政府放風: 沙中線斬件上, 巴士可延後死

原帖由 av220 於 2007-2-26 21:53 發表

首先多謝你既指正, 頭先打文打到火起唔知自己講乜

全文主要係想指, 土瓜灣紅磡接駁去新界/鑽石山既需求唔太急切.
土瓜灣去北區, 駁一程巴士去紅磡車站就可以.
而九龍城去, 又可以去九龍塘轉火車, 甚至彩虹轉巴士.
紅磡去, 更加係資源重疊.
既然土/九/紅接駁去北區/馬鞍山都咁方便,
所以我在上文忽略之, 反而著眼在沙紅線沿途, 勿怪.

相比起去北區, 土瓜灣過海問題更急切.
土瓜灣/紅磡要日日迫車塞車出港島,
我想呢個問題反而係日日困擾住唔少人, 起碼我係.
上唔到車都算, 最慘唔知塞幾耐, 呢下先係大問題.
譬如101 既車程, 山道作起/終點計, 33min-80min 我都試過,
敢問, 我應該點預時間? 每人每日預粒半鐘車程, 條數都幾kum 計.
至於115, 我諗上得車既一係住偉恆昌, 一係住紅磡.
其實115 兜完黃埔又兜紅磡灣, 我諗係土瓜灣人當佢半透明既原因之一.
同樣20min 唔塞車, 111 已經到金鐘, 115 可能先岩岩入隧道.
106 更加唔好提.

如果要到油麻地先轉到地鐵過海,
咁我諗同唔起鐵路冇分別, 因為佢根本方便唔到居民.
我並不是話"地鐵未爆, 冇需要起" 係錯,
只係佢地既思維係從商業利益出發, 並不會理會你地方唔方便.
你可以話我自私.
(假日唔塞車, 30min 到上環, 5min 到佐敦.....鐵路絕對可以拍烏蠅.
所以就算係站在商業利益, 只吸引到人塞車時間坐佢,
我唔明點解仲要起油麻地支線.
某程度上我覺得這是"敷衍" 緊土瓜灣/紅磡人.)

最後, 巴士名義上係未cut 車,
但試想, 馬鐵通車cut 85/85m/286m, 誰人可以說定,
這一定和沙中線完全無關?
85m/286m 根本係特快, 火車+地鐵拍馬都唔會快過佢地.
85 仲要完全唔關事tim.........又唔見佢大cut 89d?
或許這理由有些牽強, 但如果說
沙中線對巴士服務削減有間接關係, 我想並不全錯的.

唉, 冇心起ge, 唔好起都冇咁慶,
晒錢晒時間, 反正新鐵路不能吸引人改變現有乘車模式,
而我都習慣左對"土瓜灣有鐵路" 不抱什麼願景.

ps 鐵路嘈極都起唔成, 咁唔該加密返d 巴士線 :p
ps2 我再貪心d, 如果九碼可以去到天星碼頭就真係very good.

我concern 既唔係條線駁返入北區
而係轉車去其他地鐵沿線.
雖然 其實成個九龍城區個巴士network 真係做得好好
去好多地方都係一程過, 頂龍轉一程車就到....

咁起碼都有好幾條巴士丫
開條過海鐵路 cut d 隧巴咪又有人會嘈.....

我又唔知算唔算敷衍既
只不過
樓下一聽到有鐵路出油麻地
就貼晒notice 寫住係"努力既成果"
我諗以紅磡黎講
條油麻地支線會有用過過海鐵路
反正紅磡有船又有巴士....


其實我都習慣左搭巴士...
有鐵路經樓下都未必完全轉太....



* 九碼可以去到天星碼頭??? 鐵路定巴士呀????

原帖由 ahbong 於 2007-2-26 21:19 發表


在香港
有哪些地方唔係「幾乎全部地方都兩程車搞掂」？
就算你住貝澳
搭兩程車都去到香港大部份住宅及商業區啦
咁樣搞得掂就叫好
乜鐵路都唔好起就O岩喇

你下面果位已經答哂我回的野....

原帖由 teddybus 於 2007-2-27 01:31 發表



我concern 既唔係條線駁返入北區
而係轉車去其他地鐵沿線.
雖然 其實成個九龍城區個巴士network 真係做得好好
去好多地方都係一程過, 頂龍轉一程車就到....

咁起碼都有好幾條巴士丫
開條過海鐵路 ...

條油麻地延長線都仲要轉車,出旺角都唔方便啦....
搭28m van仔仲快,4個字到先達...

我諗佢話係開船去中環天星

原帖由 北角---九龍城 於 2007-2-28 00:00 發表

條油麻地延長線都仲要轉車,出旺角都唔方便啦....
搭28m van仔仲快,4個字到先達...

我諗佢話係開船去中環天星

你估中了, 小輪去天星, 不過發下夢算了

講接駁, 來來去去得過海, 駁北區, 同駁荃灣.
黃埔駁去荃灣/青衣, 坐小巴去佐敦轉仲方便.
土瓜灣去荃青, 要轉mtr, 小巴/巴士會快過坐油麻地支線.
去荃灣既話仲有紅小tim, 塞埋車都快過你轉地鐵.
要快定要平, 任君選擇.

趕時間既話, 鐵路一定唔係首選 (鐵路只幫你避開車龍).
所以佢比我既感覺係, 可能會係第二條西鐵----拍烏蠅.
我做個比喻, 荃灣往返屯門, 除非屯公塞"hum", 否則唔會用西鐵.
正如土瓜灣去旺角站/油麻地轉車站,
除非早上繁時/周六塞車, 否則唔會用鐵路.

