遞手示意問題

就算個巴士站得一條線我都會揮手示意
因為我覺得呢個係一種禮貌,亦係對司機既尊重

原帖由 Porcelain 於 2007-6-11 12:36 PM 發表
就算個巴士站得一條線我都會揮手示意
因為我覺得呢個係一種禮貌,亦係對司機既尊重

我好贊成你的講法，這是對司機的尊重
但揮手一定要有技巧，否則司機誤會，反而停車，不如不遞好了。

我想講,美國d人都唔會做任何姿勢去俾巴士司機知道佢想上架巴士,
佢地係扮到唔care,於是我試過咁樣而飛走左個人,唔同的係...當我下個站pick up 番佢,我同佢講sorry,佢會同我講番sorry...香港..唔講粗口都算係咁喇

原帖由 virus 於 2007-6-10 20:31 發表


甘就要睇下你揮手揮得有無技巧喇，
只係手掌郁手臂唔郁就可以，
再唔係搖下頭一樣得。

我識得有個駕金巴既車長，
若果乘客肯遞手，
係會特意停係肯遞手既乘客所處之位置，
( 即使站牌附近有其他乘客都好 )
仲一定會開埋雙門 ...

我會選擇在巴士快到時慢慢企後兩步，

咁司機見到就知我唔係搭佢呢架車

原帖由 superay 於 2007-6-11 14:00 發表


我好贊成你的講法，這是對司機的尊重
但揮手一定要有技巧，否則司機誤會，反而停車，不如不遞好了。

我意思是遞手示意想上車

可能我轉述我阿爸的教誨有誤啦，我真係遇到我唔搭的車，會退後／擰歪面／搖頭，
總之就係唔郁手，因為即使左右搖／擺出「如來神掌」姿勢都可能會引起誤會。我強調這只是個人做法。
要搭的車來到時，我不止會遞手，更會上下揮動，好似F1賽車揮旗咁，
直至見到司機打入站指揮燈（不太繁忙的道路）或埋到站（繁忙道路）才停止。

我亦遇過有幾個人等車（有專用排隊欄），只有我揮手，司機停在我面前的經歷。

另外，286M入到荷里活廣場，一定好多人落，但冇一個打鐘，我就次次打鐘，
幼承庭訓，循環線即使去到標示的總站都要打鐘，否則司機絕對有權唔畀你落。
尤其是N年前那條84X，九龍只有一個站，又少人搭，唔停就返入沙田架喇。

你遞手真係要遞耐0的，好多乘客以為司機係會一路望實巴士站，
你估機械人咩，咁0岩望一望右鏡，你又遞一遞就算，誤會就由此產生

原帖由 nwfb23 於 2007-6-11 23:24 發表

你遞手真係要遞耐0的，好多乘客以為司機係會一路望實巴士站，
你估機械人咩，咁0岩望一望右鏡，你又遞一遞就算，誤會就由此產生

呢樣又係真0既，至少遞到架車打燈埋站或
者師傅用大燈閃你先好放手。

因為以前我試過係港大東閘遞手截 3B 返屋
企0個陣，就係因為師傅睇唔到我截車而差
D 飛站......

原帖由 fatku 於 2007-6-11 10:40 發表
我記得兒時曾有廣告宣傳巴士到站，乘客應遞手示意。

ps. 哈哈，這個題目讓我想起中學時有老師在地鐵站「截地鐵」！在英華唸書的板友可能知道此事。 ...

依我冇聽過依件事喎,師兄介唔介意講多少少分享下?