建議開辦新線240，一條同時令九巴、市民同運輸署直接得益嘅線

gu9434@24 發表於 2021-5-24 13:54
開240其實未必對九巴著數 單係麗城花園深水埗就要整$9.4雙向方段   另外觀青非繁收9蚊 仲有電話留位 淘大有 ...

首先，因為係一條新線，所以啲分段可以重新咁set過。師兄見#1，其實我係未決定240嘅分段收費，因為既然係一個咁好嘅機會自定價錢，何不珍惜呢個機會呢?

紅小服務態度，我上面都有講過幾差。非繁中途站都可以上唔到車，莫說同九巴競爭了。且對於去青山道嘅人，觀青尚有競爭力；但對於大部分去深水埗其他地方嘅人嚟講，觀青就明顯吸引力不大，甚至細過要轉車兼無位坐嘅地鐵，尤其是夏天。

2X收7.2，240收起碼10蚊，你係九巴，會想乘客坐邊架? 既然有240，九巴自然有方法，將2X嘅客升級，掠水嚟講唔使同九巴擔心。況且2X要兜旺角，同埋要30分鐘，對真正觀深客同牛頭角道而言，似乎揀240會更好吧！

至於最後一段，美孚去觀塘大概預計半個鐘，而而家40號即使非繁都絕少做到20分鐘，通常係25-30分鐘。另外，走黃大仙除咗33號，仲有290X，所以美孚人實際情況唔會變，都係一個鐘四班去黃大仙，一個鐘六班去觀塘。

AV296 發表於 2021-5-24 16:14
我諗我終於知你個疑問。

架車係會飛哂太子同埋九龍城嘅橋，所以唔會經太子。而且九龍城亦都唔係站站停， ...

你太子道西都停到拔萃男書院，你覺得避到幾多塞車？MOKO車路口加學校門口例塞，仲要停完男拔抽頭上橋，都幾高難度。
所以點解我話行得太子道東至西就唔會快，又食燈又塞車，就算你見橋就上都唔快得幾多，除非你狠心飛晒沿途既站，但我相信你叫得老九行太子道佢又點會放過沿途各站吖。
所以我先建議飛起成條太子道，咁先係真正觀深特快。

Man@MFHK 發表於 2021-5-24 16:53
你太子道西都停到拔萃男書院，你覺得避到幾多塞車？MOKO車路口加學校門口例塞，仲要停完男拔抽頭上橋，都 ...

路過一提
2X之前都係停DBS後上橋

同意中間唔飛站對觀深定半觀荃都唔太吸引
但係同一時間堆中間站係其他客源會想停

Snoopy@FB8617 發表於 2021-5-24 17:36
路過一提
2X之前都係停DBS後上橋

唔係話停完上唔到橋，係要等幾耐先抽到個頭出中線上橋？你提起2X，我覺得如果240要行太子道可以直接跟2X依家咁行，連深水埗打後都可以跟埋一樣行法。反正都行太子道，一係狠心飛起太子連男拔都唔好停，一係跟2X行做埋太子至深水埗之間既內街。喇沙利道、伯爵街、勵德街、拔萃男書院呢D留返1A做啦。

Man@MFHK 發表於 2021-5-24 17:43
唔係話停完上唔到橋，係要等幾耐先抽到個頭出中線上橋？你提起2X，我覺得如果240要行太子道可以直接跟2X依 ...

連埋仲有條12A都係咁行
暫時無咩見過話有困難

中間上唔上橋/停幾多個站
好睇想重視邊一部分客源去定

Snoopy@FB8617 發表於 2021-5-24 17:55
連埋仲有條12A都係咁行
暫時無咩見過話有困難

停太多站就變返當年舊40咁變大流水。

喇沙利道、伯爵街、勵德街、拔萃男書院，我都明可以做埋學生客食埋部份1A觀太客，但引咁多流水客上車，觀深特快作用就會削弱，而且本來都只係非繁先快得起，做埋學生客連非繁特快都做唔成。

Man@MFHK 發表於 2021-5-24 16:53
你太子道西都停到拔萃男書院，你覺得避到幾多塞車？MOKO車路口加學校門口例塞，仲要停完男拔抽頭上橋，都 ...

原來師兄計埋男拔入太子...

老實講，12A都係咁行，繁時難度可能高，但非繁嗰個位好少塞，同「例塞」關係唔大，對行車時間個影響本身唔大。

不過我都理解師兄嘅顧慮，老實講，我個計劃都唔係百分百完美，不如咁，我將佢加落#1，俾大家討論下?

