[意見調查 3] 港島南區鐵路是一件好事嗎？

香港仲有好多人口密集的地方都冇鐵路,
睇睇在人口密度不足及由原本已由巴士主導的地方起鐵路的後果: 西鐵、馬鐵
何況呢兩度仲有唔少地未發展, 未來客量有好大潛力

但礙於環保問題, 赤柱石澳區根本已經冇可以再發展的土地, 客量增長空間好有限
所以起鐵路財政上真係唔多可行

海洋公園站本身要承受海洋公園龐大的乘客量,
若果再要遊客由海洋公園站轉車入赤柱,
海洋公園站恐怕承受不了, 同時令遊客及居民感到麻煩,

多客極點都唔會好似市區大站咁多吧
唔夠位可以掘深少少, 將車站設施向地底發展

原帖由 norrislaw 於 2006-12-24 12:43 發表
大家認為港島南區鐵路通車之後是對南區居民是一件好事嗎？

而大家又認為好事之中又會有什麼影響？

此乃學術研究調查，希望大家可以發表意見


多謝！

一定贊成,不過希望由政府協助城巴投資呢個鐵路項目,並
由城巴管理該鐵路,避免現時政府操控香港公共交通之局.
長遠計,政府應邀請專利巴士公司注資現時香港之鐵路,
使鐵路運作私有化,而並非現在的公私不分.

開講有話:人定勝天,
以前不可能的事都會有可能!

大家都知道康怡以前係個山黎,
咪一樣可以開山劈石,起地鐵上蓋物業!
太古站的大堂更是亞洲最大的人工地下洞呢!
只係投入的錢,時間,人才多寡來決定方案的可能性罷了!

其實可以在海洋公園站建設泊車轉乘的停車場,
給南區郊區的居民駕車前來停放,轉坐地鐵,
並享有泊車優惠,
另外為了照顧沒有車的居民,可以跟巴士公司合作,
坐地鐵出閘後轉乘巴士有優惠車費.

與此同時,地鐵又可以自行發展
車站上蓋住宅,商場,或者酒店(享有海景),
或是同海洋公園合作發展成為公園的一部分,
促進旅遊業的發展.

原帖由 FBI2 於 2006-12-27 23:21 發表


一定贊成,不過希望由政府協助城巴投資呢個鐵路項目,並
由城巴管理該鐵路,避免現時政府操控香港公共交通之局.
長遠計,政府應邀請專利巴士公司注資現時香港之鐵路,
使鐵路運作私有化,而並非現在的公私不分.

如果由城巴管理港南島線
乘客轉乘現有地鐵線應該點分賬?