hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (F) Fantasy Zone / Fun享區 交通路線建議(F1) 建議開辦新線240,一條同時令九巴、市民同運輸署直接得 ...
開啟左側

建議開辦新線240,一條同時令九巴、市民同運輸署直接得益嘅線

  [複製鏈接]
AV296 發表於 2021-5-21 10:08 來自手機 | 顯示全部樓層 |閱讀模式

                                    Advertisement



之前建議過觀荃路線重組,喺唔影響現有乘客,車隊同繁忙路段嘅quota嘅時候,同時令234X拆線,觀荃提速,同埋做番13年放棄咁嘅觀深,都引嚟唔少意見。後來我諗返,的確有啲位思慮不周,於是諗咁一個新plan,可惜呢兩個月太忙,去到而家先打出嚟。 (講明先,因33B仍未落實,下面未考慮到33B)

背景
1. 234X走線唔吸引兼同30X重疊
2. 觀深至2013年之後就再無直達嘅巴士;即使係牛頭角道,6D又要繞經彩虹道同石峽尾,深水埗服務範圍亦只限青山道,不利真正觀深客,尤其係長沙灣道同內街等等。而地鐵只係有3個站,亦需轉車,亦唔夠舒適。
3. 296C深水埗服務範圍狹窄,而且要塞旺角,亦要同796C競爭
4. 33號非繁九龍灣同觀商完全拍烏蠅,淪為浪費資源
5. 40號每一班仍要兜美孚同長沙灣,即使有33號 (老實講,半個鐘好過無),最多只係黃大仙特快,因33號服務唔到觀市。
6. 290X非繁客量亦不及290 290A,過往italk都好多人諗住拓展290X服務範圍。

有見及此,建議開辦新路線240 (荃灣麗城花園 <> 觀塘裕民坊) ,途經觀塘市中心、牛頭角、九龍城、深水埗、荃灣市中人,每日服務,非繁每15分鐘一班

觀塘方向走線:青山公路 > 大涌道 > 荃灣路 > 葵涌道 > 長沙灣道 > 天橋 > 界限街 > 天橋 > 太子道東 (停富豪東方洒店) > 觀塘道 > 牛頭角道(停淘大花園) > 物華街 > 裕民坊

荃灣方向走線:裕民坊 > 牛頭角道(停淘大花園) > 觀塘道 > 太子道東 > 天橋 > 太子道西 > 天橋 > 荔枝角道 > 黃竹街 > 長沙灣道 > 葵涌道 > 荃灣路 > 大涌道 > 沙咀道 > 大河道 > 青山公路

[究竟行黃竹街、欽州街定東京街最好,定係其他走線仲好,歡迎大家討論]

長沙灣道至觀塘道中間停站:
觀塘方向:...、欽州街、花墟公園、明愛宿舍、喇沙小學、富豪東方洒店、譽港灣、彩虹邨、...
荃灣方向:采頤花園、喇沙利道、伯爵街、勵德街、拔萃男書院、塘尾道、大南街、...

用車:15
收費:$10.2,分段未諗好,歡迎大家討論
行車時間:西行 75分鐘 東行70分鐘

配合改動
1. 33改為每天服務,雙向兜經美孚、葵涌、大窩口及麗港城,改行全條觀塘道,雙向與40提供15分鐘一班聯合班次,合共用17架車

2. 40改為每30分鐘一班,不再經美孚

3. 290X雙向繞經美孚,並以麗城花園/灣景花園為總站,[改行荃灣路、德士古道、聯仁街,]東行與40提供15分鐘一班聯合班次
(究竟290X應該繼續行葵涌、大窩口,定係改荃灣直出,好似而家33號咁,呢點亦歡迎大家討論)

