當年告別hkbdb

我自己開始上網時，
晌度周圍搵一d巴士既網，
無意中去左BDB，
果時一click入去，
真係搵到好多資訊，
好多有用既資，
一直都好想加入呢個大家庭，
但果時我無ISP電郵，
而且有排唔接受新會員申請，
所以一直都只做cd-com。

到後期BDB容許非ISP電郵人士申請，
我都嘗試申請，
點知第一次申請時俾Kenf站長話我唔夠誠恴，
之後隔左一段時間再申請，
果次成功了！
一收到a/c，
第一時間貼左一篇文，
叫「對九巴95的感慨與不滿」。
仲記得BDB果時d氣氛雖然唔算太好，
但文章都好有質素，
所以果時我貼每篇文都諗過度過，
然後先貼出來。
果時板友貼一篇文章字數唔會好多，
但個個字都係精華，
好記得以前，
篇文長少少就加上「長文」，
相片多過10張或者貼大相一定晌標題講清楚，
依家呢d野包括我自己都唔去左做，
亦無板友有音識去做，
甚至連大相都已經禁貼。

我上板唔夠一個月BDB就關站，
果時覺得好可惜，
咁辛苦搵到個咁好既網站竟然要關站，
一時之間有d不知所躁，
後來既「臨時BDB」(即今本站)接替左BDB既功能，
自己甚至其他巴迷搵到個落腳點，
可惜自己無ISP電郵，
所以成年幾兩年都做唔到板友，
直到2003年，
終於得到ISP電郵，
即刻註冊成為一個板友，
開始晌度活躍起來。

iTalk已經係我每次上網必上既網站，
除左因為我要處理板務，
呢度亦係一個好既討論既地方。
不過隨著呢度舊既高質素既板友走既已經走晒，
又有不少質素仲差過我既板友加入，
開始多左好多垃圾文章(包括我果d)，
B2板有一段時間出現「水浸」問題，
導致我不得不訂下好嚴甚至近乎無理既板規管理B2板，
以減少垃圾文章及出現水浸既情況，
但從而亦令到B2板由以往有2-3頁既新文
減少至依家幾日先有1頁既情況，
係好係壞我唔評論了，
但都希望呢個板真係成為大家分享同交流既好地方，
我都唔希望呢度既站長有日要好似BDB咁，
做到心灰意冷而關左呢個站。

我係99年先開始睇BDB，
01年起先開始做會員…
期間都經歷過HKPBDB的日子，
直到02過渡到Italk。

的確，現在已經沒有早年的狂熱。
甚至在大學讀書開始起，
對巴士的狂迷已逐漸消減…可能，
車款是少了，沒太多心思影相
再加上現時行家的水平已不如前，
還有種種的罵戰，已開始意興欄柵
(當然還有守規巴迷)
再加上社交圈子的擴大，
令自己投放於巴士的時間越來越少…

從前多條路線全冷、加新車時
都會不顧一切的走去影車遊河
但時至今日已失去這種動力
連61M、26等線全冷，
都沒像以往般影車遊河
可能人大了，環境會變
連帶自己所喜愛的都會有所調整…

[ 本帖最後由 EV2021 於 2006-8-7 00:50 編輯 ]

雖然本文並非討論巴士為主，
但因BDB是以往巴迷討論的集中地，
當中大家會有許多巴士討論的回憶，
故本文容許在B2板。

本文亦成為本板的精華。


B2板板主

原來自己有save 低當時一個print screen..不過都係好後期，有人攪事既時間。

我個網入面都有BDB 0既相，我有的BDB screen capture
真係唔多，係都係copy自己舊文庫0的文．

我當年都比人永停過，好在Ken Fung最後都比我反BDB
．不過宜家我諗周圍都無呢支歌仔唱了．0個次永停令
我開展玩新聞組的新生活．之後反反去BDB都留意自己
態度好多，不過都比人警告過一次過就去到刪版都無
任何警告記錄．

宜家都係有得回就回，真係宜家都係睇值得回值得睇
0既文就算，令我火0既文都唔會睇，先至留到今日．
前幾排個大停版潮總算過左，不過我宜家都係只係睇
值得回同值得睇0既文就走人，因我要管我0個邊0既谷
．有時去玩下新聞組真係舒服好多．呢個都係我宜家
日日上黎睇文0既心態，盡量唔好踩到人，有乜0野唔
辣著我0個邊都唔會理．以前BDB真係幾純撲，0的人都
較信得過，真係好懷念．我97／7左右開始有上的，不
過都唔係成日上，當年無寬頻，又無起router．

