東西九龍線 (1): 建議開辦 6E 來往美孚至觀塘，取消 5D 202

tonychow 發表於 2021-4-15 10:20
奧海城去海盈邨，基本上全程跑公路，呢段仔路 5 分鐘咩都跑完，仲未計回程直上西廊，唔使喺內街轉來轉去
...

我抽 5D 資源，啟德點樣唔關事？

或者咁問，你係咪為左做本身有更多競爭對手既觀深，而唔打算做啟德同埋九龍灣商貿區往來深長荔生意？

我既方案，影響既基本上只係得兩條廢線 5D 202 既客，再加少量 6P 回程石硤尾客，而前者基本上係有齊其他替代品。相比之下，你既方案，我見到既只係你為左觀深，攬炒埋柏景灣、深水埗填海區既現有乘客；但你就講到一班非現有乘客係犧牲品、現有乘客就唔係犧牲品，偷換概念

柏景灣唔係省油的燈，唔好忘記而家 16 weekday 非繁已經開緊 15 分一班，人地無義務為左觀深而自損，你搞得掂佢地先算啦。柏景灣有人住，你拎來同我隔離帖 296C 飛走幾個附近無乜居住人口既站，仲要同時有其他野畀尚德交換，根本無可比性

亦要強調 296C 做緊既唔止係海盈一條邨，仲有大半條深旺道，你柏景灣直飛海盈，咪飛起深旺道新增人口囉，仲未計反方向道路網唔容許咁做

LAK2 發表於 2021-4-15 10:54
頭盔：無睇晒
6E唔跟以往建議食埋15A?
變相啟田平田有返旺角車(雖然特慢)

多年前 15A 分屍既諗法已經放棄

15A 而家都叫做儲到雙向客源，甚至隨時好客過 11C；分屍後又要處理慈雲山往來九龍灣問題，甚至因為海濱道商廈，九龍灣調頭都係唔夠，分分鐘要去埋觀塘巿中心先係足夠補償。為免攬炒多一條線一班客，我諗都係多一事不如少一事

S3BL100 發表於 2021-4-15 13:03
我抽 5D 資源，啟德點樣唔關事？

或者咁問，你係咪為左做本身有更多競爭對手既觀深，而唔打算做啟德同埋 ...

你走去話 5D 係廢線，我唔評論，但人地衰極都有 3 正 1 蛇
本身唔順路，就算廢極，重組完之後一樣係載空
如果啟麗九商要拆線，麗閣開經界限街承啟道九商啟德返轉頭循環，計埋飛橋 1 個鐘點都搞掂，開全日 30 無難度，唔使同你兜旺角同硬食超貴價流水
然後柏景灣除咗有鐵之外，去九東仲有條 13D，真係有影響嘅得返上藍田山嘅人，而且我只係搬走一半班次
我嘅方案下，回程康城線係渡船街落橋，停銘基、浪澄灣返南昌，加上去程南昌站會停站，基本上大半條深旺道都唔會無咗服務

tonychow 發表於 2021-4-15 17:29
你走去話 5D 係廢線，我唔評論，但人地衰極都有 3 正 1 蛇
本身唔順路，就算廢極，重組完之後一樣係載空
...

如果你想推介你既建議(16/296C 2拆3) 請開個新帖 係留言睇好辛苦..


我送你一句..建議改線前請好好諗下補償先

S3BL100 發表於 2021-4-14 23:23
麗翠苑又唔算白嫖既，起碼 2 仔改路前都有半條做緊佢地生意，當然 202 已成定局

202插旗都接近公開既秘密 但如果真係做新區 大可以空降資源
唔使左抽右調


回番#1既建議
成件事其實好四不像
拎5D/202既資源 但就兜一個圈去翠屏 掂到下觀市就叫做左
個人覺得擺觀碼/麗港城就得
唔使夾硬兜上去擺翠屏 然後好似33咁開五日


而且真係唔好期望蘇屋會接受6E

蘇屋去九龍灣大大條X6C 6E要經旺角就注定沒得玩
蘇屋去啟德就可以 796C>20/22/22M 飛橋值唔值3蚊真係見仁見智

西行睇落勉強有得做既 九商+啟德>深水埗特快算係有吸引力  

tonychow 發表於 2021-4-15 17:29
你走去話 5D 係廢線，我唔評論，但人地衰極都有 3 正 1 蛇
本身唔順路，就算廢極，重組完之後一樣係載空
...

