24/5起九巴6P往蘇屋方向繞經油塘巴士總站

EX-TL 發表於 2021-5-24 01:13
觀長特快用296C做真係笑咗, 亞皆老街 長沙灣道 荔枝角道你估行車速度好快, 淨係亞皆老街行兩條橋就叫做特 ...

前排坐車計過98c同係轉車站轉296c既比較
淨計采頤花園去旺角站 飛橋快過唔飛橋5分鐘 飛埋站的話數字上應該會幾好睇

觀深要行多一區揀竹園......直接合併2B同11C做214A，行大埔道龍翔道入竹園返回11C原線，近乎無成本做到觀深，仲要停正青山道。車程亦都相信快過6D拉入觀塘，又唔駛加車。

EX-TL 發表於 2021-5-20 21:12
阻住你拉6D去裕民坊計劃?

裕民坊又唔係冇位

Ravenclaw 發表於 2021-5-24 00:42
搵40做好過...

40冇可能，東行一兜荔枝角即趕客

EX-TL 發表於 2021-5-24 00:54
對於板友話裕民坊批懶人未必會行落去坐鐵, 其實佢講緊嗰班人係凱匯居民定係邊個?

裕民坊同觀塘站只係半條 ...

咁都係幾年後既事，何況九巴而家自己話想搵6D過來，咁係時候諗6P去留差唔多。

qunow 發表於 2021-5-24 03:09
裕民坊又唔係冇位

要求低到食垃圾?

FBI2 發表於 2021-5-24 09:01
咁都係幾年後既事，何況九巴而家自己話想搵6D過來，咁係時候諗6P去留差唔多。 ...

九巴搵還九巴搵, 你要加持吹奏好多都係廢話, 講完等於冇講.

clivetock 發表於 2021-5-23 22:34
荃葵已經有38／40／42C／290系 40P又即將全日 肯唔肯出資源陪深水埗搞觀深先？
...

呢個我喺F1版探討過，都唔想騎劫呢個po:
https://www.hkitalk.net/HKiTalk2/forum.php?mod=viewthread&tid=2112404&extra=page%3D1&mobile=2

我自己咁睇，荃葵最想要嘅，係嗰堆油尖旺慢線改快或拆線
但拆出嚟嘅深水埗線，九巴嫌太平唔肯做，亦驚無客同埋無位擺車，亦唔會有額外車攞嚟拆；所以將條深水埗線東延，既應吸引批新客，又能收貴啲，變咗喺實際情況之下，可以更互惠
所以一條九東<>深<>荃嘅路線，其實對深水埗都有用

至於係實際情況之下，行深水埗又係咪一定同「慢」掛鈎呢? 攞觀塘荃葵線嘅車，又係咪一定係唔掂呢? 好明顯唔係，我上面開240嘅建議，已經係一個例子，證明出資源都可以互利互惠。

理論上荃葵未必肯，假如識善用條線嘅話，條路線始終都幫到佢地，實際上好大機會會批

S3BL100 發表於 2021-5-23 23:02
31B 796C 點同？
人地係做外區居民前往深水埗，仲要 31B 做鐵路沿線以外地區、796C 行車時間對比鐵路都仲 ...

都係嗰句，我唔介意討論，但係一個有數據同事實支持嘅回覆，比起空談會更有內涵

呢個又係有蓬之心嘅一個例子，不過呢個正常，因為好多人都係覺得青山道好似十年前咁，係最興旺

事實上，一區最中心、最興旺地帶同行過嘅巴士線都無關係。或者咁講，就係因為嗰區最多人，嗰啲巴士先經嗰區，無分外唔外區㗎。深水埗中心喺長沙灣道，咁咪長沙灣道囉。你唔會話呢條路線就長沙灣道、嗰條唔線道青山道㗎。無論架車行邊度，長沙灣道都係最多人嘅地帶。喺呢個情況之下，31B 796C定觀深線，全新一模一樣樣

另外，點解觀塘唔會去深水埗? 舊有觀念覺得觀深一定要行觀塘道，結果推導至「同地鐵重疊」、「只有深水埗人去觀塘」呢啲錯誤嘅諗法。現實上，如果架車係行牛頭角道，一樣都會吸引牛頭角道沿線住宅搭觀深；觀市亦唔係無人住。

觀深同鐵路相比係咪無時間優勢? 我唔想騎劫呢個po，所以我喺另一個po有講過：
https://www.hkitalk.net/HKiTalk2/forum.php?mod=viewthread&tid=2112404&extra=page%3D1&mobile=2
同796C一樣，觀深除咗做外區人去深水埗，其實都做緊九龍城至深水埗嘅客。

至於青山道，其實喺條塞車嘅道路上再加車，只會削弱特快效果，唔見得對深水埗人有益。行出長沙灣道，都只係5分鐘到，青山道塞車，都唔止5分鐘啦
運輸署講796C都咁講過：「長沙灣道的交通比大埔道元州街暢通，故實行方案後，反而可令回程由蘇屋至將軍
澳的班次更為穩定。」

最後，2A 6D會分餅? 呢樣你唔使同九巴擔心。一個咁好嘅機會去將7蚊樓下嘅乘客升級，你係九巴，會唔會設法吸引乘客上觀深? 九龍灣、牛頭角、觀塘夾埋有33.6萬人，呢個數係已經減走觀塘山上嘅人；就算當一半係觀塘道以東 (實際上更少，因為觀塘道以西根本無咩人住，除咗德福)，都有16萬人。所以無潛力同高估觀深呢句，廿年前仲適用，廿年後可能已經少少過時。
(12:10 補充：sorry, 原來我33.6萬呢個數字係計埋麗晶花園、樂華邨、翠屏邨同埋順利邨。減番之後，真正住呢三個地方嘅，應該得24萬人，除2即係12萬)

EX-TL 發表於 2021-5-24 01:13
觀長特快用296C做真係笑咗, 亞皆老街 長沙灣道 荔枝角道你估行車速度好快, 淨係亞皆老街行兩條橋就叫做特 ...

老實講，用296C做觀深我都覺得幾好笑，又塞旺角霸住曬quota，深水埗區又係擦邊就算。我試過一次搭296C，由荔枝角道去到眼科醫院已經要半個鐘，最尾好似用咗45分鐘先去到觀塘

同意你所講，觀深一定要飛哂啲橋，而且兜旺角亦似乎比較趕客，飛埋旺角，我諗先做到比地鐵直接同快嘅觀深。

我會咁睇：原本收8.8，而家學師兄咁變成6.8 (7.2)，九巴未必肯做，而深水埗亦未必夠位擺車。最直接嘅解決方法，係延長至荃葵，好似42咁用荃葵價做九龍客，九巴先夠誘因做。
但係荃葵唔會貿貿然比條觀深入去，所以荃葵嘅定線要滿足佢地想要嘅野，先會肯比條線入去。荃葵最想要嘅，係將啲油尖旺慢線，即係35A嗰類加快，所以條觀深其實可以做深水埗嘅替代品，一石二鳥。咁九巴先會肯做。

咁行深水埗，係咪一定代表由頭坐到尾一定係慢? 答案好明顯唔係，我唔想騎劫呢到，如果有興趣可以睇呢個：
https://www.hkitalk.net/HKiTalk2/forum.php?mod=viewthread&tid=2112404&extra=page%3D1&mobile=2