其實上internet archive都有得睇screenshots，不過係得反
條死靜link（2002／8／2）係仲work的，其他唔係要
login就係無記錄，我個網都有講．．．＊ˍ＊

P.S.BDB無左後，有個最元老的交通新聞組幾日前宣佈
暫停，但呢幾日仲入到去．．．

[ 本帖最後由 3asv6 於 2006-8-7 02:01 編輯 ]

估唔到 Ken 兄竟然會上來呢度回文呢。

以前 BDB 真係俾我有好多回憶，我係 2000 年初加入
BDB 成為會員的，當年我仲係一個 14 歲的細路仔，
有唔少板友都比我年長，思想比我成熟。

仲記得當年的我
．眼光好淺窄，只會留意自己區 (北區) 的巴士
　(因為其他區連有乜路線我都唔知)
．成日鬧 73A 全熱，70X 連續幾班熱狗，將全冷線無限抬舉，
　又將全熱線無限貶低
．人用單鏡機影巴士我學人用部 35mm 相機去影巴士
．搭車坐導航位之後聊司機傾計

到後來上得多 HKBDB，最記得係經歷左多條城隧線，短車線，
「屯旺三寶」全冷，01/02 年九巴大量引入 3ASV，兩年間
有大量路線「加金」，仲有 DM 退役等等，都成為巴士迷
討論的話題。就連我細佬都俾我「感染」埋，都知道唔少
巴士車型同車牌，例如「E 蛇仔」，「豬扒」等等。

直到而家，有唔少比我年長的巴士迷已經淡出甚至退出巴士
呢種玩意，自己由年幼的一批變成年紀較大的資深巴士迷。
呢幾年間自己對巴士的感覺都有些少變化。

例如當年未搭過 AP 同 AS，試過自己特登走入將軍澳搭同影
佢地，仲記得呢次係我第一次自己一個遊車河。
01/02 年每個月都影一筒巴士相，仲帶埋細佬週圍去遊車河，
(我細佬不嬲只係 enjoy 搭巴士既感覺，佢覺得我影巴士好無
聊) 最深刻係有次為左搭新巴 38 既 D10A VA，我竟然要佢r
(佢當年 9 歲) 係 32 度高溫下陪我由華富村行上置富花園…
有次同佢去影屯旺三寶熱狗但係冇搭，激到佢死…

到後來，細佬對巴士熱情已經減退哂，只係會留意下自己搭
果架車係咩型號。而我就都會間中遊車河，但係由以前刻意
去捕車居多變為而家好多時都係隨心想去搭邊條線就搭。
亦都好少會特登搵成日去遊車河，只係有時放學唔想迫火車，
又或者係放左學但有野做唔返得屋企，中間空檔時間去遊河
居多。影巴士方面，正正式式企街影今年只係陪個 friend 係
蘇屋村影左一次，其他最多只會用手機影下 snapspot 之類。

至於親戚朋友方面，其實佢地大部份都知道我鍾意巴士樣野，
有部份朋友都會問我點樣搭車較快/較平。仲記得預科時的班
主任都知我鍾意巴士，而佢丈夫又係九巴工作，佢 F.7 果年
同今年 (今年年初我地有 Re-union) 都送左本九巴年曆俾我。

始終而家搭巴士的心態同以前唔同左。以前生活圈子窄，朋友
唔多，所以會以遊車河去消磨時間。但而家有時間都想做有
意思的活動，又或者陪朋友，家人，對巴士的接觸已經變得
只係網上留意下車務消息，有冇新明星廣告等等。

講左咁多自己，不如講下 BDB 的印象。
BDB 我覺得板友討論尚算成熟，但其實睇返舊文，我唔覺得
可讀性比而家高得好多班。可能因為當時我地幼稚，以當年
我地的標準，所謂「成熟」的文章，去到今日可能已經係
「幼稚」。板主 Ken Fung 同一眾板助都好有心去管理個板，
好似 GZ5818，Dennis Law，Gakei 都做得幾出色。

大事方面，我最記得係果類「意氣之爭」，例如「L 廠
食柴 K 廠獨大」論，「良田居民唔單止搭唔起冷馬，連
八仔都買唔起」論等等…
當然亦經歷 Ken 兄結婚時，板友都一同祝賀，Ken 兄喪母
時，板友都一同安慰，可見當年 BDB 板友都算齊心。

*小弟食左藥有點眼訓，文句可能有點詞不達意，請見諒。

講左咁多自己，不如講下 BDB 的印象。
BDB 我覺得板友討論尚算成熟，但其實睇返舊文，我唔覺得
可讀性比而家高得好多班。可能因為當時我地幼稚，以當年
我地的標準，所謂「成熟」的文章，去到今日可能已經係
「幼稚」。板主 Ken Fung 同一眾板助都好有心去管理個板，
好似 GZ5818，Dennis Law，Gakei 都做得幾出色。

