10年前逢假期既好去處????

果時既人潮真係一浪接一浪,排隊等到頭望望,坐車坐到暈晒浪!!!

當年每班車究竟有幾多人坐下層?

原帖由 nwfb1001 於 2007-5-9 21:35 發表
當年每班車究竟有幾多人坐下層?

係下層都坐滿.

原帖由 kmb~mcw1 於 2007~5~9 09:43 PM 發表
當時，小弟在小一時曾與父母在荃灣一起搭E31去東涌
當時排成百餘二百人
最後我們要等到第三架車才上到架E31
結果便一直迫到青衣才有位坐
連青馬大橋的景觀都無得看 ...

最記得當年個個都爭住坐上層車頭，
仲有d人企位都要逼上上層。

不過你係由荃灣去東涌定東涌去荃灣？
如果係荃灣去東涌無可能去到青衣有位坐架喎...

小弟在 e31 開線的第一日中午 (又好似第二日) 坐 e31

在荃灣舊碼頭﹐不停有九巴的 3av 來支援(全部2+2位)﹐每一班車上層都坐左一半人﹐而每一班車下層都有最少5位司機 。

由於所有人見上層位不多時都唔上車﹐所以班班都唔滿﹐不過都照開車﹐大約10分鐘一班。


不過﹐一到星期日情況有點不同。所有後備冷馬全部去支援 e31﹐全車坐無虛席﹐仲要頂閘。由於有不少私家車都去行青馬(當時長青隧道仍未開放)﹐所以引致青衣大窒車

當時連 al & ad 等舊車都要出動﹐連國寶 al1 都要出場﹐所以連續幾個周日青衣都出現不同情度的窒車。

好記得果 1 年呢, 第 2 次同爸爸媽媽特登搭 16 出到大角咀轉 E21 入東涌遊 1 轉,
(因為樓下架 E23 實在兜得太耐......... )
o向 E21 個站頭度, 個站長點嗌樓下有位都好, 都無人上車~ XD 阿站長無奈到暈~
之後架架車都係上層坐o西人就開車............

跟上三張相，加上一點回憶吧

相片質素比較差，請見諒！

記得第一次入東涌就係晌荃灣碼頭搭E31(12米豪)
沿途見到隔離E32開Trident都幾覺得唔抵..

當年人流全部集中晌東涌市中心總站
同屋企人一落車見到周圍乜都冇,
見站頭有車上客即刻跑去上

晌東涌番出o黎,架車冇咁多人以為可以坐得舒服d
點知仲要入去赤立角南路地盤入口,
成堆工人晌站頭排哂長龍,最尾都係要頂哂閘上北嶼

原帖由 kei_hk 於 2007-5-9 21:56 發表
小弟在 e31 開線的第一日中午 (又好似第二日) 坐 e31

應該不是第一天了.
我第一天也到荃灣排隊等 E31, 排了差不多個半小時才
上到車, 但當天沒有印象有九巴支援.