當年告別hkbdb

仲記得當年從巴士年鑑知道BDB，HKBEC，巴士狂熱同619 Bus Page等存在
再之後從友人得知BDB有埋字軌表，之後有機會上網就上BDB睇，到之後申請
埋A/C，好記得第一篇文係貼DB7311@87B，轉眼間，已經七年囉

我到而家仲係一個細路，但我覺得，我細路得黎仲識諗，當年開始大活躍都
係獨大食柴，每次一出文，總會過百，自己都出好長篇大論去駁人，不過，
當年一係冇事，一有事就成個版停，再抽搞事份子，而係由呢類題材開始，
BDB氣氛開始日差

講埋其他趣事定事件，仲記得一百黃，城巴364兩位仁兄嘛，一個嘈九巴用
熱狗行尖沙咀，一個成日想九巴線交俾城巴搞

原帖由 guia 於 2006-8-7 21:27 發表


我見9 成以上的膚淺建議是他們聲稱食柴荔廠路線交由新巴經營7XX系列

唔知大家仲記唔記得某位曾經就讀科大既城巴迷呢?

佢可謂算是首位經常要九巴既線比其他公司經營既人，
而這些膚淺建議出現就是氣氛開始下降既開始

原帖由 petcity 於 2006-8-7 22:59 發表
仲記得當年從巴士年鑑知道BDB，HKBEC，巴士狂熱同619 Bus Page等存在
再之後從友人得知BDB有埋字軌表，之後有機會上網就上BDB睇，到之後申請
埋A/C，好記得第一篇文係貼DB7311@87B，轉眼間，已經七年囉

估唔到仲有人會睇巴士狂熱...
今時今日巴士公司都有晒官方網頁,
巴士狂熱其實都可以功成身退,
不過做左咁多年都變左習慣囉.
起碼叫做有樣興趣.
不過我都醒覺到,
唔定時定候去 A8 版賣廣告的話,
真係冇乜人會留意私人巴士網頁.
尤其係舊的網頁.
我諗iTalk裡面有好多 16 歲以下o既站友,
都未必知道乜野係巴士狂熱.

講番 bdb, 最初入去玩時,
版面個 backgd image 係一架紅雙喜廣告 S3BL.
之後就轉左全白色底,
上面有個類似城巴格仔站牌o既 menu.
再之後, 大家都應該清楚了.

原帖由 bustop 於 2006-8-7 23:23 發表


估唔到仲有人會睇巴士狂熱...
今時今日巴士公司都有晒官方網頁,
巴士狂熱其實都可以功成身退,
不過做左咁多年都變左習慣囉.
起碼叫做有樣興趣.
不過我都醒覺到,
唔定時定候去 A8 版賣廣告的話,
真係冇 ...

當年搵巴士最新消息，一個係閣下既巴士狂熱，另一個係Ricky兄既619巴士網站
另外一個好似叫26M巴士總站都幾經常去

今日，偶爾仲會去下巴士狂熱~~

插個花...

想當年，我都係一個很老的hkbdb版友，好似響96年左右入版，屬於早期果種。
印象中，hkbdb係我識得上網以黎第一個接觸o既討論區。
除了上hkbdb外，以前都迷巴士o既：車型、路線、甚至後期影巴士等，
果陣時見到邊度開線線有傳單去搣，都會專誠去囉，仲搭單囉幾份去派街坊....
中巴結束之前果個暑假，每日都係返半日暑期工，
一放工就去影中巴、捕車....

事隔十年，今日諗番起當時o既自己，確實都好甜筒o下。
十年了，人老了，興趣都改了。

巴士event（連其他交通工具都唔係點留意乜滯）呢，已經唔再刻意留意，
除非係我日日搭返工放工返學放學果幾條條線就「係咁意」留意o下，
睇完就只在心裏「哦，知道」作結。

攝影仍是本人之嗜好之一，但已不再專門去影巴士。
隨心所欲行過攝一張半張倒無所謂，但去捕車免問。
事實上今時今日我連d直梯車都未影過乜滯，連直梯neoplan都未坐過，更何況影？

牛河呢？無喇，新界東西遊都唔使啦，已經成為至少每星期o既例行公事，
習以為常（理由不必深究，但肯定同巴士迷無關）....

人老矣。

[ 本帖最後由 lcl 於 2006-8-8 00:00 編輯 ]

第一次上BDB都係睇完陳Sir本書，但當時又唔識打中文，個網址又難記，所以好少上
後來識打中文就登記做板友，實則幾時就唔記得。

以前得BDB一個熱門巴士討論區就真係成日上，睇0下自己唔識0既巴士知識，行文又
好幽默，甚少閒聊，篇篇都好有用，所以自己唔敢貼文，驚俾人笑。BDB除0左食柴同
北區文就甚少罵戰，食柴一詞，現在0既小朋友就未必識，但以前可以講足成年...

我是在一九九八年五月加入HKBDB的,
成為會員後發表的第一篇文章是詢問九巴雞車有否運往南非繼續服役,
算起來是八年前的事了.

還記得在加入後不久,
BDB就發生了停板事件,
其後Ken兄開始制訂罵戰警告系統,
分黃、紅、黑三個級別.
零一年增設"非巴士討論"時,
我也常常張貼有關應付會考的問題.
翌年BDB關閉後,
在同學的介紹下,
我成為了iTalk會員.

