東西九龍線 (1): 建議開辦 6E 來往美孚至觀塘，取消 5D 202

tonychow 發表於 2021-4-13 10:44
重點係，你一路講話資源唔夠，同時又要大貪到用 5 個蓋蓋住 10 個煲，咁當然搞唔掂
長途線轉入細位從來都無 ...

恐怕你同部分呢個帖有參與回應既版友都唔知道我到底想做邊班客、咩係主菜咩係配菜，唔好下下以為觀青就一定要以觀青頭尾客作主菜先得架

資源係一個問題，但而家我抽 5D 202，至少可以砌到 20/30 分一班出來。如果係砌一條觀青直達，可用資源係零，換言之連線都開唔成；因為你唔可能抽 5D 資源然後唔做啟德生意，或者抽 202 然後唔兜入蘇屋或者唔做麗閣

兜入旺角亦唔係為左做旺觀，旺觀本身有 13D 16，仲有我隔離帖提出既 296C 改經菜街同進一步減站。唯一原因係反正落左荔枝角道，又有來自 202 既配額，行界限街或者亞皆老街飛橋時間都唔係差好遠，我順手做埋先達啟德特快，同埋旺角往九龍灣。隔離帖條 296E 東行係做 EMAX 而唔係宏照道，覆蓋範圍同 6E 有一定程度分別

觀青直達線，唔會夠客，亦無資源做，借其他區過橋順手做埋係唯一出路，反正象徵意義大過實際

再比較埋其他競爭既格局，做九龍灣商貿區甚至觀塘商貿區都好過大路直去。為左觀青能夠直行觀塘道而掟 296C 入商貿區亦係本末倒置，因為填海區本身無其他直達線往來觀塘巿中心，青山道至少仲有紅小

但重點都係客觀條件開唔到唔使兜其他區既觀青直線，無論客量定資源都係

S3BL100 發表於 2021-4-13 23:31
恐怕你同部分呢個帖有參與回應既版友都唔知道我到底想做邊班客、咩係主菜咩係配菜，唔好下下以為觀青就一 ...

其實唔駛咁執着一定要資源一換一，九巴唔想做202，隨時個下場係下年係RPP提出取消，之後一部車都唔俾返2，就咁袋返落袋，呢樣嘢係第一代嘅6X已經發生過，當時6一班車都無加返，到而家仲要減埋班，攞走咗202個幾部，唔一定要比返蘇屋，反而比深水埗海皮、麗翠苑果邊仲好

同埋，6E觀感真係好差，放工時間一個鐘頭都唔知離唔離開到啟德，正正常常行觀塘道直去真係咁難咩，就算唔入觀塘道，淘大-樂華-康寧道-物華街(裕民坊)-和樂邨-翠屏道，咁樣行山過都好啲，做到最多住宅客，來回行太子道/界限街，長沙灣道直去美孚，正正常常一條東西流水線，好過而家唔知似咩樣，想做啟德嘅一係24做，但唔會入到啟德新區，一係比城巴做

九龍東西需求咁大，無謂要左湊右湊，整條懶係要一雞勁多味嘅線，但又只得30分鐘，班客咪倒走晒囉，開多一兩條唔過份，資源唔係話真係一換一，有時候係唔知邊度爆出嚟，想做就會有

S3BL100 發表於 2021-4-13 23:31
恐怕你同部分呢個帖有參與回應既版友都唔知道我到底想做邊班客、咩係主菜咩係配菜，唔好下下以為觀青就一 ...

我至今堅持用 16 同 296C 拆 3 條線，當中 16 一半班次飛橋總站後直飛海盈唔使加車，得返青山道深水埗同南昌站要處理
我心目中方案係行西廊，去程跟 701 上橋、唔停站跟 215X 落橋，總站康城，做長沙灣 - 成條欽州街 - 牛頭角觀塘 - 尚德 - 康城，絕對足夠客量開全日 20，而且 8 架車搞掂
當然行太子道西界限街亦係合理方案，只係南昌站一帶難搞咗，呢個位係個人取捨
到時 296C 就可以專心做尚德九商，用 27 走線做循環，甚至去程可以玩半直通，九商後只停黃大仙站，經窩打老道唔停站落太子旺角，每一個方案都唔使 sacrafice 觀深客源

本身 296C 有 10 架車，拆完其中一條拉埋入康城攞 290 1 架車，加埋條 202 堆車已經足夠有突，5D 都唔使搞，仲要多咗覆蓋（旺角 - 九商、黃大仙 - 旺角、康城出城）

boco1211 發表於 2021-4-14 13:47
其實唔駛咁執着一定要資源一換一，九巴唔想做202，隨時個下場係下年係RPP提出取消，之後一部車都唔俾返2 ...

