LWB路線A33係唔係應該暫時縮短？

kitarolo 發表於 2021-4-11 12:20
3蚊都係錢

宣傳與城巴競爭A線就算啦

你自己都講左真正問題所在。
E33車海，A33繁時都2、30分鐘一班，非繁仲成個鐘先一班，香港有咩人會特登等一粒鐘一班既巴士，仲要明明有條又密又平$3既E33係隔離。
人地城巴E22A做全日半個鐘一班都有本事食到九東貪快見車就上客，A33敢做返全日半個鐘一班再執下E33班次故意留係A33後面先到，屯門區內一個站執返十個八個客不是夢。

Man@MFHK 發表於 2021-4-11 17:37
你自己都講左真正問題所在。
E33車海，A33繁時都2、30分鐘一班，非繁仲成個鐘先一班，香港有咩人會特登等 ...

其實A E 33 而家服務對象嚴格來講得蝴蝶兩個站係重疊
要拎你個例子嚟比其實應該用A33X

但始終而家A33 個問題係行緊人口密度低地區
青山公路一帶一直都好似冇乜需要（你見未開屯赤前cut 淨一兩班就知）

而龍門居A 車又比A34 做埋
碼頭更加唔使講，冇人會企喺度等一粒鐘，全部都會去晒蝴蝶站叫4飛

elmmoo 發表於 2021-4-11 19:13
其實A E 33 而家服務對象嚴格來講得蝴蝶兩個站係重疊
要拎你個例子嚟比其實應該用A33X

其實而家有咗屯赤之後，A同E已經分哂家嘅啦。除非將啲A線拉哂落飛機維修區，E線就拉哂去東涌區內嘅總站唔入機場島，否則A同E已經係做緊兩班唔同嘅客。
喺同時有A同E嘅地方，我唔係去機場根本唔會上A，去機場嘅根本唔會上E。

miklcct 發表於 2021-4-11 19:34
其實而家有咗屯赤之後，A同E已經分哂家嘅啦。除非將啲A線拉哂落飛機維修區，E線就拉哂去東涌區內嘅總站唔 ...

唔係講緊A33 咩
A33 大部份服務範圍都係冇E 線

elmmoo 發表於 2021-4-11 21:28
唔係講緊A33 咩
A33 大部份服務範圍都係冇E 線

A33沿線無E線，但到現在客量似眾屯赤線中最差。
幾次見到佢在屯碼那邊自轉，無論日間還是晚上，車上都係得幾個客。

在走線和路面情況考慮下，我覺得A33沿線要去東涌/後勤的乘客，可能用其他方法去到駁到E33既站轉車，而不是用A33屯赤E線轉乘。
碼頭步行到蝴蝶，話遠不遠話近不邊，不太肯定係咪大部份潛在客源，會步行到蝴蝶站/蝴蝶灣叫幾飛還是單靠A33。

arfung 發表於 2021-4-12 09:37
A33沿線無E線，但到現在客量似眾屯赤線中最差。
幾次見到佢在屯碼那邊自轉，無論日間還是晚上，車上都係 ...

E線其實有責任兜埋入碼頭，我唔明龍運點解唔襯改路順便拉埋E33入碼頭，依家屯門入機場快左咁多，兜埋都唔過份。係都要繼續同A線鬥快係咪傻架？
A33應該入市中心執雞，海珠路之後A33同E33對調走線，碼頭交俾E33去兜，咁先有運行。

Man@MFHK 發表於 2021-4-12 13:32
E線其實有責任兜埋入碼頭，我唔明龍運點解唔襯改路順便拉埋E33入碼頭，依家屯門入機場快左咁多，兜埋都唔 ...

很明白你的想法，我覺得龍運的設計有點貪心，間接/直接想做到以下效果：
1/ A36/37($18.9)市中心停站，因不入VIP區故比A33X($15)快，(將來)想快既客就比多$3.9；
2/ A33X($15)豐景園後直往屯赤，比E33($12)經龍門路停站快5分鐘，加埋直達港珠澳/機場吸客；
3/ 將A33($15)放入碼頭區自轉，搏該區乘客唔想步行到蝴蝶站而比多$3坐A車去機場/屯赤轉東涌車；
4/ E33P兜泳池，令其感覺比A34慢…(當然A34繞經大興圈蝕番曬時間另計)
5/ A33沿線無E車，想谷客搭佢轉E車 (不過該些區域客群有多大，會否只等A33而不用其他車駁腳就另計)
6/ 路線設計令E33/A33X相對較直接，回車較快，必要時加班疏客就集中呢2條線。

估計(1)係最有效upgrade客，其他就視乎目的地。
其實差$3，對比以前既(27.7 VS 13.9)已經大幅降低，若去機場而樓下有直車，會A線見。
反而往返東涌/後勤，無E線既位置，會用A車轉乘，還是其他交通工具駁腳/步行到E車車站就因時制宜。

arfung 發表於 2021-4-12 16:14
很明白你的想法，我覺得龍運的設計有點貪心，間接/直接想做到以下效果：
1/ A36/37($18.9)市中心停站，因 ...

A36、A37停屯市都唔會有人上車，你當市中心人傻咩？E33車海乜客都清走晒啦，$12 vs $18.9仲要疏車邊個會搭？我勸龍運到時直飛龍富路走算，唔好諗住打劫屯門人。
當年城巴開A29就cut E22A班次到全日30分鐘，龍運就係唔識玩呢D，仲要拎條A33去兜路。如果龍運勇敢D襯改路減價加密返A33班次兼入埋市中心，再拉疏E33班次兼搵佢兜碼頭而唔係A33兜，只要市中心做到E33同A33梅花間竹聯合班次，每日食返一半市中心客都咪話唔和味。

A33原來係靠2大客源，1）青山公路居民+2）屯門碼頭居民，
結果係1）青山公路居民係冇乜人返機場返工，2）屯門碼頭居民，係寧願去蝴蝶灣站，搭巴士或者搭的士，直接去機場，所以A33如果冇旅客，非繁忙時間，絕對係冇需求。

同時段A33X同A34都有一定搭客，就分別到需求係呃唔到人

Man@MFHK 發表於 2021-4-13 13:56
A36、A37停屯市都唔會有人上車，你當市中心人傻咩？E33車海乜客都清走晒啦，$12 vs $18.9仲要疏車邊個會搭 ...

E33 益咗龍門居就無可能益埋屯碼
龍門居如果由 E33P 拉直做埋就肯定會嘈得返半日 E 車

而家問題在於屯碼需求應該高過 A33 其他低密度地區
如果屯碼撐得起全日密車需求，咁我寧願 A33 學 68/ 68F 拆多條短線做屯碼 <> HZMB <> GTC