問題在於你完全無意識要合理補償人地，「真係有影響既得返 XXX 區既人」，問題係佢地人數多，受影響程度亦極大。再者一個重組過唔過到，從來幾乎唔係睇重組帶來既好處，而係睇重組帶來既影響。你就無視平常遊戲規則，覺得自己想點就可以點，人地一定要硬食你呢套

可惜現實世界唔係咁做


再講多次，16 而家 weekday 非繁已經得返 15 分一班，分走一半班次即係變 30 分，人地肯過先奇

而 13D 16 既困局，呢個版都講過好多次。一條做柏景灣，一條做大角咀段深旺道同維港灣，大角咀班區佬全部都唔係省油燈，佢地會當左兩個不同範圍，是但一條抽走都唔可能。13D 根本做唔到柏景灣生意，仲要回程同 16 行唔同兩條街，一條觀塘道一條牛頭角道，叫人點等？咪玩啦

反而係 13D 東面路段往來旺角基本上都有替代品，有潛質考慮六幹通車後變成大角咀九龍灣觀塘特快，但都係以後既事；點都唔會搵條多客既 16 亂改


本來兩個方向都做到深旺道，變成單向做到都可以收貨交到差？咪玩啦

gu9434@24 發表於 2021-4-15 20:35
202插旗都接近公開既秘密 但如果真係做新區 大可以空降資源
唔使左抽右調

一方面新區可以有空降資源插旗，但另一方面巿區線行車時間長而收費唔及新界線高，新資源亦唔會多；加上本身有 5D 202 兩條廢線，我諗盡可能都係用返現有資源去做

搞到好似四不像，係無其他方法同資源下先要咁做，至低限度達到大部分目的，又盡可能減低對現有乘客影響；而貴價流水亦係增加九巴肯做既誘因

當然，如果城巴打算啟德西九插旗，成個格局同部署會好唔同

X6C 係會快過 6E，但原因唔在於旺角，而係在於太子道東。當然 D1 路通車似乎指日可待，到時太子道東擠塞會有改善；況且 X6C 點睇都唔會做全日，亦入唔到觀塘商貿區同觀塘巿中心，6E 定線仍有價值

S3BL100 發表於 2021-4-16 00:05
問題在於你完全無意識要合理補償人地，「真係有影響既得返 XXX 區既人」，問題係佢地人數多，受影響程度亦 ...

2021 年喇，ETA 都出咗幾年，點解等唔到？
我一樣可以話 5D 取消咗無替代品，202 取消咗一樣無，咪一樣要加轉乘
事實係每次路線重組，唔係下下有騎呢位就一定要補，仲要睇下班客要行幾遠
就算深旺道無咗 296C，富昌邨落咗行去成個 V Walk 只係過條馬路，根本 5 分鐘內嘅事；海盈總站一樣，落車行返去海達，唔見得係接受唔到
同樣回程真係有人嘈，兜入巴總出返去連翔道無道路網問題，加上亞太區飛橋，甚至會快咗返到；真正有影響只係去程無咗一半班次
我同樣可以話 296C 沿線繁時返工客塞爆個站，796C 頂埋閘救唔到亡，你走去飛站加轉乘一樣可以有人嘈
加上 2019 年區議會換屆，更加應該襯依家呢幾個月仲有得傾嘅時候拿拿臨試下重組。柏景灣有海量路線出旺角，全部加新線 BBI 對乘客影響已經 cover 返；再真係有人嘈到拆天，搬埋 13D 總站入去柏景灣都可以係一個方案，而唔係為咗一個位而整條流水廢線出來

tonychow 發表於 2021-4-16 10:36
2021 年喇，ETA 都出咗幾年，點解等唔到？
我一樣可以話 5D 取消咗無替代品，202 取消咗一樣無，咪一樣要 ...

所以你都係完全無「合理替代」同「補償」概念

13D 改擺柏景灣咪輪到另外半個大角咀嘈囉，聰明
更何況你因為改 16 而攬炒埋條 13D，咪即係我鬧過其他人既架床疊屋、不斷增加受影響範圍同人數囉。現實入面係唔會咁做，但可惜唔咁做又係 ban 得，換言之你一開始成個方針同出發點都有問題，本來就唔應該為左解決問題而製造更多問題出來

5D 202 點同？5D 有屯馬線因素，202 本身載空氣而且幾乎有齊替代品

現實世界既重組，係唔會因為想做 1000 個潛在客而影響 2000 人，唔會為左一班本身有其他替代品既乘客，而為其他選擇更少、人數更多既既得利益者帶來更大程度既不便。跟返 gu9434 版友果句，「建議改線前請好好諗下補償先」

S3BL100 發表於 2021-4-16 23:55
所以你都係完全無「合理替代」同「補償」概念

13D 改擺柏景灣咪輪到另外半個大角咀嘈囉，聰明

事實係 13D 16 就算要改，都係小規模改動。如果 13D 單方向改喺柏景灣開，係咪就會打爆架車搞到維港灣上唔到先？
要嘈，大把位可以嘈。大半個大角咀無咗條 202 返蘇屋，一樣可以嘈到拆天，準巨問完你你都未答返佢
重點係每次重組總會有個位係受影響，如果柏景灣真係嘈，我嘅終極方案會係去程行連翔道，帝柏海灣加站
而唔係為咗一個兩個站嘅客就要搞條核突線出來，如果係咁嘅話，不如唔好重組維持原狀或者開其他區嘅線好過 (which 我唔反對)