701西鐵站打蛇餅

原帖由 GD1570 於 2007-5-17 12:30 發表


早上時間可能唔係旺角道
反而係太子道西轉入荔枝角道
唔好唔記得有大量新界西北的邨巴到達
塞車都唔奇

下午你五時前係睇唔到有幾塞車的
六點後啦，上海街入旺角道個燈位
睇你好唔好彩啦，我試過等三次都過唔到呀.. ...

就係每次朝早搭車都唔會塞, 尤其是朝早十點半前快起上o黎
8-9 分鐘就可以由南昌站 (開車開始計) 去到旺角道 (落車果刻),
慢o既都係 12-13 分鐘攪掂。

我都知有村巴, 但係好似有唔少村巴西九龍走廊落橋會行最外線,
跟住右轉入塘尾道, 對 701 都冇乜影響。

我冇排除過下晝交通情況會影響到 701 o既行車時間, 不過
自己搭旺角道至南昌站一段真係冇乜影響, 而自己見到旺角道又
唔係咁塞 (當然間唔中有一兩日塞係有, 但唔會日日都係咁誇張)。
如果係夜晚o既情況, 我就更加冇排除到, 因為我好少會o係呢 d
時間搭 701。

講到尾, 其實我都係唔明點解 701 連朝早班次唔穩定。

原帖由 GD1570 於 2007-5-17 12:30 發表


早上時間可能唔係旺角道
反而係太子道西轉入荔枝角道
唔好唔記得有大量新界西北的邨巴到達
塞車都唔奇

下午你五時前係睇唔到有幾塞車的
六點後啦，上海街入旺角道個燈位
睇你好唔好彩啦，我試過等三次都過唔到呀.. ...

如果係近兩三個月先係咁, 我諗同櫻桃街有關。
南環線工程令櫻桃街轉入西隧條支路得番一條線,
但公路落黎既車又太多,
有時等幾分鐘櫻桃街先轉到兩架車入去,
結果由奧海城塞返出旺角。

朝早等905, 望住架車由旺角街市出站,
開到銘基已經塞左差唔多10分鐘。
唔止701, 差唔多條條行櫻桃街既路線班次都受影響。

[ 本帖最後由 kwyeung 於 2007-5-17 12:48 編輯 ]

原帖由 kwyeung 於 2007-5-17 12:45 發表


如果係近兩三個月先係咁, 我諗同櫻桃街有關。
南環線工程令櫻桃街轉入西隧條支路得番一條線,
但公路落黎既車又太多,
有時等幾分鐘櫻桃街先轉到兩架車入去,
結果由奧海城塞返出旺角。

朝早等905, 望住架車由旺角 ...

唔止轉出連翔道南行會塞返轉頭，另一邊轉去奧運站有時因位燈位問題，
比較重型車輛，例如巴士、泥頭車都因為起步唔夠快影響流量，
如果夾住幾架巴士既話，每次淨係過得幾架車，一樣會塞返轉頭。

有時遇著碼頭交櫃高峰期，就會有警察封左一號銀海對出既迴旋處，
迫貨櫃車兜返過黎奧海城二期，再沿櫻桃街隧道西行排隊入碼頭，
變相增加左奧海城二期對出路面負擔，經過呢段路既路線班次就會影響。

701沿途既燈位其實都會影響班次，由南昌站開出第一支燈，
即係轉返出深旺道北行，如果又係排頭幾位(前面有一兩部的士)，
加上剛剛由紅燈轉綠燈既話就會趕到深旺道右轉東京街果組燈，
如果前面部車唔生性既話，轉到下一組燈好大機會黃尾，
衝唔衝埋支燈就睇司機，如果唔係呢組燈起碼等一兩分鐘。

連帶關係自然趕唔到東京街右轉通州街果組燈，
呢個時候如果後面有部701既話，去到旺角道會拖卡。

通州街果組燈似乎同塘尾道/太子道西果組燈冇乜大關係，
次次落左西九龍走廊都唔同，有時綠燈，有時已經有幾部車等緊燈。
701通常o係大子道西行快線，有部份車會行快線右轉入新填地街，
遇著新填地街有車落緊貨，都有機會塞返轉頭，醒目既701司機會抽頭出中線，
如果唔係呢支燈過唔到又要等多一兩分鐘(可能唔止)。

去到上海街落客既時間又好多差別，一來睇下多唔多人o係度落，
同埋睇下落車既人有幾多o係上層行落黎。

之後果組燈會就埋旺角道果組燈，剛轉綠燈既話就會趕到旺角道果組，
朝早會比下午有更多時間轉出旺角道，因為旺角道果組燈會放長少少時間。
但係都要睇下有冇紅小/的士無喇喇o係前面停o係度上落客，
頂一頂又係唔駛旨意過到跟住果組燈。

以上全部都係搭左o甘多次701得出既經驗。