政府放風: 沙中線斬件上, 巴士可延後死

原帖由 ahbong 於 2007-2-26 13:27 發表


地鐵過海段未達 Full Capacity
主要因為未能再在現有鐵路網絡爭取更多乘客
例如新界西、東九龍、馬鞍山等地
大部份乘客仍以巴士為過海首選

沙紅線可拓展何文田、馬頭圍一帶的鐵路市場
我個人認為未有 ...

沙紅線就梗係盡快上馬好啦....
仲有條油麻地延線....
話晒紅磡土瓜灣無左鐵路總係好唔方便....   

我係覺得暫時無需要延伸沙紅線入港島者.....

我反而覺得沙紅線作用不大.
鑽石山等入沙田又可以坐89/89b,
我住土瓜灣, 入沙田都慣左等85 或去紅磡轉火車 (當85 趕唔切時).
紅磡居民入沙田, 例牌去坐東鐵.
我可以想到沙紅線唯一既客量只係紅磡去鑽石山
或家維村既人去沙田.......

土瓜灣同紅磡都係過海線尾站,
近紅隧口仲可以去紅隧口上車, 近紅碼就可以坐船tim.
但土瓜灣可以點呢? 車又上唔到, 船又只到北角wor.
點計都係過海先至有用.

好啦, 地鐵未full 想屈人去坐地鐵,
咁唔該你比條鐵路我去尖沙咀站, 避開紅隧同加士居道條龍.
去尖沙咀又去唔到, 過海又過唔到,
又要同東鐵重疊左紅磡同沙田,
土瓜灣個站又唔係咁就腳,
我既意見係, 咁呢條鐵路真係同唔起冇乜分別.
(它只吸引到我由紅磡去鐵石山, 偉恆昌去鑽石山/沙田.
如果我在上路去鑽石山, 5/11/111/116 唔比鐵路輸蝕.)

ps 鐵路起唔成, 巴士又晨早cut 晒車..........而家都唔知算點

有錯請指正.

[ 本帖最後由 av220 於 2007-2-26 15:55 編輯 ]

原帖由 av220 於 2007-2-26 15:43 發表


我反而覺得沙紅線作用不大.
鑽石山等入沙田又可以坐89/89b,
我住土瓜灣, 入沙田都慣左等85 或去紅磡轉火車 (當85 趕唔切時).
紅磡居民入沙田, 例牌去坐東鐵.
我可以想到沙紅線唯一既客量只係紅磡去鑽石山
或家維村既人去沙田.......

土瓜灣同紅磡都係過海線尾站,
近紅隧口仲可以去紅隧口上車, 近紅碼就可以坐船tim.
但土瓜灣可以點呢? 車又上唔到, 船又只到北角wor.
點計都係過海先至有用.

好啦, 地鐵未full 想屈人去坐地鐵,
咁唔該你比條鐵路我去尖沙咀站, 避開紅隧同加士居道條龍.
去尖沙咀又去唔到, 過海又過唔到,
又要同東鐵重疊左紅磡同沙田,
我既意見係, 咁呢條鐵路真係同唔起冇乜分別.

沙紅線可以拎黎駁其他地方者....
不過其實紅磡土瓜灣個巴士網絡係做得幾好既.....

你當106, 115 透明???
106 對黃大仙, 九龍城d 人吸引力稍低
我估土瓜灣d 客應該都上到車卦....
115 土瓜灣開 唔使講添啦.....

遲d 咪有條鐵路去油麻地囉....
只不過你可能要搭沙紅線再轉地鐵之嘛....


** 巴士開始cut 車啦咩???

原帖由 av220 於 2007-2-26 15:43 發表
我反而覺得沙紅線作用不大.
鑽石山等入沙田又可以坐89/89b,
我住土瓜灣, 入沙田都慣左等85 或去紅磡轉火車 (當85 趕唔切時).
紅磡居民入沙田, 例牌去坐東鐵.
我可以想到沙紅線唯一既客量只係紅磡去鑽石山
...

就算二鐵合併, 用沙紅線轉地鐵出觀塘論時間以致車費都輸哂俾巴士,
出土瓜灣都叫好D有粉嶺上水客, 但往沙田車費又輸哂俾85系(如果85x全日就仲輸得多)
鑽石山更加唔駛講時間以致車費都輸哂俾巴士...連往落馬州用直巴仲快

所以沙中線由一開始的規劃定不直接穿大老山駁大學,而要經顯徑"屈"返大圍
九巴真係"還得神落"

[ 本帖最後由 89B 於 2007-2-26 19:09 編輯 ]

從樓主的標題上，巴士可以延遲「摺埋」。但放出此風聲後，一定有不少沙田/土瓜灣區的市民反對，並要求政府盡快興建。分分鐘鐵路落成後，沿途大部份客量會流給鐵路。如果用沙中線方案的話，班次較東鐵穩定。是否斬件，巴士線難免受影響。