AV296 發表於 2021-5-24 16:24
首先，因為係一條新線，所以啲分段可以重新咁set過。師兄見#1，其實我係未決定240嘅分段收費，因為既然係 ...

基本上深水埗/太子<>麗城既$9.4雙向分段 係一定要有(補償原234x客)

因為你既目標客之一 係觀塘-牛下/街市<>深水埗/長沙灣

我會係這班客的角度出發  針對非繁忙時間討論

240 東行算係有吸引力
行界限街天橋 深水埗上車30分鐘內應該可以到觀塘
雖然要停站都會比其他交通工具快
若果你問我 近街市果邊應該會傾向東行繼續2X/296C

問題係西行

10.2既240 雖然15分鐘班睇落唔錯
但畢竟兩種交通工具都去到黃金/鴨寮街
普通乘客大可以繼續叫兩飛  
另外296c堆客願意行入牛頭角道搭車咩?

淘大打後西行基本上就繼續2X
2X飛站加飛橋去鴨寮街吸引力太大
240搶唔走這班客

240繁時西行雖然可以執番紅小上唔哂既客
但沿途塞車問題嚴重 吸引力相對地會降低  


個人覺得240東行吸引過西行
但因為東行要有美孚>觀塘分段 實際收入未必像想像中理想

另外，走黃大仙除咗33號，仲有290X，所以美孚人實際情況唔會變，都係一個鐘四班去黃大仙，一個鐘六班去觀塘。

問題係價錢牌到 本身40 東行美孚收緊$6.8去黃大仙/觀塘
你俾條$9.3既290X去黃大仙(參考畢架山花園分段) 加唔知收幾錢既240 人地會受落咩??

PS:我前面提供既時間係美孚東行<>九龍灣站既時間 觀塘太約加5-8分鐘

Man@MFHK 發表於 2021-5-24 17:43
唔係話停完上唔到橋，係要等幾耐先抽到個頭出中線上橋？你提起2X，我覺得如果240要行太子道可以直接跟2X依 ...

補充多少少

就我意見嚟講，馬鞍山啲線大部分停亞公角，99號有停銅鑼灣，171都專登落橋停堅拿道西。102更加唔好講，右線咁暢通，死都要轉入景隆街。上述路線大部分都有地鐵直接競爭，時間上亦未有太大優勢，但客量仍然唔錯。所以話，即使路經太子道西而停多幾個站，時間上亦可接受。

不過我要強調，只屬我自己意見，停唔停太子道西各站係一個好好嘅問題，與其俾自己主觀地決定，不如開放俾大家討論。

gu9434@24 發表於 2021-5-24 21:10
基本上深水埗/太子麗城既$9.4雙向分段 係一定要有(補償原234x客)

因為你既目標客之一 係觀塘-牛下/街市 ...

收貴嗰個問題，無論點收費，乘客一定嫌貴，九巴一定嫌平，即係話總有一方唔會滿意；而且有太多方法解決收費問題，例如即日回贈、拍卡機、分段收費等

2X同296C要兜旺角，反而240唔使，所以呢個係240嘅一個賣點。而且2X同296C西行路線一樣，2X更加要停多個太子，同埋30分鐘一班，所以即使叫到兩飛，預計仍有唔少人會揀240
當然班次呢樣野，有心嘅可以夾埋，尤其2X 30分鐘一班客易配合。

而240非繁嚟講，塞車問題相對無咁嚴重，起碼對比同一時間嘅旺角同紅隧；而240遇到嘅塞車問題，其實紅小都有機會遇到，而且對大部分人嚟講，尤其外區人，目的地唔係青山道，搭紅小仲要落車行路。

你可能會問：咁對青山道嘅人嚟講，240落車之後都要行㗎。
答案好簡單：就算巴士行青山道，嗰啲人都係會搭紅小；所以240嘅所謂「觀深」，個目標客群其實唔包括青山道。好彩嘅係，成個深水埗本身唔細，除咗青山道，其他地方人流亦集中同密，所以240即使唔服務青山道，仍然能夠服務到深水埗其他地方。

美孚去觀塘分段，其實都係睇九巴想點啫
按照傳統，新界線九龍最多6.8，但因為呢條係新線，如果九巴臉皮厚，大可以收貴啲，原因如下：
1. 其實新界入九龍最貴唔係6.8，296C都收緊7.2，98C 297更加無分段
2. 即使係新界西入九龍，最貴都唔係6.8，係E22嘅7.5
3. 九巴不嬲都無標準，政策不嬲都朝令夕改

所以實際上個分段係咪一定要6.8，其實只要九巴臉皮厚，可以斟酌。