，
見到 AS1/AS2/AL1 行 2A，就會發晒狂；1100 行 101，連自修室都唔去住，影埋先算。
有一次補習班 cancel，由得寶行去藍田，一路行一路影相，已經覺得好威威。
入到去 BDB，先知道原來我只係小小小朋友一個…
（當年連羅兄係我師兄都仲未知，死未…）

我上 BDB 既高峰期係 2001 年既 A-Level 溫習期，果陣朝朝入 UST 溫書，
入到圖書館之後，肯定未有精神拎 notes 出黎溫，就搵部電腦上 BDB 貼下文。
就係呢幾個月，識左唔少巴士迷朋友，有一班而家仲十分之熟。
好記得果年考 Physics 之前，有一日突然發覺唔見左張 equation sheet，
就拿拿聲上板求救，結果果一日就已經係順天巴總收到一位板友影俾我既 equation sheet。
（小弟記性好差，果位板友係咪 EG9515 呀？見字請 imsg 我丫~~）

考完 A-Level，就開始學出黎捕車，一大堆影落既千fa 廣告巴士，
都係果一個月影既，果一篇尋 3008 既文，係舊年既年頭，竟然有個係 BDB 識既好友 send 番俾我~~

當年係呢篇文有回過小弟文既，到而家都仲有聯絡，實在難得。
到跟住過左 Bath 半個月，每日既 lunch time 我都一定係學校上 BDB，
睇下呢十幾日發生左咩事。

還記得小弟都曾經做過字軌負責人（係九巴 2D 線），
因為屋企冇得上網，要返學校先至可以觀察同 update 用車。
當知道都普鴨過唔到二千年時，我都知道 2D 既掛牌實會變，
只係未有時間同機會改字軌表，點知放完聖誕假返學校，
就已經係咁俾人投訴，話我唔拿拿聲改字軌表。
果陣，小弟真係火都黎埋…

亦因為 BDB，令我慢慢加入某位師弟既交通網站 mbwhk.com，
由字軌負責人、幫手打新聞稿、出相做專輯，到做埋「點線尋」既 data input。
諗起加盟 mbwhk.com，過程都幾搞笑下，
就係成班巴士迷聚係學校圖書館既電腦，一齊上 BDB 睇文，
當我係度改緊 2D 既字軌表時，企係我後面既呢位師弟就問我，
有冇興趣做埋佢個網既字軌表負責人。
一做，就做左五六年喇。
到我係中學既中七 last day，我仲搵埋成班係圖書館一齊睇 BDB 既師弟，
送俾佢地每人一張 12R 巴士相，唔知佢地仲有冇 keep 住呢…

BDB 關站之後，小弟迷巴士既熱情亦都越黎越淡，只係耐唔耐同班 friend 出黎遊下車河，
但係同佢地既關係，亦由巴士迷朋友，變左做真正既朋友。
不過每日堅持帶住部相機出街既習慣，到而家都仲未改。

原帖由 komodo 於 2006-8-10 11:48 發表
還有一位板友經常標榜其與巴士公司高層的「密切」關係（由BDB年代到iTalk亦然），上網放料扮先知，一樣係虛榮心作祟，從來冇改變。

嘿, 你都咪話, 有D人嘗試過一次做先知做大佬的滋味之後,
真係沉醉到無法自拔架.

我相信每一個巴士迷都曾經有個志願,
就係想駕駛一架巴士,
或者想營運一間巴士公司.
但現實係冇可能做到的話,
咪唯有搵其他辦法去掌握一些同巴士有關,
而人冇自己有的東西, 也文也武一番.

BDB 最初頭變質時, 都只係聽聞過巴士迷騷擾站長,
或者跟車時詐詐帝同司機傾偈套料 (美其名係認識朋友),
到後來唔知係咪發現司機同站長都冇料到,
就走去黐埋去車務主任, 或者巴士公司高層度.
(其實所謂高層又有幾高呢?
於是又衍生出一塊無敵擋箭牌叫做「爆人地出黎會打爛人飯碗」,
結果「高層」身份一直係謎.)
然後又發覺巴士公司好聽區議員支笛,
咁就進化到同區議員打交道.
講到尾目的都只係想做先知,
想參與 (操控??) 巴士路線的發展.

