廣深鐵路CRH動車組4月18日加價

嫌鐵路貴咪坐直巴囉, 道理就係咁簡單. 個個都唔坐o個D所謂"中國自主知識產權
高速列車"時, 鐵路就要減價o架啦.

原帖由 053h4 於 2007-4-17 22:29 發表

無人坐自然要減價或轉營
這是競爭不亂限制巴士發展的好處

但事實係有巴士又有火車, 火車都仲係年年可以加價, 證明當市場需求大時(好似中國呢D
發展迅速既市場), 競爭唔會代表有平車費. 反而以前鐵路局要承擔"社會責任"時, 即使蝕
本都唔可以加價.

原帖由 053h4 於 2007-4-17 22:41 發表

巴士唔較快, 咪減價鬥平
這就做就了有平價的巴士及較快的鐵路

巴士無咁安全, 即係有錢人(如香港人)可以安安全全坐鐵路, 無錢人就要冒險坐巴士擔心上錯賊車...

原帖由 053h4 於 2007-4-17 21:38 發表


直巴可來意外多?
去廣州有人傷亡的大型意外幾年先一次
而事實上, 香港去廣州的直巴全日差唔多成50~60班
客流量極大, 基本上有心做的公司都有得做

去廣州去深圳的各地的大巴更加差唔多1~2分鐘一班
重要收成人民幣5 ...

意外o既唔係直巴咁簡單 ... 仲有廣深高速其他車
同埋廣深時不時就塞車, 根本上d人趕時間唔會搭巴士, 一定係挨貴火車
我前兩日起網上查
深圳去廣州o既巴士, 收成 70 - 90 蚊
唔知係你果d料未 update 定係我d料錯囉

閣下覺得好合理 ?
唔好意思我唔覺得囉
你都話要等成粒鐘
以前未搞提速d工作, 買飛到上車, 多人o既時間講緊係要等半個鐘至個半鐘不等
有時衰d, 等車仲耐過坐車, 收咁o既貴, 合唔合理 ?
唔講呢樣, 佢果d所謂軟座 ? 真係軟咩 ?
好似藍箭果d咁, 同坐膠板毫無分別, 但係又要收我 70 蚊
提速之前已經唔快, 車又震, 就離散咁, 坐感極差
快 ? 一個鐘頭十五分好快咩 ? 廣深有能力再快d但係佢唔做

恕我無知, 我真係唔明點解「以城際穿梭為主」o既鐵路線可以貴d
貴做邊度 ? 快又唔係真係好快, 但係依家加到 80 幾蚊 90 蚊, 我第一個行出離呢個價唔合理


雖然我冇睇過廣深o既業績 ( 如果有版友可以 show 到出離就先謝 )
但係照計收咁o既價, 行咁短路程, 服務又唔係好, 客又多, 肯定賺唔少
依家有幾抽咩爛鬼和諧號就要加價
同搶錢完全無分別

原帖由 ben2004 於 2007-4-18 00:27 發表


意外o既唔係直巴咁簡單 ... 仲有廣深高速其他車
同埋廣深時不時就塞車, 根本上d人趕時間唔會搭巴士, 一定係挨貴火車
我前兩日起網上查
深圳去廣州o既巴士, 收成 70 - 90 蚊
唔知係你果d料未 update 定係我d料錯囉
...

用最貴,最多車既中旅社車..
係皇崗過左關後買飛 都只係$65

而且停站係晒市區........
完全節省左,係火車站再轉車既一大段時間...

而我成日坐都見到好多生意人坐............
同埋只係好多人仍然覺得巴士係慢 (不過依家高速公路成日塞車就真)
或者唔識點坐巴士..... 我只知道好多人坐過直通巴士後.. 都寧願坐直通巴 (九鐵沿線除外)
因為皇崗過關行得少車又密
唔駛半個鐘實有一架巴士上廣州.......

*以前o的巴士一個鐘一班都係得十幾二十人
依家成日都三十幾人以上..

原帖由 053h4 於 2007-4-18 13:20 發表


現在廣交會, 巴士加價並唔出奇
復活節前後上過廣州, 本人早前先問過價
洗唔洗咁貴?
另外, 本人早巳指出廣深高速成日塞車
但直巴的意外確實不多, 乘客並没有對此而對直巴感到没有信心

而如果巴士都要 70 - 90
現在 ...

廣深意外多, 應該係資料錯誤, 本人謹此致歉
不過塞車勁又真係真, 客量減少已經早以係事實
巴士收 70 - 90, 據我自己聽返離o既原因
係因為競爭太多維唔起本, 所以就要加價
05 年果陣我試過 50 蚊起皇崗返廣州, 依家得唔得就唔知

而且, 火車價格係應該由釐定, 而唔係由巴士價格去釐定
一但全個深圳o既大巴公司有協議, 一齊加到 100 蚊
咁廣深o既價格未要加到 120, 130 蚊 ?

另外, 本人早已講過廣深呢個價錢係唔合理
閣下一再強調「城際穿梭」價格就理應提高
請問呢個係根據咩理由 ??
乘客想搭火車, 但係又因為「城際穿梭」呢個理由要挨貴價
又無平do既選擇 ( 我係指火車以內 ), 請問合唔合理 ?
廣深個價原本已經唔應該收咁貴, 呢個唔係加幅問題
似乎你仲唔明