藍天行動 VS 熱狗存亡

因為熱狗會把車外的塵埃、噪音和廢氣帶進車廂，只有歐四或更高標準的冷馬才能同時兼顧環保與健康、舒適的目的。

原帖由 nwfb23 於 2006-11-13 09:37 發表
政府都要教育0下香港人唔好太依賴冷氣先得
香港太多冷氣地方，所以熱狗不太歡迎
若購入新熱狗，車廂環境企理，加上風機(唔好唔整)，咁先係藍天

P.S. 汽油車係環保過歐四

香港位處亞熱帶地區,叫人唔依賴冷氣始乎有點難
度,正如夏天叫你中午搭熱狗行彌敦道,怕你坐到半
路已經想落車

香港太熱主因係樓宇密度高,樓貼樓,又多玻璃幕牆,
光線折射,路旁又無樹木植物調節溫度,結果令廢氣
無法消散,正如新加坡比起香港更熱(全年氣溫25度
以上),但站在新加坡街頭無香港咁熱,原因係當地規
劃樓宇一來唔會起太高,二來綠化工作做得好,正如
香港唔會係彌敦道整個大草地,但新加坡係會

講真柴油車用得耐就一定要退,始終柴油係石油最低
層物,燃燒時會產生大量粒子同廢氣,就算keep住維修,
到十多年後引擎都會出現老化,結果會耗油量增加,維
修成本一路升,最終命運點都係要退

原帖由 orange 於 2006-11-13 16:03 發表

香港位處亞熱帶地區,叫人唔依賴冷氣始乎有點難
度,正如夏天叫你中午搭熱狗行彌敦道,怕你坐到半
路已經想落車

香港太熱主因係樓宇密度高,樓貼樓,又多玻璃幕牆,
光線折射,路旁又無樹木植物調節溫度,結果令 ...

其實香港最大問題係濕...

單單淨係熱,係唔會咁辛苦
但係熱+埋濕就真係叫救命啦....

其實用返熱狗唔係問題,不過最緊要車內有足夠既通風設備...
咁其實無冷氣都可以忍受到...

個人覺得可以效法英國，引入SLF版無空調巴士，
但因應香港要求改三軸…大大的窗，相信不會太焗促。
車窗方面可嚐試改用旅遊巴的款式，用鐵夾夾實
可減輕雨天漏水或車子搖動造成車窗劻響的問題…

只減冷車不減熱車價，是不合理的
但若果熱車和冷車都按同一規則減價，熱車的吸引力，不會差過冷車。
(當然熱車在冬季著數，冷車在熱天著數)

原帖由 orange 於 2006-11-13 04:03 PM 發表

講真柴油車用得耐就一定要退,始終柴油係石油最低
層物,燃燒時會產生大量粒子同廢氣,就算keep住維修,
到十多年後引擎都會出現老化,結果會耗油量增加,維
修成本一路升,最終命運點都係要退

本人部份認同你的觀點，因為引擎舊了，可以只換引擎，例子是英國的RM。
可是，本人常常見到新車的黑煙比用吉偈的舊車更大，不知污染會否增大了。

放棄一部舊車，生產一部新車，污染亦不見得少。

不過，以香港人的性格，才不想登上沒有冷氣的舊車，無奈。

原帖由 ryulky 於 2006-11-13 01:22 發表
現時要用熱狗價錢才能吸引乘客的都只是一些頹線線/半頹線 e.g. 70,66
但巴士公司會肯定不會為呢類線買新熱狗,
有可能刻意全冷後也不減價,令客量進一步下跌,乘機摺線,更加環保

放心,最後一句的可能性不高:全冷減價與否,跟客量無直接關係.
再者,假如常規線話摺就摺得,九記求之不得,都唔使等到而家.

[ 本帖最後由 chrisappear 於 2006-11-13 19:40 編輯 ]

都係因為九巴停留喺十幾年前嘅迷思
就係冷馬線一定要貴過熱狗線
唔係就唔可以收得貴
如果有d 特別線, 九巴收貴咗
你哋唔出聲
咁九巴咪唔駛用"加冷"作為加價嘅藉口囉.