以下是影響等級1為最低,3為最高)
1--2E,11,14,15,307,682
2--5,5A,6C,6F,75X,85,85C,680,681
3--85A,85B,101,111,115,170,182

講真....對於我這個土瓜灣人黎講....
嘈咁耐的沙中線/沙紅線真係唔起好過起...咁嘈法真係十年八年都唔掂..
土瓜灣的巴士服務其實真係係九龍黎講算最好(冇鐵路地方計)
幾乎全部地方都兩程車搞掂
過海留番船去做仲好...唔好填左個九碼..
(我認我有d自私)

原帖由 北角---九龍城 於 2007-2-26 21:06 發表
幾乎全部地方都兩程車搞掂

在香港
有哪些地方唔係「幾乎全部地方都兩程車搞掂」？
就算你住貝澳
搭兩程車都去到香港大部份住宅及商業區啦
咁樣搞得掂就叫好
乜鐵路都唔好起就O岩喇

[ 本帖最後由 ahbong 於 2007-2-26 21:24 編輯 ]

原帖由 teddybus 於 2007-2-26 15:56 發表
沙紅線可以拎黎駁其他地方者....  
不過其實紅磡土瓜灣個巴士網絡係做得幾好既.....  

你當106, 115 透明???
106 對黃大仙, 九龍城d 人吸引力稍低
我估土瓜灣d 客應該都上到車卦....
115 土瓜灣開 唔使講添啦.....

遲d 咪有條鐵路去油麻地囉....
只不過你可能要搭沙紅線再轉地鐵之嘛....


** 巴士開始cut 車啦咩???

首先多謝你既指正, 頭先打文打到火起唔知自己講乜

全文主要係想指, 土瓜灣紅磡接駁去新界/鑽石山既需求唔太急切.
土瓜灣去北區, 駁一程巴士去紅磡車站就可以.
而九龍城去, 又可以去九龍塘轉火車, 甚至彩虹轉巴士.
紅磡去, 更加係資源重疊.
既然土/九/紅接駁去北區/馬鞍山都咁方便,
所以我在上文忽略之, 反而著眼在沙紅線沿途, 勿怪.

相比起去北區, 土瓜灣過海問題更急切.
土瓜灣/紅磡要日日迫車塞車出港島,
我想呢個問題反而係日日困擾住唔少人, 起碼我係.
上唔到車都算, 最慘唔知塞幾耐, 呢下先係大問題.
譬如101 既車程, 山道作起/終點計, 33min-80min 我都試過,
敢問, 我應該點預時間? 每人每日預粒半鐘車程, 條數都幾kum 計.
至於115, 我諗上得車既一係住偉恆昌, 一係住紅磡.
其實115 兜完黃埔又兜紅磡灣, 我諗係土瓜灣人當佢半透明既原因之一.
同樣20min 唔塞車, 111 已經到金鐘, 115 可能先岩岩入隧道.
106 更加唔好提.

如果要到油麻地先轉到地鐵過海,
咁我諗同唔起鐵路冇分別, 因為佢根本方便唔到居民.
我並不是話"地鐵未爆, 冇需要起" 係錯,
只係佢地既思維係從商業利益出發, 並不會理會你地方唔方便.
你可以話我自私.
(假日唔塞車, 30min 到上環, 5min 到佐敦.....鐵路絕對可以拍烏蠅.
所以就算係站在商業利益, 只吸引到人塞車時間坐佢,
我唔明點解仲要起油麻地支線.
某程度上我覺得這是"敷衍" 緊土瓜灣/紅磡人.)

最後, 巴士名義上係未cut 車,
但試想, 馬鐵通車cut 85/85m/286m, 誰人可以說定,
這一定和沙中線完全無關?
85m/286m 根本係特快, 火車+地鐵拍馬都唔會快過佢地.
85 仲要完全唔關事tim.........又唔見佢大cut 89d?
或許這理由有些牽強, 但如果說
沙中線對巴士服務削減有間接關係, 我想並不全錯的.

唉, 冇心起ge, 唔好起都冇咁慶,
晒錢晒時間, 反正新鐵路不能吸引人改變現有乘車模式,
而我都習慣左對"土瓜灣有鐵路" 不抱什麼願景.

ps 鐵路嘈極都起唔成, 咁唔該加密返d 巴士線 :p
ps2 我再貪心d, 如果九碼有船去到天星碼頭就真係very good.

[ 本帖最後由 av220 於 2007-2-27 01:48 編輯 ]

原帖由 china 於 2007-2-25 19:38 發表
呢度有d人真係本末倒置......多一種有時間預算的公交出
港島是好事，是否要怕巴士少左客就唔起沙中線﹖

我真係好懷疑佢地是否巴士公司股東或員工......
如果唔係，更加出奇.......

過海隧道巴士令渡海小輪客量大幅減少,
政府應該取消隧巴路線....


:lol :lol :lol :lol :lol