4. 34M取消,由48X雙向分段,以及荃灣站裝回贈機代替

5. 234X改行西九龍走廊,不再行長沙灣道及美孚,用9架車

6. 所有路線上下繁各增設特別班次,行番原本路線,以新路線編號命名

計劃好處

1. 234X有望變真特快,而觀荃亦有望享受半條真特快。
2. 觀深終於有一條真正、穩定而全面嘅特快,涵蓋成條深水埗最多人嘅長沙灣道,以及觀塘市中心,只需最快20分鐘。
3. 除令深水埗享有一程過去觀市嘅巴士,由於途經牛頭角道,因此亦有助牛頭角道沿線乘客去深水埗,唔使再忍受成日中途滿座嘅紅小、兜彩虹道石峽尾嘅6D、同埋要轉車兼要行一段路嘅地鐵
4. 九龍城去荃灣重新有直達嘅巴士,即使東行荃灣市中心服務範圍有限,而西行亦非覆蓋成個九龍城,但始終有好過無
5. 荃灣西約將享有每小時多2班去觀塘、多4班去九龍西,以及去將軍澳嘅服務
6. 對九巴而言,喺唔使加車情況下,用一條好頹嘅觀商新界線,換取貴一級嘅觀深同荃深線,提高車隊效率,兼且可趁機upgrade不同客源
7. 對運輸署而言,觀深有特快,兼且唔會令觀塘道同長沙灣道多咗車行,而且亦能趁機改一改296C,釋放旺角quota

計劃所帶嚟嘅損失

1. 安達安泰來往葵涌。由於順利已有更頻密嘅290A,寶達更有290;而且安達安泰本身無地鐵,且有88/214/290X <> 290/290A/38/40/42C轉車優惠,客量流失及實際影響預料唔大。

2. 麗港城去美孚,一個鐘會少咗兩班車。可增設或加大33/40/240/6D或219X/2/6轉車優惠。

3. 彌敦道去西約,部分乘客可能要行遠小小。

4. 九商/觀商去荃灣。不過33已證明,個需求實在太少,與其勉強留低,不如放手。

後續行動

1. 296C
296C觀深客成功被upgrade,如果九巴夠膽,其實可考慮將296C改行深旺道同大角咀,拓展填海區嘅新客源,同時釋放部分彌敦道quota出嚟。大角咀每個鐘多3班車去觀塘,13D/16有望趁機減班,尤其是13D,有望縮短去旺角火車站,成全九巴陰乾嘅大業。當然,實際上仲有好多野要解決,例如牛頭角道去大角咀。

2. 30X
30X理論上有兩個方向:第一,做荃威嘅邨巴,全條大涌道上公路。第二,做半個鐘一班嘅荃灣站接駁線,配合新設嘅回贈機同39A,一個鐘提供5班荃灣站接駁,幫39M慳車,甚至攞車幫30X分拆。
講起分拆,其實亦可以好似234X咁,條深水埗線唔使一定深水埗做總站,可以延長至九商;我諗亦係好多italk板友樂見嘅。

3. 6D
呢條唔使講啦,有240九巴可以大條道理cut 6D車,或者慳幾架車去促進其他重組計劃。

4. 38A
觀荃始終未去到完全特快,但38A係一個好好嘅契機促使淨低條線飛埋美孚。有無可能將38A由海濱出,行市中心東面,再上公路兜美孚,再去黃大仙呢? 更可能可以同黃大仙區半紅不黑嘅M線合併,除咗做番荃灣東部去黃大仙,同美孚去黃大仙,更可以做埋黃大仙住宅區去荃灣市中心。



歡迎大家討論,但請記住,今次開新路線,請集中喺非繁討論,因為繁忙時間嘅需求又係另一回事,而我嘅呢篇文,其實都係集中緊非繁嘅,希望大家集中非繁!
 樓主| AV296 發表於 2021-5-24 21:26 來自手機 | 顯示全部樓層
Man@MFHK 發表於 2021-5-24 17:43
唔係話停完上唔到橋,係要等幾耐先抽到個頭出中線上橋?你提起2X,我覺得如果240要行太子道可以直接跟2X依 ...