而家既九/土/紅就相等於西鐵通前前既屯門,
網絡係幾完善, 完全冇需要鐵路.
之不過漆咸道北同屯門公路, 都好易塞車, 先會有鐵路.
用我以上既邏輯, 一樣可以總結出屯門冇需要起鐵路.
(結果而家起? X多H幫襯.....過海巴士又同鐵路撐到"恆",
開完960a/x962 仲全日埋962b..........不少人都話坐巴士好快.
我預見日後九/土/紅就冇咁好彩啦, 唔cut 車cut 線都偷笑, 仲話開特車.)

用貝澳比較又無乜意思.
我覺得選擇多, 加埋駁腳個程車快, 先算係方便.
赤柱駁去中環起碼半粒鐘, 巴士選擇多但駁腳慢;
西貢駁出市區起碼半粒鐘, 駁去碼頭都要半粒, 小巴選擇少但駁腳算快.
道路選擇方面, 出出入入只係靠個一兩條路,
山泥傾瀉/封路/塞車就會完全癱瘓, 所以冇人會覺得呢d 地方方便.
計埋鐵路同小巴, 基本上九/土/紅可以去齊十八區.
講白d, 我鍾意搖75x 去大埔又得, 坐小巴轉火車又得.
去彩虹/九龍灣轉74x 又得, 咁仲叫唔方便?
如果要區區有車去到樓下先叫方便, 咁香港冇個地方係方便.

[ 本帖最後由 av220 於 2007-2-28 03:01 編輯 ]

原帖由 北角---九龍城 於 2007-2-28 00:00 發表

條油麻地延長線都仲要轉車,出旺角都唔方便啦....
搭28m van仔仲快,4個字到先達...

我諗佢話係開船去中環天星

如果地鐵延長觀塘線，巴士客量最受影響係
黃埔及家維村一帶，地鐵可一程直達旺角。

一個本來沒有鐵路的地區，即將有鐵路落成，面對交通模式、巴士服務可能會改變，在該區的居民難免會有不安的情緒。

問題係不能以心理上的不安，作為反對興建鐵路的理由；又或者以不盡不實的推測，說什麼「沙紅線會拍烏縄，唔起好過起」。需知道沙紅線不單可方便土瓜灣的乘客（儘管這裡的人說甚麼巴士網絡己無比方便，甚至連紅磡有船過海都成理由），還可駁通東西馬鐵到地鐵網絡，而這點我不再重覆了。

再者，我真不太相信這個板的人，會擔心「沙紅線拍烏縄」。你們擔心的事，其實十分容易估到，不必以「關心沙紅線客量」去轉移視線的。

[ 本帖最後由 ahbong 於 2007-2-28 12:40 編輯 ]

原帖由 3bx 於 2007-2-28 11:02 發表


如果地鐵延長觀塘線，巴士客量最受影響係
黃埔及家維村一帶，地鐵可一程直達旺角。

奇想：如果沙紅線不過海而觀塘線延線過海（去埋炮台山 & 天后站），

咁沙紅線會多D人搭嗎？巴士方面又會有咩變化？

原帖由 ahbong 於 2007-2-28 12:38 發表
問題係不能以心理上的不安，作為反對興建鐵路的理由

係反對鐵路斬件上馬,
最後只換來幾條零碎既支線 (which 我覺得方便唔到人)
去作為沙中線縮短既補救措施.

由始至終我都支持沙中線 (不再重複),
我既問題係, "斬件上" 即係遲早會有, 咁點解而家唔起埋?
根本佢地就係比條後路自己打退堂鼓.........
我最擔心既係, 今日補救措施越多, 他日過海段就越多變數.
如果而家落實左沙中線, 佢仲有反口覆舌既機會嗎?
譬如話土瓜灣多左樓多左人住, 有興建直接鐵路過海既需求,
但因為地鐵過海30 年, 50年唔飽和, 過海段都應該hold 住先?
"心理上既不安", 係見住一條好方便既鐵路變成不倫不類既幾條支線........
係由眼見就快有過海鐵路, 變成而家遙遙無期.
(如果未聽過"沙-中-線" 既話, 我都會覺得要求佢直接過海係好過份.)

再者, 鐵路做得唔好, 往往要cut 巴士去谷客量, 咁係好事?
鐵路如果做到真係好既, 巴士公司會自己cut 車, 而我都唔會怕巴士線被cut.

我既意見係, 要起就過海, 唔過海就冇用, 不如唔好起.
如果沙紅線係好多人坐, 咁個時土瓜灣應該冇乜巴士.
如果你依然覺得我響呢度貼文, 就一定唔支持全部鐵路同cut 巴士, 請便.
如果你覺得幾唔就腳, 係咪蝕錢都好,
都要隨隨便便起條鐵路接駁住先, 咁都請便.

[ 本帖最後由 av220 於 2007-3-1 00:27 編輯 ]

原帖由 3bx 於 2007-2-28 11:02 發表


如果地鐵延長觀塘線，巴士客量最受影響係
黃埔及家維村一帶，地鐵可一程直達旺角。

咁6c,6f實減班,  土瓜灣人就更加依賴美紅線小巴/27m/28m去旺角/西九龍

原帖由 ahbong 於 2007-2-28 12:38 發表
一個本來沒有鐵路的地區，即將有鐵路落成，面對交通模式、巴士服務可能會改變，在該區的居民難免會有不安的情緒。

問題係不能以心理上的不安，作為反對興建鐵路的理由；又或者以不盡不實的推測，說什麼「沙紅 ...

唔好忘記土瓜灣區的人口已經出現負增長(就算有新樓盤都頂多係平衡),同埋人口老化好嚴重下
西鐵就話大西北有大量通勤人口兼仲增長緊,順便接駁地鐵過海
沙紅線??起黎做乜,方便沙田d人黎土瓜灣??用番東鐵算吧啦....

[ 本帖最後由 北角---九龍城 於 2007-3-1 00:19 編輯 ]