雙層．K53

原帖由 ASV66 於 2007-2-9 21:15 發表

都唔可以算係乜野疑慮, 掃管笏有大量貨櫃場, 好多櫃都有成架巴士咁高, 所以櫃車過得既, 雙層巴都可以過到.

小弟係K53長期用家, 每日都要搭佢返屋企, 眼見K53越來越多客, 好多班車過左市中心都要企; 雖然好多時同K51拖卡, 但係K51已經爆到唔爆, 連K53都要企既話, 即係K53加大車係時候!

請問閣下大約幾點搭 K53?
朝早我番學搭 K 線去屯門站, 望到 K51 同 K53 有時都會出現你所講O既情況,
不過好明顯係 K51 班次唔準所致, 通常之後就會見到一班 (甚至兩班) 半滿
甚至係頗吉o既 K51。下晝我搭 K 線番屋企, K51 絕大部分情況下都有唔少空位
剩, K53 有人企都係屯門站多O左人上。

原帖由 fw1321 於 2007-2-9 23:18 發表


請問閣下大約幾點搭 K53?
朝早我番學搭 K 線去屯門站, 望到 K51 同 K53 有時都會出現你所講O既情況,
不過好明顯係 K51 班次唔準所致, 通常之後就會見到一班 (甚至兩班) 半滿
甚至係頗吉o既 K51。下晝我 ...

小弟通常係朝早0830-0845, 同埋下晝1735-1815左右幫襯.

原帖由 ASV66 於 2007-2-10 00:11 發表


小弟通常係朝早0830-0845, 同埋下晝1735-1815左右幫襯.

朝早八點半仲好多人搭 K51 同 K53?
朝早 K51 同 K53 最多人搭應該係七點至八點鐘, 一來有一大班
學生客支持, 二來有一班O係小欖番工O既客; K53 就有鄭任安
小學同少數行山客支持。

下晝五點幾 K51 班次充足, 起碼唔會出現朝早果種甩班情況,
好多時我O係兆康站或且屯門站坐番置樂都有好多位剩, 即使
望過對面都唔會見到頂閘情況出現。反而 506 O係果個時間
班次就可能會唔穩定喇。

其實鐵巴很多路線之班次〔例如：506, K51, K73等〕都不太穩定，
主要是因橫過輕鐵燈位需時，
導致拖卡及後車斷纜～

原帖由 DBTSL 於 2007-2-10 22:54 發表
其實鐵巴很多路線之班次〔例如：506, K51, K73等〕都不太穩定，
主要是因橫過輕鐵燈位需時，
導致拖卡及後車斷纜～

等燈會係一個因素, 好似鄉事會路果兩組長命燈 (不過呢兩組都唔關
輕鐵事O既) 都幾惡等下, 另外司機本身都有機會造成班次唔準。

按正常做法, 司機應該要番工前對表, 以免總站開出o既班次有誤差,
不過以個人感受同其他人o既經驗, 有 d 司機似乎冇調校個手表,
於是開車時以個人手表作準則就做成一定o既誤差。好似 K52 及
K53 呢類有晒詳細時間表O既路線, 班次準唔準可以好容易知道。
唔駛講得遠, 早兩星期試過搭 22:16 O係屯門站開果班 K52, 果日
大約 22:10 O係度等車, 果時班車已經停O係度。去到開車時間,
望O黎望去都唔見司機, 望清楚 d 原來佢坐O係車尾休息。跟住過
多三分鐘佢先至望住隻表, 但係佢好似完全唔覺自己遲O左開車,
然後慢慢行去車頭準備上客。部車開果陣差唔多係 22:21。
K53 O係兆康站果個時期又係成日 -3 至 +3 分鐘開車, 宜家就好似
好少少。

另外司機表現都係一個因素。呢排唔知乜事, 發覺好多司機楂車都
慢o左, 而且係慢得好奇怪果款。舉個例子, 近一個月好幾次搭 K 線
番置樂, 臨去到青山公路近置樂街市果組燈, 有 d 司機一過o左 NR73
轉入內街果個位, 就刻意收慢車速等紅燈, 跟住去到燈位盞燈未轉紅,
佢地仲要猶疑多一兩秒先至加番速... 以前真係冇乜幾可遇到呢個情況。

如果係卡佬「自行打大」或「造馬」，實在會令班次失準。