補充多少少

就我意見嚟講,馬鞍山啲線大部分停亞公角,99號有停銅鑼灣,171都專登落橋停堅拿道西。102更加唔好講,右線咁暢通,死都要轉入景隆街。上述路線大部分都有地鐵直接競爭,時間上亦未有太大優勢,但客量仍然唔錯。所以話,即使路經太子道西而停多幾個站,時間上亦可接受。

不過我要強調,只屬我自己意見,停唔停太子道西各站係一個好好嘅問題,與其俾自己主觀地決定,不如開放俾大家討論。
andy92 發表於 2021-5-21 10:14 | 顯示全部樓層
本帖最後由 andy92 於 2021-5-21 10:18 編輯

38A 食埋你條 240 咪得
仁濟/熊貓都勉強做到荃市

反建議淘大後經樂華,康寧道去裕民坊
順便 Upgrade 2A 客

tonychow 發表於 2021-5-21 16:37 | 顯示全部樓層

                                    Advertisement



你呢個方向改 296C 唔差,我亦無諗過經深旺道大角咀
唔少版友覺得經旺角拖慢車程,但事實係深水埗段一樣拖慢車程,飛走深水埗段係合理做法
Wallacetylt 發表於 2021-5-21 17:05 來自手機 | 顯示全部樓層
可以參考我建議,試用E22式走線,石硤尾,九龍塘路線太少,可能潛力比荃旺特快更高,而且避龍翔塞車(非繁一樣)
 樓主| AV296 發表於 2021-5-21 17:50 來自手機 | 顯示全部樓層
andy92 發表於 2021-5-21 10:14
38A 食埋你條 240 咪得
仁濟/熊貓都勉強做到荃市


240有三大功能,第一,幫234X改快;第二,重新做番觀深;第三,令觀荃唔使再為咗觀塘<>美孚而兜路,減少觀荃改快嘅難關。以前要理觀塘同黃大仙,而家只需搞掂黃大仙就得。

雖然觀荃仍未完全改快到,但我起碼解決咗八成嘅問題,由原本一個鐘四班美孚來往觀塘黃大仙,化為半個鐘一班美孚來往黃大仙,明顯變得無咁棘手。

而且觀深需要特快先可以有客,兜上樂華睇怕做唔到呢個效果

不過兜樂華取代2A又唔係唔得,荃葵都有好多路線由美孚碌到油麻地,但拆條深水埗線出嚟又驚唔夠客。師兄方便嘅話,都可以諗一個30X/35A版嘅拆線,令呢啲慢線改快之餘亦可開拓新客源。
 樓主| AV296 發表於 2021-5-21 17:56 來自手機 | 顯示全部樓層

                                    Advertisement



tonychow 發表於 2021-5-21 16:37
你呢個方向改 296C 唔差,我亦無諗過經深旺道大角咀
唔少版友覺得經旺角拖慢車程,但事實係深水埗段一樣拖 ...

師兄無諗過其實正常,有幾個原因:

1. 296C假假地都算係一條來往將軍澳同深水埗嘅路線,雖然完全被796C搶哂客,但好多人都覺得行深水埗係common sense

2. 改得就唔會咁簡單,13D 16一定借啲意被陰乾,九巴先會做,尤其旺角已有1A。但係隨便陰乾13D 16又會引嚟唔少問題,例如秀茂坪去大角咀。所以,我諗italk好多人都會自動剔走呢個諗法。

當然,寫得出嚟,我梗係支持296C行填海區吸新客。但係咁改可能都會有啲麻煩
 樓主| AV296 發表於 2021-5-21 18:56 來自手機 | 顯示全部樓層
Wallacetylt 發表於 2021-5-21 17:05
可以參考我建議,試用E22式走線,石硤尾,九龍塘路線太少,可能潛力比荃旺特快更高,而且避龍翔塞車(非繁一樣) ...

