九巴掛牌制係咪名存實亡？

GD1570 發表於 2021-5-15 10:11
以前？
以前有冇咁多巴士？
以前有冇咁多路線？

以前巴士仲多
以前路線仲多
你係咪唔知呢廿年九巴啲線cut咗幾多次車，就算開新線都補唔返條數幾多線以前開個位數字班次，而家開15 20 25 30？
以前又冷又熱又低地台又兩軸又三軸
以前仲要冇用電腦

teddybus 發表於 2021-5-15 07:45
唔通嚟嗰架唔係掛牌，你就唔上得車？
題外話，其實唔跟掛牌出車又唔係咩大件事，不如你直接講係咩線，好 ...

最慘係本身班車掛牌就12.8，點知出部12米低載
去到下游幾個站門都唔開想逼入去都唔得
朝早還好，去到下午蛇車可以(一至五)一個月拎到十幾部唔同的車

例如城隧永遠都有唔知那兒來的ate avw avbe avbw asu/e6m

moonchan 發表於 2021-5-15 11:20
最慘係本身班車掛牌就12.8，點知出部12米低載
去到下游幾個站門都唔開想逼入去都唔得
朝早還好，去到下 ...

蛇車朝早好多時派部中段有工程嘅車出嚟
工程佬整唔切，下段咪求其拎架車出街囉
好過無咗班車先

以前字軌早夜更同一部車好穩定咁同拍檔交更
但近年開始玩跳飛機
車長一更入面會接幾部車
啲車又可以係來自同站隔離線
早夜更拍檔可以同時開緊工
越黎越複離

teddybus 發表於 2021-5-15 07:45
唔通嚟嗰架唔係掛牌，你就唔上得車？
題外話，其實唔跟掛牌出車又唔係咩大件事，不如你直接講係咩線，好 ...

唔係一條線嘅問題，而係好多線都係咁

部車係咪掛牌車對我嚟講無咩影響，每朝都可能有彩蛋係幾正添
我係好奇個制度係咪死咗

neoplan720p 發表於 2021-5-15 02:36
對你有咩影響？
你話搞到班次不穩就話……
人地行跳飛機定掛牌，只要唔係收車脫班，對班客根本無影響。

我要捕車通常只係by車型，唔會指定某部車
當然佢係咪行返掛牌線的確對我有些少影響，但唔算大

要捕到嘅，即班中都有可能
今年1月淨返幾部時，晚繁捕城記古典部Super Olympian有試過
唔好彩嘅，等好幾班都可以無
試過等34想坐ASV，結果連出3班ATSE
甚至目標車輛中途跪低擺街都得
我就唔會賴落掛牌制

攞個比喻講下。

一國兩制喺名義上仲有㗎喎，咁但係實際運作上係咪跟到足，甚至係咪當佢有道，就另一回事啦。

掛牌制同理，名義上仲有㗎喎，每個字軌都有一部掛牌車，即係話除咗過鐘、交換用車、壞車嗰啲突發嘢，同埋做緊大修/月驗嗰啲嘢之外（柯打係用返同一字軌，所以唔會「錯配」），你每日搭緊嘅同一班車，應該係同一部巴士。咁但係九記喺實際運作上好少跟到咁足㗎嘛，尤其近年好多佬係自己攞咗架車之後先報款待處，咁佢哋都唔會睇架車係咪掛牌啦。派更亦因為唔同因素而冇跟足掛牌制。

再加多個原因，就係之前好多佬出緊日薪，有車型津貼。喺12米車未大行其道嗰陣，派咩車行咩字軌，由邊個佬揸，都係考慮因素之中。而家通街西瓜波，邊個揸已經冇所謂，車型限制又少咗，咁咪唔使死跟住掛牌制囉。

講咗咁多，掛牌制係咪名存實亡，就你自己判斷啦

Waiyin12 發表於 2021-5-15 14:48
唔係一條線嘅問題，而係好多線都係咁

部車係咪掛牌車對我嚟講無咩影響，每朝都可能有彩蛋係幾正添

你搵得到掛牌表，咁你話係咪死左？

我搭開嘅23M自從成日行嘅7059退咗之後 (除咗之前419久唔久客串一兩日) 而家都係架PK4305 TC4852行多啲 仲有而家成日都有ATSE行

我搭72X朝早7:45分嗰班，日日都可以唔同車...