元朗區議員就輕鐵第六期支線提問及要求加強751服務

Twinings 發表於 2021-4-14 09:01
54區有冇預留位比輕鐵接駁田景/兆康？

興貴街同欣寶路係新建道路，中間或路旁花槽位夠闊起柱躉支撐架空路軌，每個新站設一部lift連接地面。

AVBWU291 發表於 2021-4-14 09:24
夠位。車廠仲唔少位，因為元朗總站同天水圍站有outstable

謝謝提供資料，咁只要港鐵肯多買新車理應能改善各區服務，就算唔想買車住，咁點解要咁急第五期落晒地就要全批第二期退休？批車又唔係差到行唔到，要一架零件先退一架唔得？

751 加強服務幫到兩區，但港鐵覺得用車多又唔滿（其實只係多流水客），成日疏車。

b123as 發表於 2021-4-14 15:53
謝謝提供資料，咁只要港鐵肯多買新車理應能改善各區服務，就算唔想買車住，咁點解要咁急第五期落晒地就要 ...

751都難加車，因為受路面因素影響得幾緊要（起碼遠高過其他綫），同埋客量都幾飄忽。疫情前同可以返全校嗰陣，751上繁喺天水圍係兩邊拖卡都沙甸魚（西鐵站方向大約8成通勤客2成學生，天逸方向就學生客為主），屯門就單卡先爆；日間非繁就睇路段，某啲位拖卡都有機會爆（屯門方向嚴重啲，視乎706有冇脫班，同埋洪水橋嘅上一班車走咗幾耐），但同一時段單卡都可以半吉車（尤其下晝2點前往天逸，同埋部份路段）。

至於復課嗰陣，中午同時有返學同放學，但仲玩緊非繁班次，就真係好爆。加上啲學生成日企埋一堆打機，又唔行入啲，令問題更嚴重。仲未計有醫院客同買餸客。只要係單卡班次，例牌遲到。就算係拖卡，都可以爆哂棚。


所以，751問題非常難搞。睇過連登某位輕鐵車長開po，講過751係最難揸嘅綫。

另外，自從19年6月改時間表後，751上繁拖卡比例已經過半（唔計停課期間），12個車序，有7-8個左右係拖卡。

newlife 發表於 2021-4-13 23:39
12年後才落成嘅天慈路新公屋其實好近現有天湖輕鐵站，反而掃管笏一帶今日已新樓茂密但一個鐵路站都冇就有 ...

仲嫌507唔夠長咩⋯⋯
而且54區本身無預起輕鐵，
都只係靠港鐵新購入嘅4部雙層巴士接駁，
所以，當運輸署決定54區班兆康站嘅路線以外，
加多一條可以直出屯門市中心嘅時候，
已經要「謝主隆恩」㗎喇！！！

GD1570 發表於 2021-4-15 11:24
仲嫌507唔夠長咩⋯⋯
而且54區本身無預起輕鐵，
都只係靠港鐵新購入嘅4部雙層巴士接駁，

507喺輕鐵網絡嚟講算短喇，610、614、615更長！54區用架空軌已可以，唔一定要預留路面。巴士可能塞車，而且要等紅綠燈，架空輕鐵就冇呢啲問題。

newlife 發表於 2021-4-16 15:25
507喺輕鐵網絡嚟講算短喇，610、614、615更長！54區用架空軌已可以，唔一定要預留路面。巴士可能塞車，而 ...

宜家mtr寧願買巴士好過起輕鐵支線,你睇506過18年仍然行巴士,宜家改為雙向都唔轉返輕鐵

groom1002 發表於 2021-4-17 14:31
宜家mtr寧願買巴士好過起輕鐵支線,你睇506過18年仍然行巴士,宜家改為雙向都唔轉返輕鐵
...

506巴士走線本身都有輕鐵覆蓋，衹不過係分流屯門站507去屯碼人潮，9年後屯門南綫通車更好大機會即時取消506接駁巴，甚至重組507走線。

輕鐵蝕咁多錢，唔拆都偷笑，仲想加新線？

284 發表於 2021-4-17 18:22
輕鐵蝕咁多錢，唔拆都偷笑，仲想加新線？

唔係咁計，如果帶多咗人去搭西鐵，依然有機會賺到錢，除非條輕鐵線完全獨立，無法接駁重鐵。

284 發表於 2021-4-17 18:22
輕鐵蝕咁多錢，唔拆都偷笑，仲想加新線？

咁K巴又點呢？係咪蝕得仲「金」呢？
54區駁鐵線又冇影？