新巴、運署你醒未？港大學生會開旺角返學專線

原帖由 tridents 於 2007-5-15 00:10 發表
而現在 94A 及 98 客量之跌, 係好多客改座 39C 或轉車, 還有 94A 晚上 20 分係行 2 架, 一個鐘就隔前車 23~4 分, 我係乘客點等?  仲有 98 開 10 分班, 真係吾明點解我要係站陪你鄭生等.

TD 批 63A, 問我係政策錯誤, 連 39C / 59A 也應吾批, 現存專營巴士已攪得掂, 只要管得專營巴士好, 全世界也吾比 48 / 78 / 98 減班.

因為好多人也是見車上車嘛...
不介意俾幾多錢~

94A 行 2 架?
係咪 3 架呀... 佢全程官方用 50 mins 一單 wor~
2 架的話佢要飛車 ga wor~

不過 48 / 78 會隨著黃竹坑清拆而減班及重組.

說到94A, 我想談談一般市民的感受.

上星期六, 一家人在香港仔食完飯要返華富, 我本來想去搭巴士,
但係唔係搭開呢條線, 都唔知晚上八點半過左尾班未, 因為唔知
呢條係唔係好似某些早收工的路線。行過63A小巴站, 四十多人排
隊, 但係一架接一架的小巴很快便縮短條人龍, 再稔, 南區的巴士線
很多都要等十多廿分鐘一班, 仲要隨時無位, 倒不如輪小巴好過,
至少有個位坐。

回到華富上到樓, 見到一架單層的94A經過, 成車企滿人,
心稔如果要等巴士應該會係逼上呢班車。

我明白可能係星期六日晚先會咁好客, 平日未必係, 但係廿分鐘
的班次同幾分鐘的一班小巴比, 真係無咩人願意的等。

琴日6:35pm 係任白樓，有架 970 空車起載！
唔知道關唔呢度事....

無論如何，有架空車點都好過無。
雖然 HKU 已經開始唔駛返學等考試，任白樓加聖士提反堂
上埋都係十個左右，不過西營盤郵局同水街兩個站就上左
大約六十個。有郵局上車的人仲話等左三班車都頂閘飛站....

原帖由 tridents 於 2007-5-14 23:30 發表
PB602 兄講區內, 看看 94A 以前晚上開幾多架車?  係開 6~7 架兼 7 分班, 去到香港仔分站往華富閒閒地上 20 人, 怡家呢?  晚上 20 分班開 2 架車, 這就是營運者經營態度, 這不要先說 AMS 開 63A 搶客.

講開94A, 大家應該諗下點解會有呢條線既出現...

1993年, 中巴多條南區線失手, 於是先後開辦38A, 43X及94A三條巴士線搶客, 將91及94
延長至中環, 又將260提昇至"頂級服務".

城巴對於中巴既競爭, 其白熱化情度會少得過新巴vs專線小巴? 如果專線小巴搶客就係巴
士公司減班既理由, 咁中巴當年係咪唔應該開呢堆線? 而260係咪應該減班同埋改行XF?

中巴服務態度咁差, 對巴士業務咁意興闌珊, 面對競爭者尚存一絲鬥心.

更加唔好講城巴呢個"小巴殺手", 由香港仔到西環, 由渣甸山到寶馬山, 只要城巴一插旗, 小
巴就駐定無運行, 所以我唔信"大巴唔夠小巴鬥"呢一套. AMS當年響香港仔俾城巴打到半死,
而家竟然響同一個地方反過來打敗城巴同新巴, 世事就係諷刺.

原帖由 PB602 於 2007-5-15 22:58 發表

更加唔好講城巴呢個"小巴殺手", 由香港仔到西環, 由渣甸山到寶馬山, 只要城巴一插旗, 小
巴就駐定無運行, 所以我唔信"大巴唔夠小巴鬥"呢一套. AMS當年響香港仔俾城巴打到半死,
而家竟然響同一個地方反過來打敗城巴同新巴, 世事就係諷刺.

中巴當時係絕地反擊 (但最後明顯係失敗收場)，
而城巴當時亦係以插旗 (市場覆蓋) 為首要目標。

而家巴士再無插旗不足既問題，無得比架喇。
除非... 將對中巴做過既野對九新再做一次囉。

其實依家政府對九巴也做緊差不多的東西。可見將來，九龍新界會越來越多新創建的站柱。

原帖由 komodo 於 2007-5-16 00:11 發表

其實依家政府對九巴也做緊差不多的東西。可見將來，九龍新界會越來越多新創建的站柱。

明顯唔夠，至少新創建就係呢個主題被人省到「立立零」...