有冇人可以比意見我,about 小額錢債追錢的

我呀妹係2005年一共借左我$8400,後來只係06年1月還過$200.
期間我係不斷有問佢追的,但係佢死都吾肯還.

當時,因為之前佢都問我借過錢,都會準時還,而且因為係兄妹的關係,所以果時冇要佢寫借據,(而家好後悔)
我想問如果我去小額錢債度告佢,勝訴既機會大吾大.

我知佢一定會話我冇借過比佢, 但係我有銀行紀錄(因為我用atm 轉數比佢的)(但係個數加埋只有$6000度,因為有d我係比cash佢的)
如果我用因為過往既經驗(之前佢都問我借過錢,都會準時還),
再加兄妹的關係(有信任既關係做基礎)為理由,所以果時冇要佢寫借據,
法庭會吾會信

最後,如果我可以係追錢時(或由我呀媽要佢還錢比我時)講出佢欠我$8200, 而佢話出左人工會比我,
而我又可以錄底個過程(影像+聲音),法庭會吾會接受這個證據
(因為我覺得如果佢講"出左人工會比我",佢就已經間接地承認左佢欠我$8200)

建議你找免費法律諮詢計劃，這方法能得到最準確答案。

http://www.dutylawyer.org.hk/ch/free/free.asp

樓主諗住為左$8200追到呀妹申請破產?

其實, 點講大家都係一家人, 如果你呀妹真係有心唔還,
你做得人呀哥, 都係無謂追吧啦, 比你追得番, 但令兄妹
關係決裂, 咁就唔值啦. 你呀爸呀媽都唔會希望見到係咁.

不過以後就唔好再借錢比佢.

我而家已經吾當佢係我呀妹(佢都從來冇當我地係佢屋企人)

我仲讀緊書,果d錢我儲得好辛苦的.
而佢而家做緊野,人工都有成一萬,更過份既係,
佢仲問屋企拿零用錢同埋中午食飯錢.

而且果d錢係佢果次係出面闖左鍋,人地話要報上警察局時,
佢求我借比佢平件事的

有時d 野就係咁，當時你唔幫佢，佢會懷恨在心認為你睇住佢死．
你幫佢時，佢認為係必然，所以未必感激你，到你追佢還債時，佢r
又可能認為你想迫死佢．於是乎，每次見面都面阻阻，關係好極有
限．．．

我覺得，錢第二時可以搵返，最緊要你對佢問心無愧．當你追到佢r
申請破產，自己只會唔安樂，又或者佢走去借財務還債，攪攪下有
收數公司臨門，仲煩．

p.s. 呢類麻煩家庭成員，以前我屋企都有一個...

原帖由 cruisesnet 於 2007-1-9 18:37 發表
我而家已經吾當佢係我呀妹(佢都從來冇當我地係佢屋企人)

我仲讀緊書,果d錢我儲得好辛苦的.
而佢而家做緊野,人工都有成一萬,更過份既係,
佢仲問屋企拿零用錢同埋中午食飯錢.

而且果d錢係佢果次係出面闖左 ...

所謂家家有本難諗的經,如果搞到要上法庭解決,
公告天下,老實講最終夠害既係自己

其實錢失去o左可以再搵番,親情係一世,用其他
方式(例如分期或以要佢做其他工)去還錢,點都
好過迫佢還

原帖由 orange 於 2007-1-9 23:02 發表

所謂家家有本難諗的經,如果搞到要上法庭解決,
公告天下,老實講最終夠害既係自己

其實錢失去o左可以再搵番,親情係一世,用其他
方式(例如分期或以要佢做其他工)去還錢,點都
好過迫佢還

佢而家份工一個月一萬

原帖由 Dolphin 於 2007.1.9 22:09 發表
有時d 野就係咁，當時你唔幫佢，佢會懷恨在心認為你睇住佢死．
你幫佢時，佢認為係必然，所以未必感激你，到你追佢還債時，佢r
又可能認為你想迫死佢．於是乎，每次見面都面阻阻，關係好極有
限．．．

我同意, 回想起我自己都有禁的經歷, 係我同我朋友之間的事,
本來我唔想提, 但係宜家我都講返: 我有一個朋友又係禁樣, 當
佢有事的時候(通常係錢的問題), 佢就以為我地一定要幫佢, 遲
少少都唔得, 佢前年因為一d問題要無方住, 結果要係我另一個
朋友(簡稱b君)屋企住, 起初佢答應b君話每個月比返一半租佢, 但
結果係到現在一分錢都無比過, 因為某些問題(至於什麼問題, 基於
版規所限, 不便提及)就同人講話b君背信棄義, 一個不可信的人.
我心想: 你無地方住, b君比你方住, 還想怎様. 我自己上過b君家
中多次, 地方唔大, 兩個人住真係會有點逼. b君比你住真係人情.

到了時間, 我地想叫佢還錢, 佢總會話: '有呢件事嗎?' 或 ' 我何年
何月何日何時何地借過你錢?' 當同佢講後, 佢會說: '好似有bor,
不過宜家唔係還錢的時間, 因為我要買其他野(呢d野唔係必需品).'
如果你打電話比佢, 電話一定打唔通. 所以到左宜家, 我地都收唔
返我地應收的~