呢種巴士迷文化簡直根深蒂固,
而且仲一代傳一代.
今時今日冇番幾個「消息人士」傍住,
冇乜一條「私家坑渠」放水,
真係幾難o係班同行之間立足架.

原帖由 bustop 於 2006-8-10 12:49 發表
嘿, 你都咪話, 有D人嘗試過一次做先知做大佬的滋味之後,
真係沉醉到無法自拔架.

我相信每一個巴士迷都曾經有個志願,
就係想駕駛一架巴士,
或者想營運一間巴士公司.
但現實係冇可能做到的話,
咪唯有搵其他辦法去掌握一些同巴士有關,
而人冇自己有的東西, 也文也武一番.

BDB 最初頭變質時, 都只係聽聞過巴士迷騷擾站長,
或者跟車時詐詐帝同司機傾偈套料 (美其名係認識朋友),
到後來唔知係咪發現司機同站長都冇料到,
就走去黐埋去車務主任, 或者巴士公司高層度.
(其實所謂高層又有幾高呢?
於是又衍生出一塊無敵擋箭牌叫做「爆人地出黎會打爛人飯碗」,
結果「高層」身份一直係謎.)
然後又發覺巴士公司好聽區議員支笛,
咁就進化到同區議員打交道.
講到尾目的都只係想做先知,
想參與 (操控??) 巴士路線的發展.

呢種巴士迷文化簡直根深蒂固,
而且仲一代傳一代.
今時今日冇番幾個「消息人士」傍住,
冇乜一條「私家坑渠」放水,
真係幾難o係班同行之間立足架.

我覺得無雖要同佢地打交道lor...
佢地鍾意扮先知咪由得佢lor...
反正要收料上來睇都一樣...
遲d 知又唔會少o左d肉...
最重要就係似家又唔係以前咁,
要走出站頭同d 巴迷交流先收到風...
而且佢地鍾意做先知...我先唔驚佢唔post 上來
咁咪俾佢地嚮版入面威o下, 做o下權威lor
no big deal ga

原帖由 bustop 於 2006-8-10 12:49 發表


我相信每一個巴士迷都曾經有個志願,
就係想駕駛一架巴士,
或者想營運一間巴士公司.
但現實係冇可能做到的話,
咪唯有搵其他辦法去掌握一些同巴士有關,
而人冇自己有的東西, 也文也武一番.

哈,不過唔好話,有d版友的確將之實現左,當然未必去到一間營運一間巴士公司,但結果入左客運呢行將知識用了在造福人群.

當然,也有一些成日靠親近一些"高層"套料上來扮有料...可笑的是,他們只是傳聲筒一個

原帖由 bustop 於 2006-8-10 12:49 發表
(其實所謂高層又有幾高呢?
於是又衍生出一塊無敵擋箭牌叫做「爆人地出黎會打爛人飯碗」,
結果「高層」身份一直係謎.)

都唔係咖，某板友「相熟」那位新巴高層，大家都知係邊個，直係好高級架。

bustop君的分析，一針見血。

大家記得當年的「每日一跪」嗎? 後來不知
是什麼原因而取消了

原帖由 fp8329 於 10-8-2006 14:50 發表
大家記得當年的「每日一跪」嗎? 後來不知
是什麼原因而取消了

好似係因為使用率低，善用資源之下而取消左

原帖由 dennisla 於 2006-8-9 00:26 發表
我都有去某大學二樓canteen 0個次聚會，亦係唯一一個有去而冇0係網上面回番文0既參加者 ....
有冇人有當時0個張合照0既彩色版呢?
0個次應該係"我俾察佬逗"篇文出0左之後一排，0個次當事人都有出席，親自講番件事添!

現在成日都是巴士迷，除非行為「出晒位」，唔係
都幾難「俾差佬逗」。

dennisla兄可唔可以講下當年「俾差佬逗」的經歷?