我有時都幾欣賞紅小----筲箕灣至旺角

原帖由 HY1012 於 2007-5-20 21:08 發表

但係現實就係現實,
邊樣快就係邊樣,
知足唔知足並唔係公交系統, 或者乘客須要考慮

「邊樣快就係邊樣」咪就即係學壞哂囉，
而家大家俾我既訊息就真係好似「做得香港人唔搭小巴
就會浪費好多時間」咁。

或者小巴成日等到我發火 (包括西荃、灣荃)，
而且我既作息令我通常搭咩車時間都差唔多，
我有時真係有 D 難理解小巴有乜咁好。
(不過都係果句，小巴商肯做係好事)

[ 本帖最後由 238X 於 2007-5-20 21:21 編輯 ]

原帖由 HY1012 於 2007-5-20 21:08 發表



可能你有你既立場,
甚至好長遠既view.
我並不清楚. sorry~

但係現實就係現實,
邊樣快就係邊樣,
知足唔知足並唔係公交系統, 或者乘客須要考慮

無錯呀, 其實作為公交使用者亦都係消費者,
當市場有咁既選擇俾到我地既時候,
我地亦都有權去選擇合乎自己利益既野,
每一個公交系統都有佢既不足,
就好似有時紅小要等滿客先開車,
可能搭巴士都到左,
係果時候,紅小就緊係次選,
或者呢個就係市場主導既世界!

當然每個人有唔同既觀點,
我亦都樂意接受唔同既睇法

原帖由 238X 於 2007-5-20 16:09 發表


好不幸地，係！

身為一個身處無 962 系既區既人，
我只覺得有 962 系都要過來搭小巴係唔知足。

你知我一向反對長途交通依賴紅小造成擠塞。
呢樣野，政府、專利巴士公司同乘客都有責任。
(係有 D 諷刺：我憎紅小，但我認為紅 ...

政府，專利巴士公司責任不願多談。但請問乘客有何責任？紅小價錢一向較高，乘客已付出較高價錢去選擇快捉服務，有什麼責任可言？對乘客而言，落車時付足車費已經負足責任了。難道搭紅小就是錯？

恕小弟直言，如果我住荃灣ge話，出入有八成都會搭紅小。唔好話冇巴士搭，就算有巴士，巴士都停站密行車慢，而紅小就係價錢較廉宜ge個人服務... 只畀巴士貴小小。在香港時間就是金錢ge社會，紅小蓬勃有什麼問題？我個人係buy紅小first，其次係綠小，然後先到其他交通工具...

我住新浦崗，我出旺角見倒紅小我會跳上車，廢鬼事等203E/95。去香港仔華富我會紅小去旺角再轉香旺，貪佢快過107，咁請問我係咪唔知足？

[ 本帖最後由 4056 於 2007-5-26 00:46 編輯 ]

原帖由 4056 於 2007-5-26 00:43 發表

我住新浦崗，我出旺角見倒紅小我會跳上車，廢鬼事等203E/95。
去香港仔華富我會紅小去旺角再轉香旺，貪佢快過107，咁請問我係咪唔知足？

唔同喎大佬，九龍線 (包括大部份 10x) 唔可以同 962 系比，
我亦一早講清楚係 962 個 case。

你話荃灣八成搭紅小，我都講左好多次，運輸署同九巴好可能最罪大惡極。
不過當好多人同我講，就算巴士公司做得再好都鬥唔過紅小，
我又親眼証實包括我屋企人 (或者再衰 D 講句，我自己)
在內既大部份人都去助長病態交通
(即係連紅小都唔見得好好，例如灣荃、西荃 D 乘客寧願等十幾架車、大半個鐘，
都唔肯落地鐵或者坐眼前架 905 過旺角轉車，
或者有時都唔明自己做乜要等四五架 404M，不如自己預時間搭 38A 費事等到火起)
我又真係覺得香港人係咪要貪快/平到咁？

我唔係唔承認呢個事實存在，但呢個事實存在同佢係好事與否，我認為無關係。

[ 本帖最後由 238X 於 2007-5-26 01:10 編輯 ]

原帖由 238X 於 2007-5-26 01:03 發表


唔同喎大佬，九龍線 (包括大部份 10x) 唔可以同 962 系比，
我亦一早講清楚係 962 個 case。

你話荃灣八成搭紅小，我都講左好多次，運輸署同九巴好可能最罪大惡極。
不過當好多人同我講，就算巴士公司做得再好都鬥唔過紅小，
...

