S3BL100 發表於 2021-4-6 23:57
觀塘道無實數配額，但唔代表運署會批准新線途經增加巴士流量，呢點由過往幾年 RPP 已經可以見到。姑勿論 ...
有咩線更值得行觀塘道, 但被編入偉業街呢? 33做黃大仙轉車站主線, 797做將軍澳轉車站主線, 除咗馬鞍山 大埔 北區, 兩條線已經做晒整個新界的轉乘網絡(西貢), 剩低嗰三區有繁時線途經觀塘偉業街, 分別係74B T74 T277 X89D, 恰巧都係大老山路線, 而佢哋嘅係主線經觀塘道.
33今年有建議加開33B假日行觀塘道, 而你又點出左40P今年會全日, 咁就已經解左你迷思, 原本行緊觀塘道而未全日的路線, 今年起可以陸續被建議全日, 而行緊偉業街嘅路線, 都可以在假日走入觀塘道, 62X亦係今年建議延至兆康站及轉全日, 你認為仲有咩阻力導致未來仍然要顧及所謂「觀塘道配額」(限制巴士車流)問題呢?
政府做嘢睇數據, 顧問公司做觀塘市中心交通評估得出的部份數字, 睇到人啼笑皆非, 我哋都好懷疑點解有啲數字會咁細, 有啲建議咁荒謬例如物華街行車方向, 有啲應該要做到嘅例如協和街南行轉入物華街西行, 到而家仍然未解決呢!
巴士係咪多到塞爆條路, 我認為關啲站一次過停太多路線, 無做好有效分流, 先會出現巴士擠塞.
駿業里巴士站下繁頂爆埋條下行道左線, 日日淨番右線係郁得, 最優先要處理並唔係減少途經巴士數目, 而係要執好個站, 唔好一個細細嘅站停十幾條路線.
觀塘法院都一樣, 一到下繁條龍上番匯景花園平台底下, 係開始越來越多司機肯用中線爬頭入站先見改善.
觀塘市中心重建項目已經提到, 觀塘道東行會增加行車線, 在政府角度, 巴士有更多空間行走及設站, 所以你絕對可以放心, 政府未來會為巴士途經觀塘道設限的機率應該相當低.
自從警隊重振雄風, 日日擺警車喺消防局 開源道馬會 apm 敬業街呢幾撻地方, 對改善交通有非常顯著的作用, 只要違泊問題有改善, 再擺多啲巴士行觀塘道又有咩問題?
入番正題, 6D拉入觀塘係白痴行為, 就好似n年前40仲要漫遊九龍時, 我在本板豪言, 如果唔係仲戙支站牌喺青山道, 根本唔會等佢返觀塘, 一早就地底見.
放工冇咁趕時間, 又可以在車上休息, 但當我日日放工瞓完一覺又一覺, 都未到觀塘市中心, 真係搵笨到極點.
而家你就係咁, 淨係對住九巴網參考行車時間, 舉例: 我搭過好多次6D, 牛頭角去石硤尾要用33分鐘, 而官網就寫28分鐘.
行同一條路, 停同一堆站, 啓業邨去寧遠街, 6D用10分鐘, 但6P就用11.6分鐘; 寧遠街去石硤尾邨第20座, 6D用16.9分鐘, 有站飛有橋可飛嘅6P就要17.5分鐘, 咁好明顯6D用緊非繁時間計車程, 但到你真正返工放工時間去搭, 就係另一回事.
我用我而家放工搭嘅606做例, 觀塘法院去白虹樓, 官網寫22.6分鐘, 搭過好多次下繁收工時間, 觀塘道/開源道冇塞車之下, 基本上35-40分鐘走唔甩.
33都見過板友話九龍灣等好耐車都未到, 我自己只搭過一次33見證過不斷延後的ETA, 發生喺非繁時巧明街西行巴士站, 而家33識開加班先冇咁覺.
唔係想要鬥慢, 只想帶出一點, 官網資料僅供參考, 並不能套用到全日所有行車時間, 特別係途經商貿區嘅路線.
如果靠官網時間計出非繁時要64.9分鐘行畢全程, 客氣啲講, 繁時用80-85分鐘行畢全程, 唔知你點睇, 我只係就住你畫嘅走線, 沿途不斷的交通燈, 巴士埋站混戰, 兜路, 擠塞等估算出嚟, 以一條收特快價錢嘅路線, 做一個咁嘅行車時間, 係咪理想? |
樓主