在這八年裏,
我自己也經歷了很多事情,
包括中新巴交接、雞鴨寶全退、祖父病逝、會考失敗重讀、高考僥倖過關等......
當年這麼一個中二學生,
現在也快大學畢業了.
惟一不變的,
就是本人還沒有找到女朋友~

對於巴士這玩意兒,
我還是十分喜愛的.
只不過,
時移勢易,
隨著本人的興趣範圍日漸擴闊,
以及為了自己的學業著想,
當年對巴士的那份瘋狂,
已不復再.

其實,
我認為iTalk的討論氣氛尚算不俗,
最少我可在這裏,
得知很多有關巴士的知識,
以及它們的最新運作情況.

原帖由 bustop 於 2006-8-7 23:23 發表

估唔到仲有人會睇巴士狂熱...
今時今日巴士公司都有晒官方網頁,
巴士狂熱其實都可以功成身退,
不過做左咁多年都變左習慣囉.
起碼叫做有樣興趣.

有人睇，小弟會睇，睇慣o左巴士狂熱內的路線係 list 途經o既所有街道出黎，
官網就係 list 站位名，兩邊睇互相補足。

呢篇文好似係老餅專區咁...

當年屋企冇上網,只係靠學校電腦上下BDB,
所以放學就成日蒲一陣電腦室,
睇到正特見通常會立即消失於電腦室...
冇就留低逐區慢慢歎...

到左2000年屋企終於有上網,就去左註冊BDB,
不過都係潛水一族,當年好多野都未識,唔敢亂講,
上去就同"上堂"冇分別...

其實我都係潛足六年到近日先蒲頭蒲得多,
所以呢排成日亂講野,
以前有好多野自己唔知唔肯定,唔敢講,
有好多野唔關自己事(例如講到278系港島等等),
插嘴埋去又好似o係度灌水,
到罵戰出現既年代,
其實都覺得有D人講D道理令人歎為觀止,
不過人總係有不同見解既,
就算佢極不合理都唔可以話自己既想法至係真理既,
即非佢話城巴有條234X,九巴有條962呢D就冇野好講啦...
自問唔係咩正義之師,
無謂"出黎"扮講公道說話講道理,
反正有嗌交總會有人咬來咬去,
冇道理既人又總會被本身鬧緊交既板友用"道理"駁回,
都係睇風景同埋睇佢地點收科算...
其實見到呢D咁有自我風格既板友,
心裡面一句"同佢講都o徒氣"唔回佢仲好,
你教佢佢又當你教訓佢...
不過如果個個好似我呢種"講乜都係廢話"既人,
個討論區實做唔住...
當我見有料冇人報果陣就酌量報下囉,
但好似我當年o係呢度發既一篇"沒落的吉拿LG1200",
見到D回文對呢款引擎既批評真係好痛心...
咁又令我覺得,雖然自己覺得自己想法係冇錯,
但人家個個都唔係咁諗果陣...~>唉,算啦,都係收聲啦

咁睇起上黎,
好似係上一代既人唔識講唔會亂講,
而新一代既人係"敢作敢言"既一群...

其實我覺得BDB興盛既年代,
亦剛剛好係一個香港巴士變化最絢爛既年代,
如果由歷史睇上黎,先講九巴,
果段時間剛剛係80年代地鐵通車落地果批車退役既時候,
亦正好係兩軸車換三軸車既轉變過程,
又有令人期待既一部部金巴加入...
港島就更加唔使講,中巴變新城天下,
之後又要睇住一款款中巴老將一時之間消失...

過左呢堆之後,
我覺得02年去到沙士其實係一個好大既分水嶺...
02,03年發生過好多事,港島冇哂熱狗,
九巴兩軸車,ME同12米熱狗相繼接近消失,
仲有新城一家親,再去到沙士,
果陣有一個詞忽然冒起："收車"
之後D收車又隨住西鐵馬鐵同埋唔夠熱狗沒完沒了地收,cut...

隨住D熱狗一式化,而且集中o係屯門,荃葵青,新界東同九龍,
自己都好似同冇熱狗既大西北同港島隔離左...
而家望樓下D特見,來來去去都係果D熱狗,
行黎行去都係果D字軌...
算係悶之中既最大樂趣~

至於前文講到個個都淡出巴士迷界,
其實就算係淡出都好,都唔係話金盆洗手之後就冇哂記憶,
已經識既巴士知識仍然留o係腦海度...
所以就算已經唔係巴士迷,"巴士專家"呢個名銜都係走唔甩,
當然幾專就因人而異啦~

巴士討論區唔同出面其他討論區,
可以一個表情符號或者quote住人地段文就當回文,
最主要係巴士討論區由始至終都好似係用黎灌輸知識既地方,
就係因為呢個目的而唔容許果D浪費資源既文出現,
我就覺得有D人唔太明呢點所以有時無情情犯板規...

所以D比較有料子既老餅板友就算睇到火都黎埋都好,
需要時同人指教下,唔好好似我上述果種"講乜都係廢話"就最好lak~
呢個某程度上亦係我近排活躍既原因~

嘩,講左好多,唔好意思

原帖由 guia 於 2006-8-7 08:58 發表


氣氛急轉直下係由獨大、食柴論開始,
相信年輕一輩都未必知是什麼一回事
不過獨大、食柴論我一向都是當笑話睇

呢個年代仲邊有食柴獨大可言,最多咪話皇帝孤島論

不過睇番自己上巴士討論區都有接近9年,由bdb到今
時今既italk可謂人面全非,討論題材內容以至用詞都
唔一樣,感覺同睇軟硬草蜢concert,想講番句好久不見