咪係囉，根本有好多人(包括你我)都助長緊呢個病態交通，但如果從香港消除左呢種病態交通，人人都等大巴/地鐵，咁樣可能有好多人生活質素，做咩都要提早出門口...

運輸署同九巴罪大惡極，呢樣冇人會反對。運輸署衰保鐵，九巴衰唔爭取權益，淨識企係度畀人打...

有時我反而會想更多人支持呢種「病態交通」，紅小都要等客，如果更多乘客傾向支持紅小呢種「另類特快服務」，咁即係會更快打爆一部車，令特快上更特快...   如果紅小係跟時間開，而唔等客，咁就真係極之perfect

點解d人會寧願等十部車都唔搭地鐵/905...我認真係因為事實多變數好難預計。紅小有時車等人，有時人等到頸長都冇車，較唔穩定...但一般人出門時心理上都係紅小會較快同埋車等人，所以排除左突然冇車呢個因素...去等紅小。去到先發覺冇車，咁就繼續等以為好快有，但就算繼續冇，有d人會真係轉[車太]，但多數人都會選擇繼續等，反正「等左咁耐冇為浪費時間」，於是繼續等直至有車...   我等綠小70同香旺紅小都係同樣心態，等到火都來，但仲繼續等...等時好憎佢，但到下次一樣又係搭返佢...

原帖由 4056 於 2007-5-26 01:20 發表

點解d人會寧願等十部車都唔搭地鐵/905...我認真係因為事實多變數好難預計。
紅小有時車等人，有時人等到頸長都冇車，較唔穩定...
但一般人出門時心理上都係紅小會較快同埋車等人，所以排除左突然冇車呢個因素...
去等紅小。
去到先發覺冇車，咁就繼續等以為好快有，但就算繼續冇，有d人會真係轉[車太]，
但多數人都會選擇繼續等，反正「等左咁耐冇為浪費時間」，於是繼續等直至有車...
我等綠小70同香旺紅小都係同樣心態，等到火都來，但仲繼續等...
等時好憎佢，但到下次一樣又係搭返佢...

灣荃西荃梗係唔係「突然無車」喇。
尤其是灣荃，真係每次行過都係咁既鬼樣！
(OT:  我當時係去緊港灣道搭合法村巴... 準時開車唔會亂出車海，唔算病態喇)

譬如葵芳等 88C/D/G / 89M/S 既人龍晚晚都係長到阿媽都唔認得，
其實問題都一樣──喂， 37M, 43M 唔係貴好多，亦唔見得無位呀。
兩三毫都慳？

搞埋 D 咁既野出來，除非九巴好似當年中巴咁收哂 D 車唔行姐，
晚晚都係咁，似乎唔係「九巴罪大惡極」呢個事實可以解釋得到。

一係咁囉，將 D 紅小、村巴升格俾佢做專利囉 (=/= 迫佢地轉專利)。
我就真係投降喇...

[ 本帖最後由 238X 於 2007-5-26 01:29 編輯 ]

原帖由 238X 於 2007-5-26 01:22 發表
譬如葵芳等 88C/D/G / 89M/S 既人龍晚晚都係長到阿媽都唔認得，
其實問題都一樣──喂， 37M, 43M 唔係貴好多，亦唔見得無位呀。
兩三毫都慳？

88D同43M比較，不單係三毫子的問題，而且88D的車輛
比43M舒適，即使88D要排隊，好多時都好快會清晒班客，
而且有時班客見唔對路，都識自己行去葵涌運動場個邊等
43/43A，而43M去青衣方向要先經翠怡亦係另一敗筆之處。

89M/S同37M無乜關係，搭地鐵轉車的話，多數都會直去葵興
轉37M/89/89B。89M/S係葵芳地鐵站係獨市，加上收費平，排
得耐些少班客都會等。