點解倫敦LHR機場唔見有機場巴士特快去全市各區？

bus_mister 發表於 2021-4-11 16:57
講緊巴士，豪華雙層巴士呀。唔係樣樣野都覺得有一樣交通工具就可以替代到。
...

上面已經講咗點解冇
點解香港有其他城市就一定要有？又唔見好多英國人出黎鬧冇巴士到？

唔好將香港嗰套放落其他城市度好冇


唔係大家都係國際金融中心就要所有嘢都一樣架

雙層巴士都已經吾comment,吾好話直車

michlui0718 發表於 2021-4-11 17:07
首先你要明白唔好將香港嗰套代入去世界其他城市度用
香港係好特別，人口密度極高，而且好多地方人口都係主 ...

我睇埋其它城市，深圳、北京呢啲除咗機鐵之外都有幾條至十幾條機場巴士路線直達全市各區。例如深圳除咗常規公交之外亦有幾條機場大巴，北京都一樣，去到歐洲嘅伊斯坦布爾都一樣。

至於我去過咁多個國家嘅機場出過閘嘅，有啲（例如Riga）就真係得一條巴士線服務，真正獨市生意，但係嗰啲國家係全國嘅人口都少過香港呢！機場得嗰一條跑道呢！

有需求自然就有服務，都唔使替佢擔心！

miklcct 發表於 2021-4-11 19:04
我睇埋其它城市，深圳、北京呢啲除咗機鐵之外都有幾條至十幾條機場巴士路線直達全市各區。例如深圳除咗常 ...

第一樣嘢，深圳北京有係咪代表倫敦要有呢？
點解係都要將唔同國家啲城市放落同一個標準比較呢？
成個大倫敦除咗Underground網絡，本身英格蘭南部國鐵National Rail網絡四通八達，基本上已經做埋通勤功能
部分路段甚至可以拍oyster card當Tube咁搭，深圳同北京可以比擬嗎？

就算計人口密度，深圳市區本身都已經高過倫敦唔少，而且全市得一個機場（而倫敦周圍有六個），做得起機場巴士有乜出奇？

第二樣嘢，伊斯坦堡機場其實未有鐵路，冇機場巴士你叫人行路嗎？

bus_mister 發表於 2021-4-11 15:52
以前有A1 A2 用豪華olympian行，後尾都係因為個d咩同地鐵重疊原因取消，同埋塞得太勁唔準時 https://www.mi ...

講開嗰幾部豪華Olympian,小弟有幸坐過一次
嗰次應該係2001年左右,雖然仲係機場車
不過已經調左去行Central London至Stansted機場路綫
雖然冇影到内籠,記憶所及入面豪華過香港嗰啲
如果冇記錯，好似仲有閲讀燈
上層右手面車頭位超闊

michlui0718 發表於 2021-4-11 17:24
第一樣嘢，深圳北京有係咪代表倫敦要有呢？
點解係都要將唔同國家啲城市放落同一個標準比較呢？
成個大倫 ...

再加上倫敦人視巴士係短途交通，倫敦基本係無行快速公路既公共巴士 (除左入 LHR既 A10)。
而鐵係計入Daily Capping 同埋 Travelcard Zone 入面，都唔洗怕比多左錢。

同埋最後，真係要直接，點解唔Call 車 (Private Hire)，3個人坐一架車都可能比豪華大巴平。

michlui0718 發表於 2021-4-12 01:24
第一樣嘢，深圳北京有係咪代表倫敦要有呢？
點解係都要將唔同國家啲城市放落同一個標準比較呢？
成個大倫 ...

有一啲城市嘅機場一樣無鐵路，但只有一條 local bus 連接市中心，唔會好似伊斯坦布爾咁有成十幾條豪華機場巴士，當然嗰啲機場亦都唔似伊斯坦布爾嗰啲咁大啦，成個城市得幾十萬人口。

倫敦有6個機場，但只有2個機場係大型機場：LHR同LGW，其餘嗰啲全部都係得1條跑道嘅細機場（LGW都係偽雙跑咋）。

倫敦屬於英國，明顯發達過北京廣州深圳，規模大過香港，咁啲公共交通服務應該要好過以上地方啦！