而家d人係咪唔識睇字/聽中文?

今日晌文明里搭171番屋企
上到上層見到坐滿,於是落番下層(後面仲有位阿叔跟住)
落番下層見到中門仲有位就坐低左,
個阿叔就唔見佢落o黎, 當時下層仲有唔少企位

去到裁判署個站,又有位阿姐上左去上層
開車之後,師傅開始不斷播出"上層/梯間不准企立"既廣播
去到紅隧口已經播出超過十次,小弟望上樓梯,
見到有隻女人手晌樓梯扶手,完全冇落下層既意思
(冇估錯個阿叔應該仲死賴晌上層..)

究竟而家D人唔識睇字定唔識聽中文?
播左幾十次廣播都無動於衷..

香港正正有許多「文盲」
樓主還是放長雙眼，看遠一點。

其實有好多人係ignore個廣播...

原帖由 Ketsu 於 2007~5~17 08:51 PM 發表
其實有好多人係ignore個廣播...

我想知架車有無RS先？
如果有既話上層個報站應該無聲架喎...
同埋我諗D人唔會望住個報站卦...

其實係咪真係一個位都冇??
相比請行入車廂的廣播,呢d簡直小巫見大巫

原帖由 virus 於 2007-5-17 21:37 發表
我前幾日坐車，車長出左廣播，
個乘客(中年男人)扮睇唔到，
之後我好聲好氣開聲叫佢落樓，
佢仲要係度串我話關我咩事，
( 仲話企一個半個有咩所謂，甘都唔得使唔使甘誇張 )
最後車長不停甘播左幾次，
個客先至唔好意思甘落番去。
( ...

唉．．．．
勸埋呢ｄ人真係無咩用，
都肯定佢唔會聽你講，
一陣間仲比人話，
真係「好心做壞事」。

大多數，
真係要師傅上去迫佢，
或者連部車都停埋唔開，
佢先肯落黎啦！
不過，
係香港黎講，
呢ｄ機會好微啦．．．．

早幾個星期六﹐中午放工時間坐6c去美孚。

過了文明里後﹐司機要個個站都按「上層有坐位﹐請上上層」*大既意思的字眼

不過﹐下層仍然企滿人﹐只有極少人願意上樓


你話d人係唔識兩文三語﹐定係視覺及聽覺有問題

今日先因呢樣野同個fd討論

如好似上面情況咁 下層仲有咁多企位，企上層又有點兒那個...至少成個上層得你一個企，都感覺好唔自然...

但係繁忙時間，真係情迫不得已下企上層真係無可避免...一般乘客責任頂多係發覺上層冇位就落返下層，但當上左上層後落唔返下層(下層都企滿人)，咁請下層d人讓位畀佢地落返黎並唔係乘客責任...   要車長負責晒又冇乜可能，浪費時間之餘更可能引起爭執...   

唯一可以做ge係車長係上層有企人時小心點駕駛...  香港人時間就係金錢  搭車都係迫得入就迫

講開車廂廣播，最近有一次搭118P(九巴)，當
車子在紅隧收費廣場上客時，司機就不斷播
出「下一站杏花村」之廣播直至車子駛入紅
隧為止。