究竟呢個女網友對我有咩意思?

話說上星期四，我工作中同時候開著ICQ和MSN，係做野途中icq收到一個女仔傳送來的a/c，佢主動向我say hi，那我同佢三唔識七，問佢我地點識架，佢話icq掛。 自此我主動給msn佢，咁佢就續同我傾下閒計。佢好像當我係熟人，咩都同我講下，例如佢剛辭左份工，現在揾到一份係元朗返工既，人工每月有XXXX。而佢又表示自已樣衰，冇男仔鐘意佢，故現在仍是單戀。

在我和她認識當晚，佢係屋企主動利用web cam和我netmeeting，那我都好大方咁show自己的cam，見佢其實都唔係樣衰，樣貌都好ok。佢好成日係msn問我宜家做咩呀，點解咁夜都唔訓呀咁?

直到星期六晚，佢好突然咁問我我整左d朱古力，你要唔要呀?我答得口快話要，但我同佢只係網友關係，又唔係男女朋友。點解佢無端端整朱古力給我呢?

係前晚，我主動交換左手機給佢，由於佢表示佢和我同台關係，sms是免費的。但我估唔到昨日係任何時候，包括中午，放工，夜晚，甚至我msn冇online時候，佢都會發個sms給我，問我做緊咩?現在她行街中，又話買左好多衫。感覺上佢好似定時向我報告咁。

昨晚，佢表示佢想去天馬鑑玩，但冇人陪。我就試用呢句話:「不如我陪妳去玩啦。」佢話好呀，但係我要到日後出左糧先還番錢比你wor，因為我剛辭左工，呢兩個月糧使哂，你唔怕我呃你咩? 我話點解你咁講，佢表示以前曾經被男網友呃過，個男網友同我一樣叫Simon。當時佢自己見個男網友好慘，於是借左二千幾給佢。但佢見男網友收到錢後，就不知所終。搞到佢被人呃，好唔開心。佢傾傾下好唔開心。那我作出安慰，表示識朋友不論係同學或者網友都要發自內心，唔好有玩玩下的心態，要給人有一個信任。我以前有個女性朋友失左戀，都係得我呢個朋友去安慰佢。最後佢都多謝我，我的說話令佢開心番，佢話唔知點解佢和我講野會咁開心。

而家約我左我係情人節當日出來見面，又送朱古力給我，請問各位佢對我係咩意思?我信佢定唔信佢好，我會唔會被佢呃呢?

PS:佢住元朗，我住將軍澳

[ 本帖最後由 simon12 於 2007-2-13 12:23 編輯 ]

小心啲好
首先，我記得有人試過係ICQ識左人之後
第一次出街就比對方既同黨打劫

第二，你地只係“識左”六日，甘快約就出街，好似好怪甘

不過當然有可能對方係無嘢同無機心啦，不過都係果句，小心小心小心

原帖由 MEMPHIX 於 2007-2-13 13:10 發表
小心啲好
首先，我記得有人試過係ICQ識左人之後
第一次出街就比對方既同黨打劫

第二，你地只係“識左”六日，甘快約就出街，好似好怪甘

不過當然有可能對方係無嘢同無機心啦，不過都係果句 ...

多謝你的意見，而家我都唔知點面對佢。頭先食飯中佢又一個sms來話佢剛剛起床

好壞既心腸佢未必有, 但都好有機會係想痴飲痴食痴玩.

各位小心，呢個女網友講野一時時，初時話自已樣衰冇男仔鐘意，一時又話有男仔當佢係女友，但佢自已冇鐘意個男仔，一時又話佢有好多男仔鐘意。佢表示自已的msn上有多名網友，部分仲係男仔，仲約過出街見面tin。

而且，佢相約我情人節當日係同時候約埋佢的男網友出來，咁都得????同埋，好的女仔係唔係主動開cam同人傾計架

[ 本帖最後由 simon12 於 2007-2-14 00:42 編輯 ]

有時真係要頭腦清醒d去諗下o既，正如上面板友講，未必會去到打劫咁嚴重，不過多數唔係好o野。

原帖由 HK104 於 2007-2-14 14:05 發表
有時真係要頭腦清醒d去諗下o既，正如上面板友講，未必會去到打劫咁嚴重，不過多數唔係好o野。

唔洗打你劫o既,呃錢呃飲呃食,是但一樣都夠做啦.

我都唔係好明...

因為熟又唔熟，
我都試過有男網友想約我出來，
但係我覺得連熟都未熟，
咁根本要約出來見就已經夠odd，
更何況係要撈埋三唔識七的人一齊。

仲有，樓主你的行文都唔該望望呀...
你叫我地小心，
但係呢件事同我地又真係無咩關係喎...

如果太嚴重的，就無理由唔跟kmb~mcw1板友的處分喇....

小心為上，我曾有險些受騙的經驗。

原帖由 fatku 於 2007-2-14 23:54 發表
小心為上，我曾有險些受騙的經驗。

情況係點，可否講講?