240有三大功能,第一,幫234X改快;第二,重新做番觀深;第三,令觀荃唔使再為咗觀塘<>美孚而兜路,減少觀荃改快棘手嘅程度。以前要理觀塘同黃大仙,而家只需拆掂黃大仙就得。

當然,我自己都覺得九龍塘同樂富值得更多車,或者起碼有條似樣啲嘅線,送佢地去其大仙或者旺角轉其他車。而家3C同2F仍然有唔少缺陷。

但係用E22式嘅線,其實做唔到上述三個目的。
kmb71k 發表於 2021-5-21 20:21 | 顯示全部樓層
麗城花園又40又240又290X
你真係當個總站位好大

仲有240來回都經塞車黑點長沙灣道
肯定無荃灣客會咁樣搭去觀塘
取消/削減服務嚟造就冇咩人會搭既240
唔值得
以上回應,是否可行?是否合適?
 樓主| AV296 發表於 2021-5-21 21:43 來自手機 | 顯示全部樓層

                                    Advertisement



kmb71k 發表於 2021-5-21 20:21
麗城花園又40又240又290X
你真係當個總站位好大


麗城總站好大? 的確唔大,我亦從來無講過好大;但齋用路線數目嚟判斷個總站大唔大,而唔睇其他因素,呢個我第一次見

但計劃裏面嘅40號,實際已被cut到30分鐘一班
290X亦係30分鐘一班,即係話兩條線先有本身40號嘅班次

不過新240擺埋入去又真係太迫咁...不如擺去灣景? 一陣改番#1


另外,240全程大概70至75分鐘到,呢個上面有寫
而240主要客源有3個:
第一,荃灣去觀塘,尤其本身40服務唔到嘅地方,例如牛頭角道。而家40號其實都需要一個鐘,所以「肯定無荃灣客去觀塘」呢句已經見仁見智
第二,觀塘去深水埗,正如上面講過,基本上紅小服務又差又貴,就算非繁都成日滿座;地鐵轉車兼全程企,而且成條長沙灣道得三個站,而觀市更得一個;有好多位,例如興華街附近、怡閣苑、牛頭角道,都完全服務唔到。而非繁嘅客更重視一程過同埋舒適嘅車程,同埋就腳嘅上車落車位,淨係呢樣野,240已經贏咗港鐵。觀塘至深水埗,由於全程特快,所以只需20分鐘,而且觀塘同深水埗兩個都係大區,所以唔單止唔會無客,而且更會吸引同upgrade不同客源
第三,荃灣去深水埗,呢個本身234X做緊,所以唔講喇


長沙灣道無錯,繁時塞車係嚴重,但非繁嚟講,其實塞車個影響無大家所講咁嚴重。青山道都未夠膽講自己塞車黑點,始終佢唔係旺角,非繁嚟講幾塞都唔會塞多過5分鐘。再者,龍翔道非繁都偶爾有塞車情況,你三點幾搭開40都知,黃大仙可以6分鐘嚟3架。

最後,我都想講下,究竟「取消/削減服務」係咪永遠係一件壞事? 240嘅車,主要係原本行觀商嘅車同埋234X改路慳出嚟嘅車。原本條觀商線客量係點? 33號非繁直情可以話係瘋狂飛站,觀商根本無人坐。老實講,觀商九商去新界需求根本唔大,荃灣人都唔係想要一條行龍翔道但唔去觀市嘅車,再係咁落去咪盞變成W1。呢個「取消服務」,實際又影響緊幾多人?我造就嘅,唔係一條無咩人搭嘅240,反而係同時滿足西約拆234X、觀深直車同埋觀荃飛美孚嘅願望,亦令九巴同運輸署得益。

呢條240,遠遠唔止一條線咁簡單,更係喺唔加車之下,創造咗一個更好嘅格局,促進九巴其他嘅重組。所以,整體嚟講,240絕對值的開辦
Waiyin12 發表於 2021-5-22 11:11 來自手機 | 顯示全部樓層
AV296 發表於 2021-5-21 21:43
麗城總站好大? 的確唔大,我亦從來無講過好大;但齋用路線數目嚟判斷個總站大唔大,而唔睇其他因素,呢個 ...

青山道都唔叫塞車黑點?!

非繁行長沙灣道唔係唔得,比始終長沙灣道巴士都唔係完全唔順燈
但行荔枝角道又得唔得?

另外,觀深而家某程度上係由無變有
其實拉296C到荔枝角先出海盈已經得
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 12:49

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表