東涌往來港島東-608轉E23/A之體驗

近幾年三巴都睇中新界往來港島東既客源，開辦越來越多直達路線，
唯獨東涌一直完全冇聲氣。
前往港島東除鐵路外只能靠E11/A轉7系東廊特快。
呢度既版友提出過唔少方案，包括E12，E22S改路。
其實自城巴係啟德插旗後，就增設幾項咗啟德路線轉乘E線既轉乘計劃（主要係E21系同E23系），
當中包括E23/A同608互轉前往港島東，總車資為$23。
琴晚小弟就趁需要從太古城返屋企親嘗一次呢個轉乘。

2138 康怡廣場上車
2220 到達銀漢街，行大約一百米到啟明街等E23A
2245 上車
2330 到海堤灣畔
2338 到東涌消防局，總車程為兩小時，扣除等車則約1小時35分鐘。

當然未上車之前已經預咗呢個方法比其他傳統方式（720轉E11/鐵路）慢，
如果單以車程計1個半鐘未算係完全不能接受，況且車程既額外增長已經從車資方面補償（E11轉叮叮都唔能夠23蚊到港島東）。
但問題係小弟搭既時候已經係假日晚間，路面交通完全暢順既時段；
608亦只有約20位乘客登車過海。
若果係平日日間，以E23及608兩線途徑既塞車黑點之多，
恐怕行車時間只會有長冇短，對乘客毫無吸引力。
而且城巴若有心提供轉乘予東涌乘客往來港島東，
何不直接加E11轉東廊7系優惠？
唯一既理由就係城巴想增加608既整體載客量。
但E23轉608呢個計劃城巴完全冇做過任何宣傳，
一般乘客亦唔會諗到係九龍城轉車去港島東，
再加上如此冗長之車程，
恐怕真正使用此轉乘之乘客少之又少。

608 轉 E23 對象俾啟德居民多
港島東至東涌搭巴士, 多數720/780/788轉E11
極其量都係110去佐敦道轉E23

有無諗過個堆BBI只係拎泥掙嬴份標

而且東涌往來港島東 鐵實在太快，而且唔係好貴

要追得上 720/722 轉 E11/A 既應該就係剩返 110 轉 E23/A
敗北點就係兩者都有機會兜東涌北
除非住到柴灣小西灣, 否則全程搭地鐵都係東涌線半粒鐘, 外加中環轉車行加埋等車 5 -8 分鐘, 港島線大約 20 分鐘左右車程(當太古)
勉勉強強都係岩岩好一個鐘, 遇上小弟呢啲返機場既, 再駁多程車, 其實同搭巴士差無幾多
ps... 八卦上地鐵網查柴灣東涌, 發覺買東涌南昌全月通仲抵玩過東涌香港....

Chnnr 發表於 2021-4-6 00:47
要追得上 720/722 轉 E11/A 既應該就係剩返 110 轉 E23/A
敗北點就係兩者都有機會兜東涌北
除非住到柴灣小 ...

坐過一次朝早11點左右110轉E23
車駁車下由西灣河去後勤只需剛好一個鐘

講真 呢個轉乘真係唔知整嚟做乜。 608轉慈雲山方向嘅E23，會仲有用過東涌方向囉

除咗遊車河，應該無人會咁搭，想慳錢都唔係咁樣嘥時間
608 去土瓜灣係慢線，E23土瓜灣去東涌又係慢線，再加上E23又疏車，本身單坐一程E23已經唔吸引

類似原理，北角東部去屯門102/112轉60X比起116/608/106轉61X仲平少少，但兩者預咗肯定都唔快。

Quanta 發表於 2021-4-6 01:38
講真 呢個轉乘真係唔知整嚟做乜。 608轉慈雲山方向嘅E23，會仲有用過東涌方向囉 ...

有趣在20/22九龍灣或啟德可以有BBI上慈雲山
但608就連九龍段都無

雖然慈雲山班客應該都會搭3B/5C（紅土）/ 15A（九龍灣） / 116（港島）

搭E23梗係用紅隧車喺佐敦轉啦
冇BBI都同你608轉唔多價錢
608本身已經疏車仲要兜大個圈想唔慢都難啦

又講真中環轉E11同佐敦轉E23兩種方法唔係慢得幾多
唔塞車兼車駁車之下基本可以拍得上黨鐵咁滯
只不過真係衰在班次唔密同時間唔穩定