$61,000,000

今晚開一期六合彩
一注中$61,000,000
應該是香港史上最高的一次派彩
(上次1992年是$57,000,000)
固定買六合彩一定明白

如果你打工,中左的話,明天會點做??

大家買六合彩,又有否秘方??
(我買左十幾年,都有D秘方.....)

[ 本帖最後由 n281 於 2006-9-28 22:32 編輯 ]

生活一樣係咁過...
多左舊錢去投資咁解...

原帖由 n281 於 2006-9-28 22:26 發表
今晚開一期六合彩
一注中$61,000,000
應該是香港史上最高的一次派彩
(上次1992年是$57,000,000)
固定買六合彩一定明白

如果你打工,中左的話,明天會點做??

大家買六合彩,又有否秘方??
(我買左十幾年,都 ...

咁你既秘方中o左幾多次?
係馬會抬走幾多錢?

響香港呢處地方
應該就只會煩無錢而唔會煩有錢ge
如果呢度有人6千萬而又唔知點駛ge話
我有咁多個方法俾你駛晒佢:

如果你係巴迷ge話
咁你可以用果6千萬去開間旅遊巴公司做下合法或者非法村巴
又或者響新界某處沓無人煙ge地方整間巴士博物館+收購晒你想留住ge退役巴士

如果你係火車迷ge話
咁你可以用果6千萬去買晒地鐵股份(如果市場上有咁多股份可以拋售出黎ge話)
咁以資產值黎計就大約會有一抽K仔係屬於你ge

如果你係飛機迷ge話
咁都夠你買番架相當唔錯ge小型私人飛機或者直升機兼養到十年八載(如果唔係日日都攞黎飛ge話)
雖然噴射機仍然輪唔到你

如果你係渡輪迷ge話
咁都夠你買部飛貓做私人遊艇
雖然未足夠到可以好似以前阿拉伯皇室咁用部jetfoil當遊艇咁玩

如果你係科學怪人ge話
咁6千萬都夠你上太空玩番轉
不過如果身體唔好就唔好勉強啦
太空唔係歎世界ge地方喎

如果你唔係交通迷ge話
咁你可以用晒果6千萬黎買間豪宅
山頂淺水灣九龍塘九肚山悉隨尊便
不過唔好真係用晒果6千萬
要留番1千萬黎交管理費
因為管理費都講緊每個月1萬蚊

如果嫌豪宅太大住唔晒ge話
咁可以買黎租俾人搵錢
到時賺夠1億就話俾我知
我教你1億又可以點fing

唔想投資地產?
唔使騰 no problem!
用黎買超級跑車一樣咁正
買番三五七部唔成問題
到時郭富城都要向你甘拜下風

好啦
返番正題
如果我有6千萬
我會選擇用3千萬黎搞生意(雖然搞乜野生意我無idea)
其餘果3千萬就留番黎食過世

[ 本帖最後由 kychung 於 2006-9-29 03:05 編輯 ]

原帖由 virus 於 2006-9-29 00:19 發表
年青力壯沒理由不打工在家，始終會悶，因為連追求金錢的動力與滿足都失落了。

有理想ge人唔會咁樣ge
如果有咁多錢ge話
當然第一時間去實現理想啦係咪
一個理想實現完之後又可以有第二個理想
咁咪繼續不停去掘新ge理想同埋佢地一一實現囉

原帖由 n281 於 2006-9-28 22:26 發表
如果你打工,中左的話,明天會點做??

我本性很懶惰, 中左$61,000,00, 自己會點用, 我會立即辭工先, 建立自己的理想生活.

我會這樣分配呢$61,000,000 :

1. 造福社會, 將$1,000,000作為慈善用途
2. 將$10,000,000收起作為自己未來的積蓄, 用作不時之需
3. 用$20,000,000作為小弟餘下人生的基本生活所需( 衣, 食, 住, 行)
4. 用$10,000,000滿足未來小弟的欲望 ( 旅行, 買靚車, 買自己鐘意ge野)
5. 用不超過$17,000,000投資開設中港/本地客運公司 ,購入歐洲原裝進口超豪華巴士(3-5架), 加多一架自己私人的中港私家車.
6. 留下不少於$3,000,000, 比自己的家人分享, 其他收入就來自自己的客運公司(有錢賺的話)

PS : 呢個中六合彩的夢想大計, 可能有D自私......

一定入銀行la....
3%利息,一個月有十五萬息,一日有$5000

我會去做野,但係會找份好hea既工.

p.s.我認自己好冇大志,但係有太多人用六合彩錢去投資...結果蝕到仲哀個未中果時

原帖由 238X 於 2006-9-29 00:04 發表
生活一樣係咁過...
多左舊錢去投資咁解...

唔係下話，係要繼續生活，但質素起碼會唔同左。

若然諗住中左之後既生活同中之前完全唔同，咁買黎做乜？
d錢用黎投資都係想賺多d，賺多d當然係要黎改善生活，唔通
諗住用黎蝕咩。

(註：本人完全不鼓勵任何賭博，本文旨在討論參與賭博的目
的。)

以下文章只是表達個人想法，並不鼓勵
賭博及投機行為，敬請留意。

我唔貪心，一注獨得伍百萬就足夠。

彩金將分為三個用途，一百萬用來償還
按揭，一百萬用保留作日後進修，餘下
三百萬成立「投資基金」。

個人相信有足夠的知識及智慧才能有效
管理財富。若有幸中獎，我一定返回校
園修讀MBA (終極目標為取得香港某大學
DBA學歷) 及考取CFA資格，才能令財富增
值。

至於三百萬「投資基金」，70%用來作長
線投資，餘下30%則參與中短線投機。每
年把基金資產凈值的10%捐予慈善機構 (
一來做善事回饋社會，二來給予自已壓力，
爭取更佳的投資回報)。

餘閒時間則會做義工，為弱勢社群服務，
若有機會亦希望跟隨某慈善團體到雲南
山區教書。

六合難中，要發達還是靠自已努力。