蘇屋角度 既然都要拎走堆車 點解要益你麗翠苑同新區先  麗翠苑白嫖左202 基本上沒條件拎資源

boco1211 發表於 2021-4-14 13:47
其實唔駛咁執着一定要資源一換一，九巴唔想做202，隨時個下場係下年係RPP提出取消，之後一部車都唔俾返2 ...

之前都講左好多次，牛頭角本身有齊 2A 2X 6D，你就反其道而行，仲要行振華道同 2A 重疊

你咁行法咪連深長荔往九龍灣觀塘既返工客都做唔到囉，我其中一個目標正正就係要做九龍灣商貿區，順手再搭埋觀塘商貿區，呢班客既通勤方向係同啟德、觀塘居民相反

啟德搵 24 去做，會有收費問題，而且都係要加車

你提到當日 6X 摺線既例子，實情係 6X 果三部車畀左 2X，雖然係借佢地過橋走左去做三彩，但實情係三部車繼續做緊本來服務既美孚

tonychow 發表於 2021-4-14 14:23
我至今堅持用 16 同 296C 拆 3 條線，當中 16 一半班次飛橋總站後直飛海盈唔使加車，得返青山道深水埗同 ...

你既結果就係拉埋成堆唔關事既客落水攬炒

你咁拆條 16，你氹得掂柏景灣總站放走一半班次先算啦。16 已經唔係密，就算要拆線都係藍田一邊拆 16X 觀繞特快，拆一條去海盈亦唔見得保證唔使加車，況且九巴肯定想用將軍澳價做佢地生意

仲有一個幾大問題，早前另一個帖 Ricky403 有提過，就係 702B 服務時段有限，296C 兼負海盈來往深水埗流水功能，你咁改 16 就做唔到

296C 我打算點拆，隔離帖有提及。不過你拆完之後拉一條入康城，甚至一條兜黃大仙，就簡直係畫蛇添足

而你既方案做唔到我想做既啟德深長荔、九龍灣深長荔，呢兩組客源都係我既主菜，值搏率唔會差過真觀深

gu9434@24 發表於 2021-4-14 20:49
蘇屋角度 既然都要拎走堆車 點解要益你麗翠苑同新區先  麗翠苑白嫖左202 基本上沒條件拎資源  ...

麗翠苑又唔算白嫖既，起碼 2 仔改路前都有半條做緊佢地生意，當然 202 已成定局


但唔做蘇屋的確係好大問題，我會傾向認為蘇屋同麗翠苑都唔可以唔做

本身覺得做啟業無謂
不過可以做埋宏照道公屋，又變相將24客Urgrade去條新線，有佢可取之處


如果上繁西行改行牛頭角道，停埋淘大再經啟祥道天橋直入啟麗晴朗就perfect
係下繁東行難搞少少，啟祥道停唔返淘大，牛頭角道返翠屏冇物華街東行就一樣要經觀塘道

反之亦然，上繁東行可以經宏天，而下繁西行都應該行晒偉業街九商，行埋宏天，唔入啟麗

S3BL100 發表於 2021-4-14 23:16
你既結果就係拉埋成堆唔關事既客落水攬炒

你咁拆條 16，你氹得掂柏景灣總站放走一半班次先算啦。16 已經 ...

奧海城去海盈邨，基本上全程跑公路，呢段仔路 5 分鐘咩都跑完，仲未計回程直上西廊，唔使喺內街轉來轉去
加上來回程可以飛橋，呢 5 分鐘唔會係關鍵
亦唔見得柏景灣個站無取代品，首先銘基已經有站，其次去程可以喺櫻桃街近維港灣加站，亦只係一個站，難度唔會高過你口中嘅亞太區站位飛走咗之後你一句「加轉乘」就答咗 98C 兄
然後康城不斷有新增人口，你就當無道，根本康城交通非常差，等完 12 分鐘地鐵仲要 3 程先到深水埗
相反你搞埋啟德內街客落水，先係唔關事嘅客落水攬炒，我諗其他版友已經講咗有咩問題，有幾畫蛇添足，唔重覆
最後深水埗流水問題，行出去深旺道搭 118 或者 12A 都得，再唔係就拉埋入去海盈總站，又或者我嘅 296C 拆線方案可以海盈開做流水，亦係解決方案之一

頭盔：無睇晒
6E唔跟以往建議食埋15A?
變相啟田平田有返旺角車(雖然特慢)