搭巴士 捨鐵路 = 變態??

其實我地因應情況而選擇巴士或鐵路就係最正常做法。

邊d情況應坐巴士我唔講啦，大把板友知啦。

講下鐵路的例子先，以我個人而言，以下的情況會
選鐵路，因節省時間，雖然往往比巴士貴。

1 美孚/長沙灣來往太古/灣仔(102/905太慢)
2 尖沙咀/旺角來往荃灣(234X少車又勁慢，旺角計仲貴過
巴士)
3 尖沙咀來往大埔(271又慢又逼)
4 奧運站來往港島(西區/南區隨外)及新界西

嗯…係我生活圈子入面又唔識人會咁「死硬」派去搭鐵路，包括女仔，
甚至會有女仔問我點樣搭巴士 (或者係任何交通工具) 最快。

呢期我為左方便返學校 (九龍塘) 傾功課同埋溫書，連續兩個月都
買左東鐵全月通，搞到我呢期無論去邊都要搭下東鐵先安樂
買左全月通既月份，我試過粉嶺去荃灣，會搭東鐵轉地鐵，回程
試過 46X 轉東鐵…觀塘返粉嶺，又寧願地鐵轉東鐵都唔會搭 277X，
雖然 277X 同 278X 都停正我樓下…

對於我來講，最「肉赤」可能係粉嶺往返元朗，因為果程 $7.6 的
276/P 全月通唔包 不過因為有全月通，搞到我返粉嶺時搭
完 276P 之後搭東鐵再行多十分鐘都唔搭 273A，因為 273A 實在
太慢。我亦試過九龍塘入元朗，搭東鐵轉 276/P 都唔搭地鐵轉
68M 或者地鐵轉西鐵

出上水，呢期幾乎已經同 70K, 273A 絕緣，不過今日都因為太累，
所以由彩園村返屋企都搭左 273A。

其實搭左一年東鐵返學的我，都已經迫慣鐵路；反而我到而家
仍然頗抗拒搭頂閘的巴士，因為轉多兩個彎就企唔穩，容易
撞落企係隔籬的乘客度 (尤其係女士)。返學我試過為左唔想迫
東鐵，都試過搭 270A，不過發現時間都幾難預，而且由窩打老
道行返入城大，同由我屋企行去火車站分別都唔大…

講返樓主個 case，呢位女同事話搭巴士變態又真係幾過份，不過
116 可靠性咁「高」，非繁忙時間都會諗下，但俾著我都會好有
可能行去黃大仙搭地鐵，甚至搭小巴去太子轉地鐵。

搭車對我黎講，除非車費差別真係好大 (當然唔包括任何搭 70
呢類特慢線的方法，例如觀塘返粉嶺搭 74A 轉 70)，我會揀最
快果個方法，其次係最可靠。

至於地鐵學生優惠方面…有次同個住將軍澳 (近寶琳地鐵站) 的
同學行完深水埔，我問佢「唔搭 98C 既？」，佢答「咁貴，你
俾錢我搭呀？」

不過反而我好想知道，如果呢位女同事要由上水去元朗，佢會
唔會寧願搭東鐵轉地鐵轉西鐵，都唔會搭 276/P 呢？

[ 本帖最後由 chan6723 於 2006-11-19 20:27 編輯 ]

原帖由 chan6723 於 2006-11-19 20:25 發表
我亦試過九龍塘入元朗，搭東鐵轉 276/P 都唔搭地鐵轉
68M 或者地鐵轉西鐵

我個朋友有東鐵月票
由九龍塘去天水圍都會搭東鐵轉 276A
因為 $7.6 V.S. $14.4（東鐵轉 701 轉西鐵）
真係相差好遠

我公司都幾多同事搭巴士返工,
尤其大埔,馬鞍山,
雖然貴都一程車到灣仔,
再唔係新界東既都係火車+104.
不過新界西就唔少人地鐵+西鐵啦.

先排有個同事住天水圍出沙田job,
結果要搭輕鐵+西鐵+地鐵+東鐵+馬鐵,
不過計返朝早搭巴士荃灣轉車可能都差唔多時間掛~

原帖由 petcity 於 2006-11-19 19:45 發表


咁你要硬要話鐵路完全可靠冇野講

請你指出我在何時何處說過「鐵路完全可靠」
我一直只提出鐵路的穩定性比巴士高得多
但我肯定不會說「鐵路完全可靠」
請別加罪於我

但鐵路都可以有問題，有d人著名保鐵，我冇野講

邊個客觀唔客觀相信大家有眼見，至少睇返大家平日d文都睇到

你整篇回文只旨在把我打成保鐵人仕
企圖証明自己比我客觀但又無新論點反駁我
我先係冇野好講果個呢

事實上我自己經常搭 102 去美孚轉西鐵都唔搭地鐵過海
亦會搭 276A/43X/49X/681/281A/203... 多不勝數

[ 本帖最後由 ahbong 於 2006-11-19 23:26 編輯 ]

簡單一句，鐵路故障時整個網絡都受牽連，
巴士故障時受影響者不到萬份之一。

日日都有好幾單巴士故障，但你有遇上嗎？

註：討論目標不包括交通擠塞

原帖由 ksmbh 於 2006-11-19 23:00 發表
我公司都幾多同事搭巴士返工,
尤其大埔,馬鞍山,
雖然貴都一程車到灣仔,
再唔係新界東既都係火車+104.
不過新界西就唔少人地鐵+西鐵啦.

先排有個同事住天水圍出沙田job,
結果要搭輕鐵+西鐵+地鐵+東鐵+馬鐵,
不過計返朝早搭巴士荃灣轉車可能都差唔多時間掛

哈,5(6)程鐵路o既時間同兩程巴士時間一樣,點解唔搭巴士
莫非你個同事係可以免費乘搭九鐵或者甚至搭九鐵地鐵都係免費?

[ 本帖最後由 ryulky 於 2006-11-19 23:46 編輯 ]

原帖由 ryulky 於 2006-11-19 23:42 發表


哈,5(6)程鐵路o既時間同兩程巴士時間一樣,點解唔搭巴士
莫非你個同事係可以免費乘搭九鐵或者甚至搭九鐵地鐵都係免費?

我估有月票既...
另問如果由TuenMun去火炭,
你會搭小巴上水火車定巴士荃灣轉小巴呢,
上次教左人北上轉車我都唔知邊樣快...
不過真係估搭小巴轉火車比較可靠．