2021-2022 大埔RPP最新修訂

053h4 發表於 2021-5-6 19:39
分流係好事，例如安達而言就分流左去彩虹及藍田。

但富蝶而家邊係分流。市區客搭遠左。

火車客流南下一定多,但唔代表北上一定冇客,
特別呢D新屋邨有好多講普通話客都係北上,
去太和對佢地黎講其實可能仲方便左

咁講，又冇話富蝶駁左去太和之後上左班要企的東鐵唔可以大埔墟落番車轉有位坐的特車喎
駁去太和分流係好事，反正如果71K會入埋富蝶，富蝶去埔中都可以搭71K

其實有冇人諗過即係變左 71C

將來一定會要71K 變埋做 71D

東鐵9卡化後係咩世界冇人知。有人話到時大埔墟特車除時全日化：我當堂嚇一跳，然後得啖笑。呢位版友話唔定係喺港鐵話得事既人嚟…雖然佢都只係話「可能」。但得9卡運載力下降幾乎係事實，我唔覺得所謂既「加密班次」可以彌補到少咗嗰3卡既載客量，你而家係講緊以車卡計得返75%容量呀，你要加多33%班次先補得返哂…仲要增加短途車比例？唔驚北區甚至太和反面？你話新車卡設計塞得落多啲人，咁咪即係服務質素下降…

富蝶邨入伙後啲人點諗冇人知。難保原來到時新移民佔大多數，(就算唔係新移民渣庄)啲人傾向要條線駁鐵北上探親，咁去太和就仲近一個站…同樣可能性適用於現有任何屋苑。

anyway將來既嘢冇人知，所以就講返而家先。

照常理嚟講就梗係優先執靚條未開既新線，而唔係改動現有舊線再之後開返條同未改前差唔多既新線，除非舊線好大問題一定要改，但係咁既話之後開返條幾乎一樣既新線似乎多咗幾舊魚。

有人話富亨人想霸住大火所以耍第日啲富蝶人去太和企(甚至等多幾班車)。我唔否定有呢啲陰謀論。不過，我唔知第日富蝶個巴士總站喺邊個位(印象中係喺一期上少少，同而家富亨總站相距2~300米，同二期最遠嗰座好似有段距離)，但係富蝶人唔識搭其他車(有傳智X密謀緊富蝶插旗)甚至(如果肯行)行落富亨搭71A咩？畀你成功耍到富蝶人唔去大火(事實上又應該真係耍到啲既)又點？大埔得返富亨吖？你當大中大元富善廣福死架？你耍得幾多？(運頭塘+新達：大火我地頭，落樓下就係，車都唔駛駁。咪當我冇到！太和：…none of my business)同埋唔畀掉轉諗係有人想耍走富亨人去太和？你又知富亨一定冇人想要去太和？

新線改去太和最主要厡因係分流，唔想咩3927都去哂大火(同埋話唔想乜車都塞哂喺南運路)，我認同，否則，跟本唔駛開新線，直接拉71A上富蝶就OK。同樣道理如果純為避塞車而取太和棄大火，直接改71A就OK，同樣唔駛開新線再要71A跟機(南運路可改塔搭71K)。所以我覺得最好做法係71A都拉埋上富蝶同新線一齊然後「分流」，順便重新分配富亨車坑。當然富亨應該唔肯放手71A，「驚上唔到車」，但係呢啲睇班次既啫。既然係咁，正如上面咁話，與其將71A改嚟改去之後開返條延長版舊71A，不如直接改新線。反正現階段冇辦法準確預測富亨富蝶邊邊比較想要大火或者太和。

謎音：爭咩呀爭，溝埋一齊喺富亨富蝶中間起個大型聯合總站吖笨！p.s.係咁計個站會算係喺富蝶邨範圍(同而家預計嗰個富蝶總站唔多位)，原來係掉轉，要富亨人行上去向^o^


