使用九巴大專優惠站後就無得用轉乘優惠？

其實自己試過好多次，嘟九巴大專優惠站，上 A 號線巴士，咁理所當然就有 $2 優惠啦。然後轉 B 號線，A、B 之間本身就有轉乘優惠，轉乘優惠亦都用到。

但就有一次，我先搭咗 C 路線，再嘟九巴大專優惠站。上返 A 號線巴士，平咗 $4 之後，再轉返 B 號線巴士。
今次 B 號線巴士就畀正價。

事後就搵咗九巴客戶服務部，隔咗一排，收到 Email。
「因乘搭A線巴士時享用了大專優惠站優惠，所以轉乘B線巴士需繳付**全額**車資，並無多付車資。」


咩係咁樣㗎咩？？

試過好多次因為車費問題同九巴客戶服務部交流過，除非100%擺明係「人為錯誤」，如果唔係佢哋啲回覆都係好無厘頭。答非所問，似乎知道嘅嘢就係官網公佈嘅嘢。

唔知呢邊有冇師兄試過類似經歷呢？

我淨係知，九巴CS基本上係廢嘅。佢哋只係照搬網站有嘅資料，而唔會知問得佢哋嘅人因為九巴網站有錯/漏洞先至問佢哋。

所以樓主可以當個回覆係廢嘅

我寧願信方向錯咗。

lsc04d11 發表於 2021-5-27 11:54
我寧願信方向錯咗。

我都寧願係咁，不過睇過真係冇錯。
收多咗 9 蚊。

AVBWU291 發表於 2021-5-27 11:50
我淨係知，九巴CS基本上係廢嘅。佢哋只係照搬網站有嘅資料，而唔會知問得佢哋嘅人因為九巴網站有錯/漏洞先 ...

個心態係，你嘟到係咁咪係咁囉，平咗咪你嘅，收多咗就咪__煩我喇。
最尾會整句：
「九巴會繼續秉持專業態度服務廣大乘客。 」

有可能因為系統判斷你B號線俾幾錢有無轉乘係基於你A號線俾幾錢，你A號線食左優惠站優惠後系統判斷你唔合資格再食轉乘優惠。
呢樣野有可能係bug，我覺得你認為佢收多你錢就應該直接俾足資料投訴等佢地自己查，你以提問方式問CS佢只會同你耍官腔。

MK-15-83 發表於 2021-5-27 12:01
我都寧願係咁，不過睇過真係冇錯。
收多咗 9 蚊。

你點睇得出佢無較錯方向？ 因為俾緊單向分段？

Man@MFHK 發表於 2021-5-27 12:11
有可能因為系統判斷你B號線俾幾錢有無轉乘係基於你A號線俾幾錢，你A號線食左優惠站優惠後系統判斷你唔合資 ...

今次有畀到八達通號碼九巴去查。但最尾個結論就係上面所講嘅。

我同意可能會因為 A 號線分段問題，但我試過好多次，喺優惠額 $2 或者冇優惠情況下，都成功用到 A、B 之間轉乘優惠。

小弟家貧，9 蚊都幾肉痛。

Quanta 發表於 2021-5-27 12:33
你點睇得出佢無較錯方向？ 因為俾緊單向分段？

A 號線係單向分段，B 號線扣咗全額後有即場問車長確認方向。

MK-15-83 發表於 2021-5-27 12:34
今次有畀到八達通號碼九巴去查。但最尾個結論就係上面所講嘅。

我同意可能會因為 A 號線分段問題，但我 ...

其實A﹐B線及C 線係邊3條線﹐同埋你話A線有分段﹐分段後收費又係幾多。
這些基本資料都無﹐都好難分析點解出問題。


PS. 就算係九巴出問題﹐係有BUG﹐按佢的條款﹐佢都可以唔退錢及唔修正問題。