大事方面，我最記得係果類「意氣之爭」，例如「L 廠
食柴 K 廠獨大」論，「良田居民唔單止搭唔起冷馬，連
八仔都買唔起」論等等…
當然亦經歷 Ken 兄結婚時，板友都一同祝賀，Ken 兄喪母
時，板友都一同安慰，可見當年 BDB 板友都算齊心。

講真今年0的巴迷算唔算成孰左定係走晒去鬧另一樣
0野？671，113落B9都見唔到隔離版有0的聲氣吧．
希望真係0的巴迷成孰左吧．．．

哈哈!
我記得自己懂上網, 便開始找尋巴士網頁, 當年的消息來源, 是由619bus page的, 由
此開始, b會會訊的消息角色漸淡, 還記得當年巴士網站不太多, 加上大家互連, 真的每
日樂上幾小時, 不知如何連結, 連至hkbdb等交通討論區, 我記得當年各種交通討論區只
此一家, 而且大家是有一定聯繫, 至今部份仍存在! 再之前是bbs了, 不過自己因難用少去!

說回bdb, 其實真是一個寶, 當年初起是, 大家討論氣氛好, 尤其是發現世上竟有臭氣相
同的人, 大家都珍惜機會, 把自己所長展露, 其實那時只是24.4-56k慢得很, 隨科技進步,
更多人的參與, 入門門檻低了, 參與人的質素自然參差了, 事實上bdb曾有不少罵戰, 之後
開始了轉板面, 加板規的事件, 甚至停站等, 當然少不了italk前身的臨時bdb, 我從前已經
甚少發言, 今天也如是, 不過我可以說一句, 從bdb甚至bbs時候, 已經有不少cd-rom, 他們
的數目比想像中多, 而且大家的智識, 正是從大家的討論中找尋出來, 雖然大家見不到, 但
所謂巴士迷界的發展, 其實仍見到的.

人會經過不同的階段, 迷巴士可能是部分人年青是的歲月, 長大了, 自然有其他東西要處理
了, 個人很佩服ken兄可以放下, 當然那時的環境, 加上處理板務的吃力, 不容選擇, 從告別
文中可見一番, bdb已經完成任務了, 雖然可惜, 但真的很多謝ken兄當年的努力, 尤其是不
少現在仍cd-rom的資深巴迷, 心理必定認同, 並感激ken兄及當年討論區內參與的各板友,
給予增加知識的機會, 不論今天是否熱情不再, 相信心中仍有一點對巴士的情意結, 如果不是,
相信不會看見這篇文章!

和大部分年齡不輕的人一樣, 我很多和巴士的興趣減少了, 但不至拒絕稱巴士迷, 事實上大部
分人是因為新人的行為而劃清界線吧, 但我認識的, 多是比較穩重的, 可能是年紀問題吧! 不過
正因為巴士, 從中引起其他因巴士而來的興趣, 如相關建築物及設施, 歷史, 民生變化, 因為巴
士是和人息息相關的, 正是如此, 才那麼多人喜歡巴士, 其實如果眼界闊一點, 從巴士是看世界,
可脫巴士過框框, 走出從世界中看巴士的層次, 巴士只是認識世界的踏腳石吧!

最後多謝ken兄當年不惜的付出, 祝福他及其他老板友生活愉快, 同時希望大家都找到真正自己
的興趣, 找到生命的重心吧!

原帖由 Phoenix 於 2006-8-6 13:43 發表
最记得自99年这个时候BDB来了一个大停版以后
之后三年的讨论气氛就越来越差了....

氣氛急轉直下係由獨大、食柴論開始,
相信年輕一輩都未必知是什麼一回事
不過獨大、食柴論我一向都是當笑話睇

當年筆者與S3M61(Tony), GZ5818是在HKBDB中較活躍的北區巴士愛好者，經常交換巴士心得，估計巴士迷年資已超過七八年，而筆者的巴士網站已營運超過十年了。

如今，一個已移民，一個亦甚少在網上見面，只剩下筆者一人仍然活躍在討論區。

由hkbdb至iTalk，筆者給人的印象是一個富有學識、理性討論的巴士愛好者。如今，筆者將要拉埋天窗，將來能在討論板的時間會少了，希望好好珍惜現在的日子吧！

[ 本帖最後由 eric278 於 2006-8-10 08:53 編輯 ]