題外話，又講返將來，大火特車全唔全日化我唔知，但係既然都係講「可能」，咁又有冇可能掉轉頭諗係紅磡特車唔過海用返12卡？

Oliver_ME16 發表於 2021-5-6 19:36
其實我覺得新線去太和呢個提議真係唔錯,
起碼唔駛塞入新達先.
難得今次係新資源做分流,唔係拎71A一換一,

如果太和上到火車嘅，富蝶條線去太和冇問題架，我唔會反對
但我唔認為東鐵減卡後，早繁南行太和會上到火車
呢一點我之前喺 907B 應否太和尾站嘅討論已經提出過
而基於呢點，我認為 907B 太和尾站係有戰略價值

東鐵繁忙時間要做密班次就一定要靠區間車
呢點過去現在未來都係咁做
太和至邊境係最少班次嘅一段路
而太和係呢段最少班次路段嘅最後一個站
會係最難上車嘅一個站
當北區居民同版友擔心減卡後佢哋都上唔到車
咁太和又可以點上車?
另外亦有好多版友覺得火車過海後，繁忙時間新界東過海巴士仲有得做
原因係因為東鐵減卡後會上唔到車
上面嘅討論仲要已經冇計算林村大窩人口持續增長令太和站更多人用呢個因素

支持富蝶新線去太和嘅版友，應該答下以下呢條問題：
你覺得東鐵減卡後，早繁南行太和上唔上到火車？
如果你同我一樣都覺得上唔到嘅，咁點解要富蝶居民去一個上唔到車嘅火車站轉車？
如果你覺得最難上車嘅太和站都上到火車，而又咁不幸俾你預測正確
呢樣嘢只會對新界東繁忙時間過海線造成毀滅性打擊
當直接過到海嘅火車冇上車困難，仲邊有人會揀塞車越來越嚴重嘅過海巴士線？

北歐暖男洛基 發表於 2021-5-6 20:56
東鐵9卡化後係咩世界冇人知。有人話到時大埔墟特車除時全日化：我當堂嚇一跳，然後得啖笑。呢位版友話唔定 ...

https://www.hkitalk.net/HKiTalk2/thread-1018617-3-1.html

因為全9卡化後，3：2：1 35抽車先免強做到22班，加單後就去到25-26班。

但非繁有車要維修，要做番而家個運輸能力，要行22班（唔計頭等等同現時16班車數量的普通等車卡）的話就3：2：1先做到。當然非繁我搵唔到有人講點做，但應該就會保過海段，即係維持大埔墟以南班次優先。

我唔係港鐵，但如果關口開番，佢唔開短棍，以現有車隊數目就好難唔迫爆。

天空之神 發表於 2021-5-6 19:54
其實有冇人諗過即係變左 71C

將來一定會要71K 變埋做 71D

又或者271A同271D

YY487 發表於 2021-5-6 21:24
如果太和上到火車嘅，富蝶條線去太和冇問題架，我唔會反對
但我唔認為東鐵減卡後，早繁南行太和會上到火車 ...

好心你咪吹水啦
我就係成日用太和站
就算未封關前最多都係無位坐, 根本無上唔到車, 甚至連好迫都唔算囉

chinahk30 發表於 2021-5-7 11:49
好心你咪吹水啦
我就係成日用太和站
就算未封關前最多都係無位坐, 根本無上唔到車, 甚至連好迫都唔算囉

未必咁講，因為封關前12卡，封關後9卡可能另一世界

chinahk30 發表於 2021-5-7 11:49
好心你咪吹水啦
我就係成日用太和站
就算未封關前最多都係無位坐, 根本無上唔到車, 甚至連好迫都唔算囉

如果你覺得火車過海減卡之後，早繁南行太和仲可以好似你咁講輕鬆上車，基本上得兩個可能性

情況一
火車毫無吸引力，就算減完卡早繁都唔會爆
好似初開嘅西鐵咁

情況二，好似南港島線咁
火車提供嘅運載力大過地區需求
鐵路可以輕鬆上車同時打殘晒啲巴士

你覺得火車過海減卡之後，早繁南行太和仲可以輕鬆上車，唔知你覺得情況一定情況二會發生？
定係你有第三種推測？